-
انا جديد و هى جديدة
شكرا لكل المشاركين بالمساعدة فى المنتدى الرائع بمجهودكم
انا هاشترى سوزوكي ماروتى جديدة كمان ايام
و حيث ان اخوكم جديد و ابيض تماما فى العربيات و العربية جديدة :Copy of majd(4):
فحبيت اعرف لو كان فى حاجات مهمة لازم اعملها اول ما اشترى العربية
طبعا بعدين هابقى اقرأ و اتعلم و اخد دكتوراه :36_9_4:
بس انا بسأل لو كان فى حاجات مهمة دلوقت عشان العربية ما يحصلهاش حاجة :U_thin1[1]:
و شكرا
-
اهم حاجة لما تدوس دبرياج دوس لاخرمشوار الدواسة يعنى دوس دبرياج للاخر والا هتلاقى الفتيس بيعض ومش مرن معاك &لما تزود مية مقطرة للبطارية اعمل بيها مشوار&لو استهلاكك قليل للعربية متحطيش زيت غير كل 3000كم ودة لان الزيت لازم مايزيدش وجودة فى العربية اكثر من 3 شهور&حط صدادات كاوتش على الاكصدامات من الامام والخلف &ركب عتب تحت فتحة الابواب مباشرة لان الحتة دى سهل انها تتكحت اوى وتلاقىلون العربية رايح منها ويكون العتب كاوتش مش بلاستيك&واخيرا لختار الون الابيض 1 هيديك وسع2 مش هيبان علية التراب قوى3 سهل السمكرة يعنى هتخلى عربيتك جديدة على طول بدون تكلفة كبيرةوبادن الله ربنا يوفقك ويعطيك خيرها ويبعد عنك شرها وان شاء الله اول ما افتكر حاجة هاقولك فوراواقرء هنا بالمنتدى حاجات كتير ومفيدة عن الماروتى
-
سبحان الله...انا كمان هجيب سوزوكى ماروتى جديدة اخر الاسبوع ده ان شاء الله
وكنت عاوز اعرف سعرها فى القاهرة واسكندرية كام دلوقتى(موديل 2009)طبعا
.....
وكمان ايه اهم الحجات اللى اتأكد منها لما استلم العربية من المعرض...
((انا كمان جديد......وهيه جديدة):10_1_102v[2]:
وجزاكــــــــــم الله خــــــــــــــــــــــــ ـــيرا.....
-
الف مبروك يا رجاله مقدما و بإذن الله اول ما هفتكر حاجه هقولها
بس عموما راجع ع الفوانيس و الأشارات والمساحات و كل اوبشنات العربيه قبل ما تتحرك بيها من المعرض
اتأكد من وجود المانوال + 2 مفتاح + ولاعه السجاير + كوريك رفع
حاول تسمسر من المعرض غطا للعربيه كهديه و خده عند سروجى يظبطه ع العربيه
و اعتقد سعرها هيكون فى حدود من 35 ل 36 ( حسب كلام معارض الجرايد ) و عن نفسى كنت جايبها اخر شهر 10 السنه اللى فاتت كانت ب 38 كاش بس انا جبتها قسط
و الف مبروك يا رجاله مره تانيه و عاوزين نشوف شغل جااامد بقى
Content Relevant URLs by
vBSEO 3.6.0 PL2