السلام عليكم انا هسافر كتير ان شاء الله للغردقه عشان شغلى هناك يعنى كل اسبوع تقريبا اخد بالى من ايه قبل السفر فى العربيه واريحها فى الطريق ولا اكمل على طول هى لانوس 2007 محتاج النصيحه لمبتدء
عرض للطباعة
السلام عليكم انا هسافر كتير ان شاء الله للغردقه عشان شغلى هناك يعنى كل اسبوع تقريبا اخد بالى من ايه قبل السفر فى العربيه واريحها فى الطريق ولا اكمل على طول هى لانوس 2007 محتاج النصيحه لمبتدء
بأستمرار وأنت مسافر أطمن على الكاوتش.......وكفاءة البطاريه والأنوار والفرامل.......وطبعا دايما بيفضل قبل أى سفر طويل (أعمل تشيك على الآداء بمشوار صغير )............وطبعا حتراقب مستوى الزيوت والمياه وهكذا......كل الأمور العاديه (وياريت برضه تكون مطمن على ميعاد تغيير سير الكاتينه .....لأنك ممكن تكون عامل كيلومترات كتير بالسياره وأقترب ميعاد تغيير هذا السير على وجه الخصوص ).........وبرضه خللى معاك سير دينامو أحتياطى وكذلك سير تكييف ...............وربنا يصلح لك الأحوال...........
متشكر لرد حضرتك السريع
انا لسه جايب بطريه جديده
والعربيه عامله 17الف اعمل حسابى بردو فى السيور ولا ميعادها لسه بدرى
والفرامل العاديه بتاعت العربيه
والكاوتش كويس الحمد لله
كده تمام يا استاذ سمير ولا رايك يه
يرجى مراعاه صحة كتابة لفظ الجلالة
مشرف القسم
أعقلها وتوكل.............ولاداعى من أى سيور معاك طالما لسه بدرى كده ........بس أطمن على الزيوت والميه .....وعينك دايما على العدادت وأنت سايق وطبعا مع الألتزام بالسرعات الهادئه وأستعمال الفرامل بهدوء (ودايما أعمل حساب خطأ الغير )
ياراجل توكل على الله دى لسة ما لينتش ربنا يسترها معاك و يكفيك شرها و يحميها
طيب لو لاقدر الله سير التكييف اتقطع في الطريق... هل بيأثر علي التكييف بس ولا بيسبب مشكلة تانية. ؟؟؟؟؟؟؟؟؟؟؟؟؟
مفيش أدنى مشكله..................أهم شىء يبعد عن العناصر الدواره وهو بينقطع....................ألمشكله عندكم بس فى سير الباور والدينامو (ولسه العربيه تمام والحمد لله )............
مشكور علي الافادة يا هندسة.اقتباس:
مفيش أدنى مشكله..................أهم شىء يبعد عن العناصر الدواره وهو بينقطع....................ألمشكله عندكم بس فى سير الباور والدينامو (ولسه العربيه تمام والحمد لله )............
أهم حاجة في طريق الغردقة الاتي:
- الفرامل تكون كويسة
- النور العالي يكون مظبوط و كاشف الطريق
بعد كده خلي بالك من الاتي بالطريق:
1- ملفات العين السخنة ماتزودش عن 90 كم/ساعة
2- لو أول مرة تسوق علي الطريق ده لا تحاول أن تتخطي سيارات بوصلة (السخنة/الزعفرانة) ألا عند الضرورة و بعد أن تتأكد من خلو الطريق من السيارات القادمة بالاتجاه المقابل
3- أحذر الرادارات علي طريق الزعفرانة-غارب-الغردقة
و ربنا يسترها معاك