والله لو اخرك 92000 ومش هينفع تزود مليم زياده يعنى ماينفعش تجيب الالنترا اتوماتيك ب97000 تقريبا يبقى تشوف ايه اللى اريحلك يعنى صحيح انا بحب الالنترا اكتر بس فى الاختيار ده اخترت سيراتو ستيبترونيك لانها :
1.ماتفرقش كتير عن الالنترا وكيا شركه محترمه وتابعه لهيونداى ومشتركين فى حاجات كتير
2.الاتوماتيك عامه والاستيبترونيك خاصه يبقى افضل الايام دى الشوارع بقت زحمه موت وحاجه تقرف فالاتوماتيك هيريحك فى الزحمه ولما تحب تشد تقلب مانيوال وتعيش اللحظه
3.توكيل كيا محترم جدا جدا جدا Eit وضمان العربيه 5 سنين
4. شكل العربيه جميل ويتحب بالرغم من الالنترا شكلها اجمل منها وموتورها قوى جدا 122 حصان
توكل على الله وشوف الاول ايه اللى يناسبك الاوتو والا المانيوال عشان ماترجعش تندم على اختيارك لحاجه معينه خصوصا المانيوال ممكن يهيىء لك ان المانيوال احسن مثلا وهتشد وتجرى بس بعد ماتكون دفعت مايقرب من 100000 مبلغ مش قليل ترجع تقول ياريتنى جبتها اتوماتيك وريحت نفسى من الزحمه وقرفها
المفضلات