السؤال لاصحاب الميجان 2 والرينو عموما
هل الميجان 2 موفره في البنزين ولا متوسطه ولا مستهلكه جدا
السؤال لاصحاب الميجان 2 والرينو عموما
هل الميجان 2 موفره في البنزين ولا متوسطه ولا مستهلكه جدا
متوسط استهلاكها بتاع 10 لتر فى ال 100 كيلو تقريبا
بالنسبة لموتور سعته 1.6 لتر و وزنها 1175 كيلو مع القيادة داخل المدينة إذا جاز التعبير عنها بقيادة...فأعتقد إنه كويس..
صفرت العدادات بعد صيانة الـ 10000 و وصلت امبارح للـ 20000 و حتى الان معدل الاستهلاك 8.8 ليتر لكل 100 كم بس 90% منهم على طرق سريعة
انا ال 95 فارق معايا جامد اوقات بحس انها بتخد بنزين اقل من الكليو
انا بتعمل معايا بنزين 92 100 كيلو لكل 10 لتر ... مش عارف ده متوسط ولا كتير
السلام عليكم ..انا جربتها علي طريق السفر لقيتها بتاخد حوالي 7-8 لتر في 100 كيلو و اظن ده معدل هايل علي موتور 1600 و اظن انه قريب من الماتريكس
انا بستعمل 95 وبصراحه مرتااح جداااااااااااا جدااااااااا جدااااااااااااا
واستهلاكها للبنزين بالنسبة ليا قليل جدا
انا لسة مجرب اقيس استهلاك العربية على طريق اسكندرية الصحراوى والنتيجة كانت مفاجأه (على الأقل بالنسبة لى)
انا قست الإستهلاك من أول كورنيش اسكندرية لغاية ما اتحشرت فى ميدان الرماية
المسافة على كومبيوتر الرحلات: 225 كم
متوسط الإستهلاك: 6.9 لتر لكل 100 كم
دى صورة للعداد بتبين متوسط الإستهلاك ... الصورة خدتها وانا محشور فى ميدان الرماية (قلت أسللى وقتى) :)
http://www.postimage.org/aV2ekLar.jpg
بحسبة بسيطة:
100 \ 6.9 = 14.49 كم لكل لتر
14.49 * 20 لتر (صفيحة) = 289.8
يعنى تقريبا بتعمل 290 كم فى الصفيحة !!!!!
اسف للإطالة بس الموضوع كان فعلا مفاجأه ليا
طب استهلاك معقول :) جدا :) ومرضى جدا ولو كمان 95 هيقل عن كده ديه حاجة كويسة :)
لسه راجع من إسكندرية من حوالي ساعة
الصبح فوّلت من شل ش دمشق و صفرت العداد
طلعت أسكندرية صحراوي من م لبنان للمحور
خلصت مشوارين صغيرين (الأزاريطة , نادي الصيد الموجود بالجهة المقابلة لكارفور , محرم بك) و العودة إلى م الجديدة.
قراءة العداد تحت البيت 481 كم و إستهلاك البنزين (92) كان 34,5 .... نحسبها سوى :-
(1) لتر لكل (13,94202899) كم
(1 * 20) لتر = (13,94202899*20)كم
(20) لتر = (278,8405797)كم
مع الأخذ في الإعتبار السرعة من 100كم/س إلى 150كم/س حسب كثافة المرور و الرؤية الليلية في العودة.
:U_thin1[1]:
كنت حنسى أقول حاجة مهمة جداً و هى إني تشرفت بمقابلة الباشمهندس / هشام أول وحش جاب سيمبول
مش حوصف أى شئ في شخصه الكريم علشان ما أفوتش على الوحوش بهجة لقائه لما يتعرفوا عليه بنفسهم.
:8_8_13:
يا جماعة انا بالنسبة ليا العربية مستهلكة بنزين علشان بمشي جوه البلد والزحمة وكدده ، مش بتكمل معايه ، بس لو على طريق سفر موفرة قوي بجد بس كنت عايز استفسر هوه ينفع احط لعربيتي ميجان 2005 بنزين 80 ولا في مشكلة
معتقدش انك هتلاقى حد يرد على السؤال ده لأن معتقدش حد جرب يحط بنزين 80 هوة طبعا هيا المفروض يتحطلها 92 ققل حاجة بس فيةة عربيات كتير حطلها 80 ومشيت عادى من غير تسقيف ولا اى حاجة ممكن حضرتك لو نويت تجرب استنى لما التنك يفضى خالص وحظ 10 لتر وجرب العربية لو مظبوطة ومن غير تسقيف ولا اى حاجة كمل منفعش ارجع تانى ل 92 بس متنساش لو جربت تروح لبنزينة مظبوطة :) مش بتغش البنزين :) :)
متحاولش ببنزين 80 خالص
عاوز تحط 90 ماشى بس 80 لأ