الموضوع: لماذا لم تقوم مصر بانتاج اول سيارة مصرية 100 % مطابقة لاحدث التقنيات !!

المشاركة الأصلية كتبت بواسطة tutankhamoun

يعني عادات القبائل اللي مخلياهم في حروب دائمة مع بعض و أيضا تجعلهم يتمسكون في عادات بعيدة كل البعد عن الإسلام و يطبقونها في حياتهم .

بس أشمعنى حضرتك سبت كل التعليق و مسكت في دي ؟؟ سؤال برئ ؟؟

على فكرة الكلام اللي بقوله ده عن واقع حياتي موجود من أصدقاء باكستانيين و من واقع التقارير الآتية من هذه البلاد .
و لا يغرك ملابسهم ..... فعقولهم كالحجارة ... لا تستيطع التحدث مع أحد منهم أو محاولة أقناعة بشئ هو مقتنع بعكسه .
من رابع المستحيلات ...... يمكن يكون عندهم ناس ورعة كتير و تقية و لكنهم قلة ........ و فيهم أكثرية متزمدة و يكفي هذا القدر لا أريد أن أغير مسار الموضوع .
و شكرا لحضرتك

آسف إنى فهمتك غلط
شكراً على التوضيح و الأسلوب المهذب و الراقى
و أنا متفق معاك فى ذلك.
و آسف مرة تانية
شكراً

حتى أوروربا لا تستطيع أن تفعل ذلك و يجب أن تعتمد على التصدير .
كوريا الجنوبية تقريبا 50 مليون فقط و أقل من مصر و ماليزيا 18 مليون فقط ... و السويد 8 مليون فقط .... و أسبانيا 50 مليون .... و التشيك 16 مليون فقط
و مع ذلك كل هذه الدول تصنع سيارات
أسبانيا بتجمع و خايبة زينا ........ و التشيك بتجمع هي كمان .
إنما السويد و كوريا الجنوبية و ماليزيا بينتجوا إنتاج فعلي للمحركات بالذات .
آه نسيت .... أحب أضيف رومانيا ( دولة صغيرة و فقيرة ) و بتنتج سيارات و كمان مصر بتستورد منها
جرارات زراعية ... و سيارات تم تجميعها هناك من شركة رينو بالأساس .

يا استاذ توت, أنا معاك انو السبب مش امريكا بس, و أنا مقلتش انو امريكا السبب الأساسى لكنها احدى الأسباب,
ده مش معناه اننا بنبرر خيبتنا, لكن هذا السبب موجود و لا يخفى على أحد, و رغبة الغرب عموما و الولايات المتحدة خصوصا فى الابقاء على دول الشرق الأوسط متخلفة تكنولوجيا حقيقة لا فرار منها.
اليابان و كوريا و اسرائيل تقدموا بفضل الدعم الغربى الأمريكى و ليس لأنهم شعوب عبقرية من نوع ما, و لولا الدعم اللامحدود لبقوا فى قاع الأمم.
على فكرة مصر ليست دولة متخلفة, مصر استطاعت تجاوز المؤامرات الغربية و صنعت لنفسها بعض المجد الصناعى, ليس كافيا نعم, لاسيما من حيث الكم, لكنه من متوسط الى جيد من ناحية الكيف, فنحن نصنع حفارات البترول و أجهزة القياس المتقدمة, بالاضافة الى الحديد و الصلب, و غير ذلك, كما أننا دولة متقدمة فى مجال البترول احدى اكثر المجالات حساسية, و هناك شركات مصرية لها شهرة واسعة فى المنطقة,
ايران التى تعوم على بحر من النفط و التى يعتقد البعض انها متقدمة, استعانت بخبرات مصرية و شركات مصرية (و منهم نحن) و كانوا مبهورين أمام أساليبنا و جودة خدماتنا التى لا يعرفونها هناك, نتيجة للحظر الأمريكى على ايران.

اى شركة لازم تنطلق من سوقها المحلى, أو على الأقل سوقها الاقليمى من الدول الحليفة و التابعة لها,
خد عندك مثلا, الشركات الأمريكية تعتمد فى الأساس على سوق الولايات المتحدة و كندا, فيات تعتمد على مبيعاتها فى ايطاليا و اوروبا(سوقها الاقليمى), بيجو و سيتروين تعتمد على فرنسا و اوروبا, تويوتا و هوندا يعتمدان على السوق اليابانى و السوق الأمريكى المفتوح لهم على البحرى لأسباب سياسية شرحتها من قبل, فولكس تعتمد على السوق الألمانى و الأوروبى و القليل من الامريكى, لادا تعتمد على السوق الروسى و شرق أوروبا(سوقها الاقليمى), وحدها شركات مثل فيرارى و رولزرويس و بنتلى و بورش و لامبرجينى تعبر القارات و تباع فى أى مكان بالتساوى, نظرا لخصوصيتها الشديدة.
قولى بقى احنا فى مصر فين سوقنا المحلى أو الاقليمى؟! افريقيا فقيرة و لا تشكل أى سوق يذكر, كما أن علاقاتنا بمعظم دولها ليست على ما يرام, الدول العربية بعضها غنية بحيث لا يشكل عامل السعر اغراء يذكر(كما أنك لن تستطيع المنافسة سعريا), و الباقى اسواق ضعيفة و مرتبطة ثقافيا بالدول الأوروبية.
صدقنى نحن نملك القدرة الفنية لانتاج سيارة و على مستوى عالى جدا, و لكن تقف الأسباب الاقتصادية و السياسية حائلا أمام تصنيع سيارة مصرية.

المشاركة الأصلية كتبت بواسطة tutankhamoun

يا باشا أنا بختلف معاك في النقطة دي
أزاي لينا خط أحمر ..... يبقى أحنا اللي خضعنا !!!

أندونيسيا دولة من دول العالم الثالث و عندهم تصنيع تكنلوجي
ماليزيا كانت من دول العالم الثالث و أصبحت من أكبر منتجي الإلكترونيات و لها مصنع سيارات وطني و إنتاج وطني .

ايران .... لسة باعتين قمر صناعي للفضاء بصاروخ محلي
يعني صاروخ محلي و كمان قمر صناعي محلي .

الدولة ممكن تختار تكون خاضع تابع يقول حاضر و بس ( و دول الناس اللي مش عايزة وجع دماغ و مصالحها الشخصية فوق الجميع زي مصر و الشعب المصري )

و فيه دول بتدور على حليف قوي لا يقوم بأخضاعها بايحاد وسائل القوة و أستخدامها مثل إيران التي وجدت في الحليف الروسي مساعد و مساند حتى لو كان هذا الحليف ليس على مستوى الولايات المتحدة عسكريا و لكنهم في النهاية توصولو لتكنولوجيا قوية لا يمكلها إلا الدول التي لديها أبحاث و علوم .

باكستان ... صنعت النووي و هما فقرانين جدا و معندهومش أي موارد ....و صدقني لو يبطلوا الدروشة اللي هما عايشين فيها هايبقوا دولة قوية جدا .

مفيش حاجة أسمها الناس تخضعك
و لكن أحنا اللي أستسلمنا للواقع المرير بدون رسم خطط قومية
مع تحياتي

انا مش شايف أي اختلاف بيننا، الكلام اللي أنا حددته باللون البرتقالي هو نفس رأيي ولكن بصياغة مختلفة، احنا كدولة اخترنا الحل السهل، خضعنا للخط الأحمر في كل المجالات الإنتاجية حتى الإنتاج الزراعي (وطبعا ظهرت جماعات المنتفعين من هذا الوضع والتي من مصلحتها استمرار هذا الوضع لما لا نهاية كما أشار زملائنا في مشاركات سابقة بالموضوع)، وفشلنا على مدى 57 سنة في تكوين حليف استراتيجي قوي كما فعلت إيران وباكستان التي أشرت إليها في تعقيبك.

في و زاره رجال اعمال مستحيل تحصل حاجه زي ده
ابسط مثال لما تيجي تجيب عربيه من بره و هي هي بتتباع في التوكيل عندنا لازم تتدفع اكتر من تمن الي هنا ده غير التظبيط