من كام يوم كده انا و صديقى badawy66 كنا بنتحدث مع بعض على الماسنجر و بعد السلام و التحيه لقيته بيقولى انت تعرف ان فى لمبه للشنطه فى التابلوه المفروض تنور لما تفتح الشنطه قولتله اه لكن للاسف مش بتنور قالى طيب ماتيجى نشغلها قولتله انا ماليش فى الكهرباء قالى انا ليه لكن مش بعرف افك التابلوه قولتله انا بعرف و كده اتحد قطبى العمل :k36: و اتفقنا على انه هايعدى عليا فى البيت الساعه 5.5

و ابتدينا الشغل فكيت التابلوه و بعد كده اتاكدنا ان اللمبه موجوده ده للاحتمال انهم مش مركبنها اصلا بخل يعنى

المهم لقبناها راكبه و بتطلعلنا لسنها زى ماتقولوا كده بتقولنا مش هاتعرفوا تشغلونى بصراحه انا احبط جدا كان نفسى انها تكون مش موجوده و خلاص قعدنا نفكر نعمل ايه

اكتشفنا ان التابلوه فيه فشتين واحده مخصصه للمض و التانيه للبور و اللى مخصصه للمض فيها رجل مش راكبه هنا جالى حبه امل تانى

قومنا موصلينلها حته سلم من لمبه نور الباب لقيناها نورت :10D5C8~1107:

قومنا على طول رايحين جايبين 5 متر سلك و وصلناه من كالون الشنطه اللى بيخلى نور الشنطه ينور لما تفتح الشنطه الى مكان اللمبه فى التابلوه و بالفعل تم المراد

قعدنا فى عربيه badawy66 ساعه ونصف لحد ما ظبطنا كل حاجه و بعديها اشتغلنا فى عربيتى بالظبط 20 دقيقه من فك و تركيب التابلوه و عتب البيبان علشان نفوت اللسك من تحته

احب اوجه الشكر للجندى المجهول فى الحكايه دى الاستاذ AHMEDANWER بصراحه الراجل مدنا بالكتالوجات بتاعه العربيه و اليوزر مانيوال اللى ساعدونا جدا جدا