حد عنده أخر أخبار قضية سيارات كيا فى مصر؟

**mohey** · 06-09-2007 08:12 AM

لوحد عارف إيه اخر أخبار توكيل كيا فى مصر يقول لنا لأنى شايف أن موضوع قضية حظر نزول سيارات كيا إلى مصر عبر وكيلها الجديد محلك سير
حرام والله نتحرم من المركة دى فى مصر ويكون التعامل من وراء الكواليس !!!

**Mina W** · 06-09-2007 10:40 AM

انا اما كنت بعمل صيانة ال 10000 سألت على موضوع قطع الغيار والتوكيل قالي أن كل قطع الغيار موجوده بس هيا غاليه شويه بسبب موضوع القضيه بس واحد هناك قالي أن موضوع القضيه أتقفل وهم مستنين أن القاضي يخلص موضوع القضيه ده تماما وده هايحصل في شهر 9

ده كلام قالوا زميل لينا فى المنتدى ، اهو قدامنا لاخر الشهر و نتأكد فهانت خلاص :?

**wafer** · 06-09-2007 04:45 PM

ربنا يسهل انا كل دة مش لاقي الكيا ريو خااالص و مستنيها بس مش هقدر استنى اكتر من كدة
و انا سمعت ان الأضية هتتحل في 9

**wafer** · 06-09-2007 04:47 PM

ياريت لو حد يعرف معرض عندة يقوللي بس متكنش فكرة إنني اروح للوكيل و احجزها بأسمي و استنى شهرين

**mbluethunder** · 06-09-2007 11:53 PM

المشاركة الأصلية كتبت بواسطة wafer

ياريت لو حد يعرف معرض عندة يقوللي بس متكنش فكرة إنني اروح للوكيل و احجزها بأسمي و استنى شهرين

يا باشا العربيه شوفتها النهارده قدام عنيا ولون جديد خالص ( أخضر فزدقي ) لون تحفه بجد في توكيل أبو رواش EIT وهناك عندهم كل عربيات كيا بالموديلات كلها

والله ياجماعة التوكيل ده محترم جدا جدا والناس هناك بتقدر عربيتها كويس جدا وبجد العربيه ده مظلومه بسبب القضيه ده بس خدها مني كلمه أول ما القضيه تتقفل تماما بالنسبه لهم هاتشوف kia هاتعمل آيه في الشارع المصري

وكلمه في سرك: موضوع القضيه ده مخلي مركز الصيانه هناك هادي ومش عايز أقولك إنك ممكن تعمل الجن الأزرق في العربيه في خلال أسبوع مش شهور زي أي حد تاني

وكمان هناك ناس فهمه شغلها كويس جدا جدا وعلى درايه بالعربيه

على العموم لما نشوف هايحصل أيه في القضيه الشهر ده

وصدقني اللي بيعملوه دلوقتي مش معناه من وراء الكواليس هما قدروا يجيبوا حل علشان يقدروا يسدوا طلبات العملاء على عربيات kia لأنهم لو معملوش كده كنت تلاقي التوكيل ده قفل و kia إختفت من السوق وأنا من وجهة نظري سواء بيطلع العربيه بأسمك أو بأسمه في الأخر بيديلك ضمان مختوم من التوكيل وده في حد ذاته ليه وزنه

وأنا عن نفسي لغاية دلوقتي مابعملشي أي حاجه ولا أستشير أي حد في عربيتي غيرهم

وأنا في قصه حصلت معايا اليومين دول بس هاكتب عنها لما تخلص خالص

ولو أنا مكانك وعايز تجيب كيا ريو كلم توكيل EIT وأعرف منهم كل حاجه بالتفصيل.

وعلى فكره في عربيات كيا كتير في المخزن بتعهم في الأسكندريه ومافيش دلوقتي لا شهرين ولا حتى شهر

إتكل على الله بجد عربيات كيا تستحق الإحترام والتقدير

**wafer** · 07-09-2007 12:32 AM

بص يا استاذ mbluethunder7000 انا رحت التوكيل من شهر لما ال دكتر احمد سمير عضو كبير هنا قاللي روح و ابو رواش و كدة بس كل الريو اللي هناك بتاعت ناس مش للبيع ؟؟ و لما سألت قاللي استنى شهرين
و شكرا ليك على ردك و ياريت لو إتأكدت انو التوكيل عندو فعلا تقوللي و شكرا ليك
بلمناسبة رقم التوكيل مش هوا المتداول في الموقع هنا الرقم اتغير من ذمان بس الجديد مش معايا عشان الموبايل اللي متسجل علية باظ

**wafer** · 07-09-2007 12:38 AM

دة الكارت اللي انا خدتو امما رحت هنا من شهر

ممثل مبيعات عمر ابو عوف 0105229150
فاكس 5391486
تليفون \81\82\84\85 \5391480

الكيلو 28 طريق مصر الأسكندرية الصحراوي مدخل ابو رواش 2 المنطقة الصناعية
دة كل اللي مكتوب علي الكرت
لا صح نسيت مكتو على الكرت من فوق KIA MOTORS thr power to surprise

**wafer** · 07-09-2007 12:41 AM

انا كنت ناوي انذل بكرة السوق بتاع العربيات اشوفلي واحدة ريو مستعملة او غيرها بس كدة هستنى و اروح التوكيل

**mbluethunder** · 07-09-2007 12:49 PM

حضرتك ممكن تكلمهم على 25222222 وتسأل على كل حاجه من غير ماتروح ولا تتعب نفسك

وكمان أنا لو مكانك لازم أسأل على الجديد قبل المستعمل لأن فيه جديد

والتوكبل بتروحه من نفس مدخل القريه الذكيه ولو سألت هناك هتلاقي ناس هادللك

على العموم إتصل بيهم الأول وأستفسر عن أي حاجه

**wafer** · 08-09-2007 02:42 AM

لا يا باشا كلمتهم و قاللي استنا شهر و تنزل بس مش مسدقة

الموضوع: حد عنده أخر أخبار قضية سيارات كيا فى مصر؟

LinkBack

أدوات الموضوع

عرض

-

-

-

المواضيع المتشابهه

نص مرافعة النيابة البليغة والقوية فى قضية أرض أخبار اليوم

حد عارف كهربائي سيارات عنده ضمير في المريوطيه بالهرم

السعر الخاص للجيتا 2010 في ملحق أخبار سيارات السبت 24/7/2010

حد عنده أخبار عن حالة بنت الأخ سبعاوي الله يشفيها

أخر أخبار سيارات اسبيرنزا الجديدة في اوتوماك + اسعارها

الكلمات الدلالية لهذا الموضوع

المفضلات

المفضلات

ضوابط المشاركة