-
المررررررر في الهايكستب
السلام عليكم ورحمة الله وبركاتة سيارتى ماروتى وعاملة 31000كم موديل 2006دهبت لمودرن موتورزالهايكستب بعد ما حجزت يوم الخميس 12 مارس وجرى ما لم اتوقعة رحت اشتكى من نتشة لما اكون بسوق على السرعة الثانية وزيادة باستهلاك البنزين (9.5)كم فى اللتر وادا بى لقيت الميكانيكى بيقول ان البوجيهات اليابانى الى ركبتها من شهرين وحشة وعليها رطوبة وعلشان كدة هيغير طقم الكهرباء كلة قلت ماشى وقعدت 3 ساعات من 9 صباحا الى 12 ظهرا وقلت مش مهم وبعد كدة مفيش حوالى كام ساعة وشفت حاجات غريبة العربية حالها اتغير بقت بتقطع ومفيش سلانسية بينفع فرحت للميكانيكى قالى العربية واطية وهاظبطهالك ومفيش 2 ساعة الا والحال رجع تانى وتانى يوم رحت تانى قالى غريبة المسمار بعد ما ربطة ساب وكمان اشتكيتلة ان العربية لما بسخنها ما بتشتغلش الا لما ادوس بنزين كتير ودة طبعا مكنش موجود قبل زيارة التوكيل يعنى كنت بفتح الكونتاكت وامورها وهى تسخن عادى والنهاردة الصبح جيت اسخنها لقيت مابتستجيبش وبقت جايبة دخان اسود فاتح ومليان بنزين وبعد كدة وقفت خالص جثة هامدة
-
انا تعبت محدش يعرف ميكانيكى كويس فى عين شمس لان العربية قتيلة ما بتتحرك
-
ايه ده ؟؟
يا نهار ابيض بقى ده منظر توكيل !!
مش عارف اقولك ايه بجد بس حضرتك لازم تصرف نظر عنهم خالص ( و ده رأيى ) واتعامل من بره بره مع اى صنايعيه و يكونو كويسين و خلاص ,, طالما التوكيل بالمنظر ده
وكتير من الأعضاء الكرام حكو عن تجاربهم فى التوكيل و كانت للأسف 99 فى الميه منهم تجارب سيئه للغايه
للأسف انا مش من عين شمس مش هقدر افيدك .. ومعلش فداك الف صيانه المهم سلامتك و سلامه الأموره ( الماروتى ) وان شاءالله ميكانيكى كويس يظبطلك الكلام ده
-
الحمد لله وبادن الله ساوافيكم باخر الاخبار والف شكر على الاهتمام
-
يوجد ميكانيكى ممتاز جدا فى الماظة عند شركة الغاز الطبيعى من ناحية سور مطار الماظة اثنين اخوات عصام وعلاء ان شاء الله تكون مبسوط معاهم جدا
-
يوجد ميكانيكي ممتاز كان شغال في التوكيل وهوا امين جدا اسمة خالد خلف سنترال المطرية
Content Relevant URLs by
vBSEO 3.6.0 PL2