لكل محترفي السواقة

**DAHB115** · 15-03-2009 04:15 PM

السلام عليكم اخواتي في الموقع اريد من محترفي السواقة ان يشرح لي طريقه السواقه من بداية المشوار اللي همشية الي النهاية مع بداية السرعات والتهدئة يعني مشوار كامل
لو مش مفهوم كلامي اوضح اكتر
اولا انا اتعلمت السواقه وبسوق دلوقت لسه جديده وما مشيتش كتير بعربيتي لسه
بس كنت عاوزه اعرف حاجات مهمه
بمعني افضل طريقة للسواقه عشان ما اخربش حاجه في العربيه بدون علم .انا هتكلم كاني ماشية في طريق دلوقت
فمثلا انا هخرج بالعربية هبتدى ازاى امشي الطريق فاضي قدامي اخدت سرعات قابلني مطب اعمل ايه وانا علي سرعه عاليه اهدى ازاى ولو هديت بالفرامل اخليني علي سرعتي ولا اقلل الغيار .هلف من شارع لشارع ضيق اعمل ايه
يا رب تكونوا فهمتو قصدى .عارفه اني برخم بس بجد مهم عندى لاني ساعات بتلبخ ومش بعرف اعمل حاجه وشكرا

**Rembrandt** · 15-03-2009 04:45 PM

واحدة واحدة دلوقتى انت طلعت بلعربية على الاول لما العربية تتحرك من الوضع الثابت بتنقل على التانى وهكذا لما بتقابل مطب اكيد بتهدى العربية وبتمور العربية واحزر انك تدوس فرامل وانت على المطب تفرمل قبل المطب بلراحة
لما تحب تدخل شارع يمين او شمال طبعا بتدى اشارة الاول وبعدين بتهدى بلفرامل او بتنقل الغيار الاقل على حسب الطريق والحجات دى كلها انت بتتعلمها على الطريق
بلممارسة ومع الوقت اهم حاجة ابعد عن الميكروبصات واتوبيسات هيئة النقل العام ربنا يكفيك شرهم
وحاول انك تمشى بلسيارة كتيير الاول فى المدن الفاضية يكون احسن عشان تاخد على العربية وتتعود على السواقة قبل متغامر وتدخل وسط البلد
وسمى قبل ما تركب العربية
ولو فى استفسار لا تتردد فى السؤال
وربنا يستر طريقك بازن الله

**Fadi Ezzat** · 15-03-2009 11:26 PM

اولا ربنا يسترها عليك علشان تسوق حلو
1- لازم اما تركب العربية صلى صلاة صغيرة كدة انا بعمل كدة على طول
2-ابتدى بالاول وخلى rbm يوصل لحد 4 مثلا وانقل على التانىوهكذا
3/ماتعديش 80 كم/س دلوقتى لحد اما تتحترف وتتعلم حلو وميغركش ان واحد بيجرى تروح سارح وراة
4-خليك فى الحارة بتاعتك مهما حصل ماتروحش يمين ولا شمال الا لما تبص وراك ومتلاقيش حد وتتدى اشارة
5-اطمن على العربية قبل اما تمشى (معلش المفروض دى رقم واحد)
6-اعلم الكلام دة دلوقتى واما تتعلم شوية هنعلمك تانى احسن
7-اول اما تنزل من العربية اشكر ربنا انة وصلك بالسلامة