الفوانيس عندي اتخربشت جدا

**ahmed_hussein85** · 16-03-2009 04:25 PM

انا معايا اسبرانزا A516 موديل 2007 بعد سنه تقريبا لقيت الفوانيس الاماميه بدات تتخربش لوحداها بالتدريج مع المشي ودلوقتي بقت بايظه خالص وشكلها وحش جدا مع اني لسه مكملتش بالعربيه 25000 كيلو وكل ما اسال حد على الموضوع دة يقولي سبب مختلف يعني واحد يقولي من الرمله الي بتبقى في الجو وانت مسافر وواحد تاني قلى من كتر الغسيل وانا احترت بصراحه مش عارف ايه السبب ومش عارف اتصرف ازاي يعني الفوانيس دي المفروض التوكيل يغيرها على حسابه ولا انا كدة شلتهم ولا ايه ...يا ريت يا جماعه حد يرد عليا ويقولي ايه السبب واذا ممكن التوكيل يغيرها على حسابه ولا لا

**ahmed1981** · 16-03-2009 08:27 PM

بمعنى إن الزجاج بتاع الفوانيس أصبح مطوس

عموماً حضرتك هتسأل عند بتوع الإكسسوار على مادة تلميع الزجاج المطوس
وهي شبيهة بمادة تلميع البوية لكنها تستخدم لتلميع الزجاج
عن طريق إستخدام قطنة ووضع المادة عليها وتفرك بها الفانوس
وممكن الزملاء يدلوك تشتريها منين

**shaky** · 17-03-2009 12:05 PM

ياجميل دى صينى يعنى المواد المصنوعة منها مش حلوة

**ahmed_hussein85** · 18-03-2009 06:35 PM

انا جربت كل حاجه يا جماعه مفبش حاجه نافعه وكمان يا احمد وش الفوانيس بلاستيك مش زجاج بس انا عايز اعرف لو الفوانيس دي ممكن تتغير على حساب الضمان ولا لا

**evram** · 23-03-2009 03:05 AM

لا مش علي حساب الضمان

**egypt123456** · 26-03-2009 08:29 PM

ده مش عيب صناعة في رأي التوكيل ده ممكن من عوامل كتير ممكن الاتربة مع تأثير الشمس بيسبب كده وده حصل معي وانصحك تغير الوش بس بتاع الفاوس وممكن تجدا في شارع دمشق لو مش لقيتة لوحده هتشتري فانوس كامل بس انا شايف انك تستني شويه وتحاول تغير الوش افضل انا عملت الوش عموله لعربية صيني تاني اسمها فلاير وده ارخص من سعر التوكيل تقريبا بحوالي اكتر من 70 % من الثمن في التوكيل بس السبرانزا منتشرا اكتر يعني ممكن تجد الوش بسهوله وممكن تطلب شركة اسمها الاهرام بتعمل فوانيس اي عربية وشكرا