إلى السادة قاطني الجيزة الكرام..كان الله في عونكم

هو ايه المشروعات إللي بتتعمل في محافظة الجيزة بالظبط؟؟؟؟ حد فاهم حاجة!!!!! وليه كلها بتتم في وقت واحد..وليه مش عايزين يخلصوا؟؟؟؟

في مشروع شكله كده انفاق مشاه في ميدان الجيزة بقى له كذا سنة مش عايز يخلص..بس هما عمالين ينقلوا السور الاصفر من حتة لحتة وبس..

وبعدين كبري المريوطية..مش ده المفروض بيوصل قوسي الدائري ببعض..هما القوسين دول بعاد قوي عن بعض كده؟؟

وبعدين محور صفط اللبن ده جاي من اين رايح لفين؟؟؟ وبعدين الكوبري من شارع السودان ده هايطلع ولا هاينزل من محور صفط؟؟؟

وبعدين ايه إللي بيحصل ده في ميدان الرماية!!! هو مين هايروح فين وازاي طبقا للتعديلات الجديدة في ميدان الرماية؟؟؟

وحد يفهمني موضوع الكوبري العجيب في شارع ترسا ده حل أنهي مشكلة!!!

انا بجد مش عارف مش بهزر..ياريت حد يفهمني بس بطريقة تحديد المشكلة وكيف ان المشروع ده هايحلها!!

وكان الله في عونكم

اقتباس:

---

هو ايه المشروعات إللي بتتعمل في محافظة الجيزة بالظبط؟؟؟؟ حد فاهم حاجة!!!!! وليه كلها بتتم في وقت واحد..وليه مش عايزين يخلصوا؟؟؟؟

في مشروع شكله كده انفاق مشاه في ميدان الجيزة بقى له كذا سنة مش عايز يخلص..بس هما عمالين ينقلوا السور الاصفر من حتة لحتة وبس..

وبعدين كبري المريوطية..مش ده المفروض بيوصل قوسي الدائري ببعض..هما القوسين دول بعاد قوي عن بعض كده؟؟

وبعدين محور صفط اللبن ده جاي من اين رايح لفين؟؟؟ وبعدين الكوبري من شارع السودان ده هايطلع ولا هاينزل من محور صفط؟؟؟

وبعدين ايه إللي بيحصل ده في ميدان الرماية!!! هو مين هايروح فين وازاي طبقا للتعديلات الجديدة في ميدان الرماية؟؟؟

وحد يفهمني موضوع الكوبري العجيب في شارع ترسا ده حل أنهي مشكلة!!!

انا بجد مش عارف مش بهزر..ياريت حد يفهمني بس بطريقة تحديد المشكلة وكيف ان المشروع ده هايحلها!!

وكان الله في عونكم

---

كوبري شارع السودان حيوصل بكوبري صفط اللبن و كوبري الدائري هيوصل بالأتنين
يعني الثلاثة تقريباً كوبري واحد
رايح فين بقى و جاي منين لسة مش عارف
بالنسبة لنفق المشاه بتاع ميدان الجيزة تقريباً برضوا هيوصل بالتلات كباري بتوع صفط و الدائري و شارع السودان
فق بقى هتنزل منين و هتطلع فين دي حاجة في علم الغيب
بالنسبة بقى للمريوطية و مدان الرماية شئ طبيعي انه يحصل فيها تعديلات
دول تلات كباري و نفق مشاه هيوصلوا ببعض و لسة ما قرروش الكباري و النفق هيودوا على فين
بس هما بيعملوا ميدان الرماية و المريوطية علشان لو حصل هبوط اطراري لاي حد في اي حتة
ارجوا ان اكون افدتك
:colsmil::colsmil::colsmil:

اقتباس:

---

المشاركة الأصلية كتبت بواسطة ecybrarian

هو ايه المشروعات إللي بتتعمل في محافظة الجيزة بالظبط؟؟؟؟ حد فاهم حاجة!!!!! وليه كلها بتتم في وقت واحد..وليه مش عايزين يخلصوا؟؟؟؟

---

*****
* بيقولوا والله أعلم أنها ها تخلص في شهر 6 اللي جاي...
بس بصراحة ما قالوش شهر 6 دة ها يجي سنة كام بالضبط.
* كفاية دي اللي أقدر أجاوبك عليها
* بس بالذمة مش حرام عليك تفكرنا باللي إحنا فية وخاصة موضوع ميدان الرماية والعذاب اليومي في رحلتي الذهاب والعودة

فعلا انا اكبر مشكله بتقبلنى الرمايه وكوبرى المريوطيه الطريق بيااخد بتاع ساعه فى الحته ديه بس
بس نصبر لحد لما يخلص ده هيوفر كتييييييييييييير اوووووى فى الوقت وحجات كتير

اقتباس:

---

المشاركة الأصلية كتبت بواسطة Ahmed_Elkhateb

فعلا انا اكبر مشكله بتقبلنى الرمايه وكوبرى المريوطيه الطريق بيااخد بتاع ساعه فى الحته ديه بس
بس نصبر لحد لما يخلص ده هيوفر كتييييييييييييير اوووووى فى الوقت وحجات كتير

---

*****
* أدي أحنا صابرين ومتعشمين
* بس السؤال المهم في المنطقةالمحصورة بين ميدان الرماية ومدرسة كفرة نصار سواء بالنسبة للي داخل فيصل واللي جاي من فيصل داخل ع الرماية بعد ما شالوا الجزيرة اللي ف النص
:stink[1]::Copy of majd(4): :stink[1]:(حد فاهم الطريق ماشي في الحتة دي إزاي بالضبط ؛ حد فاهم مين جاي منين والا رايح فين):stink[1]::Copy of majd(4)::stink[1]:

قلبت عليا المواجع

انا دايما بطلع الدائري من عند المريوطية,بصراحة حاجة في منتهى القرف سواء وانا رايح شارع الهرم الناس بلاقيها جاية مخالف في وشي عند مدرسة علوي للغات كده

وانا طالع الدائري بقى ناحية فلفلة كدا ببقا خايف قوي احسن الاقى لوح خشب ولا سيخ حديد نازل عليا من السما,بجد ربنا يستر ويخلي العالم دي تنجز بقى

اقتباس:

---

المشاركة الأصلية كتبت بواسطة ecybrarian

وبعدين كبري المريوطية..مش ده المفروض بيوصل قوسي الدائري ببعض..هما القوسين دول بعاد قوي عن بعض كده؟؟

---

القوسين مش بعاد أوى
هما بينهم ترعة المريوطية و لكن من كثافة الضغط...أصبحوا غير نافعين
المرحلة الثانية تم إنشاء طريق جديد و به نفقين واحد يمر تحت شارع فيصل و الآخر يمر تحت شارع الهرم و ذلك الطريق مرصوف حديثا و به مناطق عريضة جدا
و لكن أيضا مع ازدياد الحركة و كثرة أعداد سيارات النقل الثقيل ( تكثر بشدة فى تلك المنطقة )..أصبح الوضع لا يحتمل أثناء أوقات الذروة و التى تمتد لساعات طويلة من اليوم...فأصبح الحل وجود وصلة مباشرة من القوس الشرقى إلى القوس الغربى بدون النزول من أحدهما و المرور من أسفل و التقاطعات مع الشوارع الكبيرة مثل الهرم و فيصل...و لذا فهم يبنون الكوبرى الواصل بين القوسين من تلك الجهة مثلما هناك النفق الواصل بينهما من ناحية طريق الاسماعيلية

اقتباس:

---

المشاركة الأصلية كتبت بواسطة ecybrarian

في مشروع شكله كده انفاق مشاه في ميدان الجيزة بقى له كذا سنة مش عايز يخلص..بس هما عمالين ينقلوا السور الاصفر من حتة لحتة وبس..

---

ميدان الجيزة داخل على 3 سنين متبهدل

الاول نزلة الكوبرى الجديدة (خلصت الحمدالله)

بعدين نفق البحر الاعظم بدل الاشارة فى مراد (خلص الحمد الله )

بعدين انفاق المشاه بيعملوها علشان محدش يعدى من فوق!!!

وطبعا استحالة وتقريبا ما اشتغلوش فيه وبقاله سنتين

شوف يا هشام بيه

اقتباس:

---

المشاركة الأصلية كتبت بواسطة ecybrarian

هو ايه المشروعات إللي بتتعمل في محافظة الجيزة بالظبط؟؟؟؟ حد فاهم حاجة!!!!! وليه كلها بتتم في وقت واحد..وليه مش عايزين يخلصوا؟؟؟؟

في مشروع شكله كده انفاق مشاه في ميدان الجيزة بقى له كذا سنة مش عايز يخلص..بس هما عمالين ينقلوا السور الاصفر من حتة لحتة وبس..

---

هما بقالهم حوالي 6 سنين عمالين ينقلوا الأسوار الصفيح الصفرا مره نزلة كوبري ومره انفاق ومش باينلهم هايخلصوا امتى

اقتباس:

---

وبعدين كبري المريوطية..مش ده المفروض بيوصل قوسي الدائري ببعض..هما القوسين دول بعاد قوي عن بعض كده؟؟

---

هما القوسين مش قريبين لكن برده مش بعاد أوي لكن الفكره في الزحمة اللي بين القوسين فعشان كده عملوا الكوبري بس هما أنجزوا فيه جامد وفي حتت كتير قربت خلصت

اقتباس:

---

وبعدين محور صفط اللبن ده جاي من اين رايح لفين؟؟؟ وبعدين الكوبري من شارع السودان ده هايطلع ولا هاينزل من محور صفط؟؟؟

---

محور صفط ده بأه جاي من الدائري اللي جاي من الرمايه والمريوطية وهاينزلك على صفط وجامعة القاهرة على حسب ما هما كاتبين

اقتباس:

---

وبعدين ايه إللي بيحصل ده في ميدان الرماية!!! هو مين هايروح فين وازاي طبقا للتعديلات الجديدة في ميدان الرماية؟؟؟

---

الرمايه بأه هما قرروا يلغوا الميدان ويعملوه إشارة تقاطعات ودي طبعا قمة الذكاء في التنظيم المروري

اقتباس:

---

وحد يفهمني موضوع الكوبري العجيب في شارع ترسا ده حل أنهي مشكلة!!!

---

كوبري ترسا بأه ده ميزته الوحيده انه بيعدي من فوق الطلبيه ودي التقاطع فيها مشكله عويصه جدا تكاتك وميكروباص ونص نقل وفرح أم عباس
بس الجميل انك لو رايح في اتجاه المريوطية بعد الكوبري أوعي تستغرب لو لقيت كل الميكروباصات جايه في الإتجاه المعاكس وممكن تبقى قافله طريقك انت عشان دي الداخله الوحيده للطالبيه بدل ما يطلعوا الكوبري ويلفوا ويرجعوا
والله عبقرية
انا بجد مش عارف مش بهزر..ياريت حد يفهمني بس بطريقة تحديد المشكلة وكيف ان المشروع ده هايحلها!!

وكان الله في عونكم[/QUOTE]:Copy of majd(4):

والله يا جماعة البلد دي بقت عايزة بوصلة لتحديد اتجاه السير في اي حتة
هي صحيح ماشية ب البركة :10d5c8~1107:

يا شباب مين فيكم عدي علي ميدان الرماية النهاردة
* من فيصل الطريق واقف من عند المريوطية
* طريق الفيوم واقف من ميدان الرماية لحد البوابة الثانية من حدائق الأهرام وفي الإتجاهين
* ميدان الرماية نفسة بقي لعبكة ومش عارف أنا مشيت إزاي لحد ما وصلت لأول طريق الفيوم
* ومش عارف وأنا مروح أمشي إزاي بفكر أخد الدائري لغاية صفط وأنزل ألف من تحت الدائري وأرج أطلعه من ناحية الثانية وأنزل المريوطية

كوبري ترسا ده جامد جدااااااااااااااا

انا بطلع من بيتنا انا في شارع الثلاثيني بدل مااطلع شارع الهرم وزحمة وقرف بروح واخد الكوبري ده وانزل الاقي نفسي عند نصر الدين وبعمل كده وانا مروح برده
لكن باقي العك الي بيحصل ده مش عارف ايه فايدته لسه

اقتباس:

---

يا شباب مين فيكم عدي علي ميدان الرماية النهاردة
* من فيصل الطريق واقف من عند المريوطية
* طريق الفيوم واقف من ميدان الرماية لحد البوابة الثانية من حدائق الأهرام وفي الإتجاهين
* ميدان الرماية نفسة بقي لعبكة ومش عارف أنا مشيت إزاي لحد ما وصلت لأول طريق الفيوم
* ومش عارف وأنا مروح أمشي إزاي بفكر أخد الدائري لغاية صفط وأنزل ألف من تحت الدائري وأرج أطلعه من ناحية الثانية وأنزل المريوطية

---

انا الحمد لله عديت من هناك الساعة 9 الصبح
و الحمد لله ماكنش معايا العربية عشان مخموق منها من ساعة الحادثة
نزلت من التاكسي في محطة مشعل و اتمشيت لحد الرماية
فعلاً المنظر كان رهيب
زحمة فوق الوصف و الخيال
اول مرة اشوف ميدان الرماية كدة