الموضوع: التفكير المجتمعي السلبي و نظرة المجتمع للدراجة و البساطة

المشاركة الأصلية كتبت بواسطة mada121977

فى الستينات وبعد افتتاح مبنى الاذاعه والتليفزيون الجديد وقتها فى ماسبيرو قرر احد مذيعى الاذاعه المشهورين فى ذلك الوقت الذهاب للمبنى بالدراجه واستمر على هذا الحال تقريبا كام يوم الى ان عرف رئيسه فى العمل انه بيأتى الى العمل بالدراجه فقام بفصله من العمل فى الاذاعه !!! (دى قصه حقيقيه فعلا )
يعنى حتى من زمان والوجاهه الاجتماعيه والعنطزه مؤثره فى المجتمع المصرى نظره الافراد فيه لبعضهم البعض ومن الطبيعى ان النظره دى تاخد وقت طويل جدااا لتغييرها وممكن ماتتغيرش اساسا

الوجاهة الفارغة و العنطزة الزائفة متأصلة فى الشعب المصرى من ايام الفراعنة، لما كنت تلاقى فى داخل المقابر قوائم طويلة بالقاب المتوفى الرسمية مثل حامل الختم الملكى و المشرف على بناء مقبرة الملك و حتى حامل الصندل الملكى، الخ الخ الخ..... و فى اخر القائمة الطويلة اسم المتوفى من اربع حروف مثلا .... تى تى (الباشا المتوفى اسمه كده)

المشاركة الأصلية كتبت بواسطة mada121977

فى الستينات وبعد افتتاح مبنى الاذاعه والتليفزيون الجديد وقتها فى ماسبيرو قرر احد مذيعى الاذاعه المشهورين فى ذلك الوقت الذهاب للمبنى بالدراجه واستمر على هذا الحال تقريبا كام يوم الى ان عرف رئيسه فى العمل انه بيأتى الى العمل بالدراجه فقام بفصله من العمل فى الاذاعه !!! (دى قصه حقيقيه فعلا )
يعنى حتى من زمان والوجاهه الاجتماعيه والعنطزه مؤثره فى المجتمع المصرى نظره الافراد فيه لبعضهم البعض ومن الطبيعى ان النظره دى تاخد وقت طويل جدااا لتغييرها وممكن ماتتغيرش اساسا

المصري هيفضل طول عمره مصري

النيل رواه .. و (الخير) جواااه

هو برضه لازم استكمال المنظومة، لانه حتى لو تم تغيير الادمغة (وهذا يحتاج الى عشرات ان لم يكن مئات السنين)، فان ما لدينا من طرق و زحام لا يسمحان بتنفيذ هذه الفكرة، واذا حاولنا الان سيكون المصير ان ننزلق الى بلاعة او نخيش فى رصيف ارتفاعه 30 سم او ننقلب بسبب مطب زجزاجى حلزونى يجعلك تعانق الارض بقوة 9 ريختر

المشاركة الأصلية كتبت بواسطة أبو عبدالله

انا مثل حضرتك عجلاتي قديم برضه
وياما غيرت التروس الخلفية وعدلت الفرامل كنت لازم الفرامل دي تبقى على الشعره وكذلك التنظيف لازم تبقى نظيفه عالطول

ربنا يباركلك فيها

تيجي نبادل العجل و نتسابق. بس الفرامل بتاعتي حاجة تانية. تباطؤ رهيب بأأقل ضغط مش أي كلام يعني :k4:
بعدين أنا عامل فيها زمبة كده أن الفرامل اليمين للعجلة الخلفية و الشمال للعجلة الأمامية (بالعكس يعني). كذا واحد ياخد لفة بيها يتقلب لما يمسك فرامل شمال وهو بيلف

المشاركة الأصلية كتبت بواسطة mahora

الوجاهة الفارغة و العنطزة الزائفة متأصلة فى الشعب المصرى من ايام الفراعنة، لما كنت تلاقى فى داخل المقابر قوائم طويلة بالقاب المتوفى الرسمية مثل حامل الختم الملكى و المشرف على بناء مقبرة الملك و حتى حامل الصندل الملكى، الخ الخ الخ..... و فى اخر القائمة الطويلة اسم المتوفى من اربع حروف مثلا .... تى تى (الباشا المتوفى اسمه كده)

فكرتني بواحد مات و كان سايب وصية أن عربيته (المرشيدس) تترفع جنب المقبرة بتاعته و كانت S500 أو S600 سوداء مش فاكر الموديل بالضبط. مش عارف شفتوها أو لأ. سأحاول أجيب لك صورة العربية و هي مرفوعة داخل المقابر!!!!!! بجد مش باهزر

المشاركة الأصلية كتبت بواسطة abo_hosni

فكرتني بواحد مات و كان سايب وصية أن عربيته (المرشيدس) تترفع جنب المقبرة بتاعته و كانت S500 أو S600 سوداء مش فاكر الموديل بالضبط. مش عارف شفتوها أو لأ. سأحاول أجيب لك صورة العربية و هي مرفوعة داخل المقابر!!!!!! بجد مش باهزر

ده بقى اسمه الابداع الذى تنتجه القريحة المصرية على مر العصور، واذا كانوا الاجداد قد بنوا اهرامات تتضاءل امامها الانجازات الحديثة لتخليد ذكراهم، فالاحفاد كانوا كرماء و خلدوا ذكرى فخر صناعة غيرهم، هذا هو الفرق بين الحال من 3000 سنة و الحال الان

آآآآآآآسف على الخطأ، كده الراجل يزعل أني قللت من قيمة عربيته، طلعت ليموزين W126 1000SEL

المكان مقابر ألماظة خلف كلية البنات
http://wikimapia.org/#lat=30.0767306...16&l=0&m=a&v=2




ضريح 5نجوم يجسد فكرة البعث الفرعونية، عشان يطلع يسوق عربيته و يمشي

لا حول ولا قوة إلا بالله ....

لسة بدري علينا خالص!