لمبة النور العالى وتزيق الدريكسيون

**zaza2002** · 16-03-2009 03:14 PM

اولا: ياجماعه انا عندى لمبة النور العالى اللى فى العدادات ساعات تنور مع العالى وساعات اكتر متنورش خالص ياترى الموضوع بسيط واقدر احله ولا اروح لكهربائى ثانيا: فى صوت تزيق فى الدركسيون ذى ما يكون صوت احتكاك جلد فى جلد ينفع احطله شوية wd40ولا رئيكم ايه فى انتظار مشورتكم وجزاكم الله خيرا

**Drift_Lover** · 16-03-2009 03:52 PM

اولا: ياجماعه انا عندى لمبة النور العالى اللى فى العدادات ساعات تنور مع العالى وساعات اكتر متنورش خالص ياترى الموضوع بسيط واقدر احله ولا اروح لكهربائى ثانيا: فى صوت تزيق فى الدركسيون ذى ما يكون صوت احتكاك جلد فى جلد ينفع احطله شوية wd40ولا رئيكم ايه فى انتظار مشورتكم وجزاكم الله خيرا

بالنسبة للمبة النور العالي عندك احتمال من 2

1- الفيوز مهزوز او بايظ وعاوز يتغير.
2- لمبة البيان اللي في التابلوه مش متثبته في مكانها كويس (الدوران البلاستيك اللي بيمسك اللمبه مكسور. او في صدا او زنجرة تحت بنات توصيل اللمبة ببوردة العداد.

الموضوع مش حيخرج ان شاء الله من الحاجتين دول.
ومش مستاهله كهربائي انت ممكن تعملها.

**zaza2002** · 16-03-2009 08:40 PM

انا متشكر على اهتمامك وردك عليا بس الفيوز بتاع اللمبه ده فين مكانه واسمه ايه وبالنسبه لموضوع الدريكسيون ايه حله؟ معلش اصل انا لسه جديد فى اللانوس

**shaky** · 17-03-2009 09:57 AM

بص ياجميل التزيقة بتاعتة الدريكسيون دى جلدة بتتغير فى التوكيل وسهلة جدا لان اكيد انت بتجيب البور على اخرة ودة مش صح المفروض تخلى شوية فى البور عشان الجلدة ماتحكش فى الماستر بتاع الدريكسيون

واللمبة بتاعتة العالى عند اى واحد كهربائى ولكن انا بفضل التوكيل لانة هايفك العداد من تحت

**zeka127** · 17-03-2009 09:57 AM

التزييق الى فى الدركسيون ده محتاج تشحم البطاحات وهو هيروح...

**MMamdouh** · 17-03-2009 10:20 AM

المشاركة الأصلية كتبت بواسطة shaky

بص ياجميل التزيقة بتاعتة الدريكسيون دى جلدة بتتغير فى التوكيل وسهلة جدا لان اكيد انت بتجيب البور على اخرة ودة مش صح المفروض تخلى شوية فى البور عشان الجلدة ماتحكش فى الماستر بتاع الدريكسيون

انا حافظ كتالوج العربية صم و مفيش فيه اى حاجة بتقول ان غلط تجيب الدركسيون على اخرة

و ايه هى الجلدة اللى بتتغير فى التوكيل دى؟؟

و ايه هو ماستر الدركسيون دة؟؟ انا عارف ماستر الفرامل و ماسترالدبرياج و ماستر الصحراوى بس... ماستر الدركسيون دة جديد عليا

انت معاك عربية دايو اصلا؟؟

MMamdouh

**zaza2002** · 18-03-2009 02:22 PM

ياجماعه انا بشكركم جميعا على مساعدتكم ليا بس انا كنت عايز اسال استاذنا ممدوح بك يعنى انت رائيك ايه فى موضع تزيق الدريكسيون ده اعمل ايه فيه لانك قولت ان مفيش( جلدة ولا ماستر) طب ايه الحل من وجهة نظرك ياكبير

**MMamdouh** · 18-03-2009 03:33 PM

المشاركة الأصلية كتبت بواسطة shaky

واللمبة بتاعتة العالى عند اى واحد كهربائى ولكن انا بفضل التوكيل لانة هايفك العداد من تحت

هو انت شغال فى التوكيل او مساهم فيه؟؟؟

كذا مرة ترد بان التوكيل هو الحل... طيب لما الموضوع كدة امال احنا عاملين المنتدى ليه و بنناقش مشاكلنا ليه لما حل كل المشاكل دايما بينتهى ب "روح التوكيل"؟؟

ياريت تبقى مشاركتك اكثر فائدة من كدة

MMamdouh

**MMamdouh** · 18-03-2009 03:40 PM

المشاركة الأصلية كتبت بواسطة zaza2002

ياجماعه انا بشكركم جميعا على مساعدتكم ليا بس انا كنت عايز اسال استاذنا ممدوح بك يعنى انت رائيك ايه فى موضع تزيق الدريكسيون ده اعمل ايه فيه لانك قولت ان مفيش( جلدة ولا ماستر) طب ايه الحل من وجهة نظرك ياكبير

انا طبعا مسمعتش الصوت فا مقدرش اقول هو جاى منين بالضبط لكن فى الغالب الصوت دة بيجى من صباع توصيل دايرة الكلاكس و دة موجود ورا الدكسيون

فك الفبرة اللى ورا الدركسيون مباشرة عن طريق لف الدكسيون يمين 90 درجة و فك المسمار الصليبة اللى ظهر ورا الطارة ثم لف الدركسيون 180 درجة للشمال و فك المسمار التانى ثم دخل صوابعك من اليمين و الشمال فوق دراعات المساحات و النور و اسحب لفوق

حتلاقى الفبرة طلعت و الصباع النحاس بان قدامك... رش عليىه WD40 خصوصا المنطقة اللى بيحتك فيها مع الطارة و اتاكد ان الصوت راح بعد الرش ثم ركب كل حاجة بالترتيب العكسى للفك

MMamdouh

-

الموضوع: لمبة النور العالى وتزيق الدريكسيون

LinkBack

أدوات الموضوع

عرض

-

-

-

-

المواضيع المتشابهه

النور العالى

النور العالى

النور العالى

تغيير لمبة النور العالى

لمبة اشارة النور العالى فى التابلوه مش شغالة - ياريــس

الكلمات الدلالية لهذا الموضوع

المفضلات

المفضلات

ضوابط المشاركة