عندى عربيه ارجنتا وهى بتستهلك بنزين كتير جدا وبتعمل حوالى 100 كيلو/20 لتر تقريبا ماسبب استهلاكها للبنزين الكتير؟ هى على فكره 2000سى سى والاستهلاك ده خارج المدن مش داخل المدن
سؤال كمان هل ينفع اركبلها اى موتور تانى فيات لموديلات احدث منها
عرض للطباعة
عندى عربيه ارجنتا وهى بتستهلك بنزين كتير جدا وبتعمل حوالى 100 كيلو/20 لتر تقريبا ماسبب استهلاكها للبنزين الكتير؟ هى على فكره 2000سى سى والاستهلاك ده خارج المدن مش داخل المدن
سؤال كمان هل ينفع اركبلها اى موتور تانى فيات لموديلات احدث منها
لازم تظبط الموتور كويس عن طريق ضبط توقيت الشرارة وممكن تغير بك السرعة بتاع الكاربراتير بواحد اصغر و تظبط الكربراتير عند واحد متخصص كربراتيرات
شكرا ياجماعه على الردود دى
بس كنت عاوز اعرف يعنى ايه التاكيهات مفتوحه وبالنسبه للكاربراتير اللى المشاكل اللى ممكن تكون فيه؟
وبرضه سمعت عن ظبط التاكيهات طب الارجنتا بتتظبط تاكيهاتها على كام؟
أما بالنسبه لطريقتى فى السواقه فأنا ماشى زى مالكتاب بيقول يمين يمين شمال شمال ....!!!
التاكيهات بتتظبط على 40
ممكن اى حد يظبطهالك
لو متعرفش ابعت لى على الخاص اديلك عنوان واحد فى القاهرة يخليهالك 100%
تاكيهات مفتوحة يعنى الخلوص بين عمود الكامة وطبق الصباب اوسع مما ينبغى
http://www.motorera.com/dictionary/pics/d/dohc1.gif
الصورة دى تمثل مقطع فى محرك 2 كامة علوية زى اللى عندك لو بصيت فوق هتلاقى عمود الكامةcam shaft وتحتيه الصباب valve، العمود ده كل ما بيلف الركبة اللى طالعة منه cam بتدوس على الصباب تخليه يفتح فى موعد محدد ولما يكمل اللفة بتاعته الصباب بيقفل بفعل سوستة الصبابvalve spring ، المهم ان الخلوص بين الكامة والصباب فى لحظة غلق الصباب يجب ان يكون قيمة محددة بتختلف من عربية لعربية حسب خامة عمود الكامة وطبق الصباب tappet وقابليه كلاهما للتمدد مع الحرارة، لكنها تتراوح بين 10 ميكرو ميتر وحتى 50 ميكروميتر ويتم قياسها باستخدام اداه بسيطة تسمى الفيللر وهى عبارة عن شرائط من الصلب بسماكات مختلفة مربوطة معا يتم محاولة اداخلها فى الخلوص حتى نصل الى السمك الذى لا يمر ونحدد من القيمة المكتوبة عليه قيمة الخلوص
http://zoubiando.com/images/feelerG.jpg
اداه قياس الخلوص
عندما يكون الخلوص بين ركبة الكامة والصباب اقل مما ينبغى فانه عند تمدد عمود الصباب والكامة مع سخونة المحرك يحدث ان يتلامس الاثنان فى حاله انغلاق الصباب، الأمر الذى يؤدى الى عدم انغلاق الصباب بشكل كافى مما يؤدى الى تسرب جزء من شحنة المكبس اثناء شوطى الانضغاط والحريق مما يؤدى الى فقد فى القدرة وزيادة استهلاك الوقود وسخونة المحرك
اما لو كان الخلوص اكثر مما ينبغى فان ذلك يؤدى الى خشونة صوت المحرك وعدم فتح الصبابات بشكل كافى مما يؤدى الى فقد فى القدرة الى حد ما كما يؤدى الى سرعة تآكل ركبة الكامة وطبق الصباب
ضبط التاكيهات له عدة انواع بحسب تصميم المحرك، فتوجد محركات لا يستند صبابها على الكامة مباشرة ولكن على عمود وسيط يسمى التاكيه مثل الماروتى والفيات 127، وهذة التاكيهات يتم ضبطها بواسطة صامولة ريجلاش تقوم برفع او خفض العمود، ومحركات اخرى مثل الصورة المبينة اعلاه تكون الكامة ملامسة للصباب مباشرة وهنا يكون الضبط عن طريق تغيير طبق الصباب(اعلى جزء من منظومة الصباب) بطبق ذو سمك مختلف، او وضع لاينات(رقائق قليلة السمك جدا)بين طبق الصباب ومكان مبيته، وهذة هى حالة محرك الأرجنتا، اما معظم المحركات الحديثة فصباباتها مبنيه بنظام الكستبان، وهو طبق تحته طبقة زيت تتأثر بضغط طرمبة الزيت فترفع الطبق لكى تحقق الخلوص المضبوط طوال الوقت وبالتالى لاتحتاج لضبط
لو عايز تضبط التاكيهات فيه واحد مشهور جدا متخصص تاكيهات مكانه فى مدخل طرق مجرى العيون من على الكونيش على الشمال عند منزل كوبرى فم الخليج، يعنىانت لو داخل من الكورنيش متطلعش الكوبرى، اركن العربية قبل الكوبرى وعدى الشارع هتلاق الورشة بتاعته امامك مباشرة، والموضوع يتكلف فى حدود 30 جنيه
اشكركم جدا ياجماعه على تعاونكم الشديد والشرح المستفيض عن الموضوع ده
طب بالنسبة للكاربيراتير ايه المشاكل اللى ممكن تكون فيه وايه اللى يتظبط فيه؟
ودمتم
ظبط التاكيهات وإعمل الصيانة اللازمة بس طبعا حاول تجيب قطع غيار إيطالى
سؤال كمان ياجماعه........
الأرجنتا بيبقى فيها جنب التابلوه شاشة كده صغيره اسمها check panelبيبقى فيها لمبات بتنور لما بيكون فيه حاجات مش طبيعى زى زيت الفرامل والمياه والانوار وكده يعنى
مين اللى بيصلح الحاجات دى
انا روحت للميكانيكى وفكلى الكربيراتير ونضفهولى وقاللى ان كان فيه بك السلانسيه مش موجود (معرفش ازاى)
و شاورلى على حته مفتوحه ومن الناحيه التانيه مقفولة
وبعدين غيرلى بيككين
واحد كان 135 بواحد 125
وواحد تانى 120 بواحد 115
هل البيكات القديمه كانت مقاسها كبير؟ وبعدين جربتها لقيتها مخنوقه
يعنى لما بدوس على البنزين تدريجيا الاقيها بتزيد سرعتها مع التقطيع (تقطع وتزيد وهكذا) ولو زودت بنزين جامد الاقيها اتخنقت ومش قادره تزيد فى سرعتها كأنها اتكتفت
فرجعلى البيك 120 تانى بدلا من 115ودلوقتى هل العربيه كده ممكن تكون العيب لسه فى البيكات
وهل ظبط التاكيهات يخليها متستهلكش البنزين دا كله