ازاي تعرف اذا كانت ترموستات الكوع شغاله ولا لا ؟
السلام عليكم ورحمه الله . احنا عارفين ان ترموستات الكوع (الموجوده داخل الكوع الانتيمون اللي بين الموتور والرادياتير )وظيفتها تحافظ علي الميه السخنه داخل الموتورلتسخينه وللحصول علي اعلي كفائه للحرق-ولو الحراره زادت عن الحد المسموح به الترموستات بتفتح وتعدي الميه للرادياتيرعلشان تاخد دورتها في التبريد __ انما اعرف ازاي ان كانت الترموستات شغاله ولا لا او موجوده اصلا داخل الكوع (في ناس بتشيلها وده غلط لانه بيزود استهلاك البنزين) ؟ __ ببساطه ادور العربيه الصبح وهي بارده وازود بنزين بايدي من الاكسراتير والاحظ لو خرطوم الفايظ اللي جاي من الرادياتير وداخل علي القربه بيجيب ميه داخل القربه والعربيه بارده يبقي الترموستات مفتوح(مش شغال )او مش موجود اصلا . لاحظ انه في 2 خرطوم فايظ واحد جايب من الرادياتيرللقربه والثاني جايب من الموتور للقربه ايضا وده لزياده كفائه التبريد. ويارب اكون اضفتلكم شيء جديد وارجو الدعاء .