هل انته متعود تفاصل دايما؟؟؟؟؟؟؟

**powerofhelll** · 17-03-2009 03:20 AM

بطيبعه الحاله بحب اعرف سعر الحاجه الي هشتريها متوسط قد ايه
لما بنزل اشتري بشوف السعر الي بالقيه مش عالي قوي او معقول بخلص علشان دي ارزاق و الناس برضوا لازم تكسب لو السعر مبالغ فيه بنزل اقل من المتوسط
عن نفسي احب احط السعر المعقول بحيس لو حد من هواة الفصال يبقي مبسوط برضوا بس مش ببالغ

hh · 17-03-2009 02:45 PM

انا شخصيا ماكنتش بافاصل غير الباعة الجائلين و ده عشان أغلبهم ببقى رافع السعر عشان الناس حتفاصل. بس من حوالي سنة أو اتنين لما الاسعار ابتدت تعلى قوي خدت قرار اني مافاصلش الناس دي ابدا. بصراحة مع ظروف الحياة الحالية بيصعب عليا افاصل واحد غلبان و اقلل ربحه حتى لو حادفع اكتر شوية, بأقول اي جنيه زيادة هو اولى بيه طالما السعر مش عالي باستهبال.

**moudy88** · 17-03-2009 03:21 PM

انا بقى عندي الفصال ده موهبه ووراثه ..فاصلت في العربيه اللي اشتريتها ...وبفاصل في اي حاجه ملهاش سعر محدد ...انما مثلا لو انا بجيب اي باسال عليها في كذا مكان وبعرف متوسط سعرها كام واجيب باقل سعر ..وباشعر بالضيق لو اشتريت حاجه اغلى من ثمنها بجنيه

**mokhtar** · 17-03-2009 03:53 PM

انا نفسى قصير اوى فى الفصال فى الملابس مثلا اشوف الحاجه اللى هاشتريها بكام؟.كذا اقوله كذا هما كلمتين ياما اشترى يالا
او ممكن من الاول اجيبله من الاخر واقوله مش واخدها الا بسعر كذا يابلاش مع مراعاه المعقول يعنى لما بنزل مش بستعبط واقوله سعر النص مثلا

**MoToRiZeR** · 17-03-2009 04:56 PM

المشاركة الأصلية كتبت بواسطة hashem1999

انا عن نفسى مش بعرف افاصل فى الشراء
بس نفسى يبقى كل حاجه ليها سعر واحد ونهائى
لكن للاسف حال البلد هنا كله بيتعامل بالفصال بائع او مشترى
اوقات كتير لما بحب اشترى حاجه معينه بستعين بصديق بيعرف يفاصل

انا برضه بعمل كدة لأني خيبة في الفصال خالص يعني لو سمعت سعر مش عاجبني بمشي و خلاص و مش برجع حتي لو البياع طلع يجري ورايا برة المحل .

اما لو رايح أشتري حاجة و عايز أجيب فيها أخر سعر باخد واحد صاحبي بيعرف يفاصل لحد ما البياع ييجي يقولي أبوس إيدك إبعدوا عني .

**MoToRiZeR** · 17-03-2009 04:59 PM

المشاركة الأصلية كتبت بواسطة hh

انا شخصيا ماكنتش بافاصل غير الباعة الجائلين و ده عشان أغلبهم ببقى رافع السعر عشان الناس حتفاصل. بس من حوالي سنة أو اتنين لما الاسعار ابتدت تعلى قوي خدت قرار اني مافاصلش الناس دي ابدا. بصراحة مع ظروف الحياة الحالية بيصعب عليا افاصل واحد غلبان و اقلل ربحه حتى لو حادفع اكتر شوية, بأقول اي جنيه زيادة هو اولى بيه طالما السعر مش عالي باستهبال.

أحييك بشدة لأن فيه ناس بتفاصل الغلابة في جنيه ولا إتنين في حين إنهم بيشتروا منتجات تانية هامش الربح فيها مئات و ألالاف و بيبقوا راضيين فا يا ريت منضيقش من رزق حد .

**نور القمر** · 17-03-2009 05:41 PM

اكتر حاجة بكرهها في حياتي الفصال
لا بحب افاصل مع حد ولا حد يفاصل معايا
بجد صفه وحشة اوي
معرفش ليه استخدام الاسلوب ده اساسا
وديما يتضحك عليا في الشراء عموما بسبب كدة
واكتر ناس بتضايق منهم بجد اللي يفاصلوا في الحاجات التافهة معرفش يعني هايوفروا كام في الاخر
جنيه ولا اتنين ولا حتى عشرة في حين انهم بيصرفوا ببذخ في كوفيه مثلا ولا مطعم

**ams** · 17-03-2009 06:28 PM

الحكاية بسيطة
انا مبعرفش أفاصل ==> اخد معايا واحد بيعرف يفاصل من قرايبى او اصحابى و بعد كده اعزمه عالعشا بالفلوس اللى وفرها لى
و احب المعاملة جدا انا ممكن جدا اقاطع محلات او مطاعم عشان البياع غلس وممكن اشترى حاجة اغلى ما هيه شوية عشان الراجل البياع حلو اللسان فبيبسطنى و دى اهم حاجة بالنسبه لى انى انبسط هو انا بشترى ليه اساسا ؟ مش عشان البى حاجة لى و اسعد بتلبيتها

المشاركة الأصلية كتبت بواسطة hh

انا شخصيا ماكنتش بافاصل غير الباعة الجائلين و ده عشان أغلبهم ببقى رافع السعر عشان الناس حتفاصل. بس من حوالي سنة أو اتنين لما الاسعار ابتدت تعلى قوي خدت قرار اني مافاصلش الناس دي ابدا. بصراحة مع ظروف الحياة الحالية بيصعب عليا افاصل واحد غلبان و اقلل ربحه حتى لو حادفع اكتر شوية, بأقول اي جنيه زيادة هو اولى بيه طالما السعر مش عالي باستهبال.

حلو الكلام ده جدا
مراعاة الغير شىء جميل جدا
و انا بحاول على قدى
يعنى مثلا ساعات اشترى مناديل من الناس اللى واقفة تبيعها وانا مش عاوزها دلوقتى بس انا مقدر الراجل او الست اللى مرضييش يبقى متسول و بيشتغل برضه و بعد كده باستخدمها
و البقشيش فى المطاعم و محطات البنزين لان ده بيروح للعمال الغلابة مش للادارة

**A_H_M_A_D** · 18-03-2009 09:26 AM

المشاركة الأصلية كتبت بواسطة مصراوي جدا

احب اقول لكم ان الفصال في مصر في اسعار العربيات كمان ويمكن دي حاجه كتير ما يتخيلوهاش

أعتقد إن المهندس طارق بيقصد العربيات الزيرو اللي بتتباع في المعارض و التوكيلات مش بس المستعمل

المشاركة الأصلية كتبت بواسطة نور القمر

واكتر ناس بتضايق منهم بجد اللي يفاصلوا في الحاجات التافهة معرفش يعني هايوفروا كام في الاخر
جنيه ولا اتنين ولا حتى عشرة في حين انهم بيصرفوا ببذخ في كوفيه مثلا ولا مطعم

أنا برضه مش مقتنع باللي بيفاصل في الأرقام الهايفه
خصوصا لما يكون الفصال ده مع واحد غلبان حايفرق معاه مبلغ الفصال في حين إنه لا يمثل أي شيء للشخص اللي بيفاصل بس هو تعود و السلام

الناس بترتاح نفسيا لما تشتري حاجه بسعر أقل من المعروض
عشان كده في بياعين يقولك على سعر و بعدها علطول يديك خصم من غير ماتتطلب عشان يريح الزبون !!

**ابو سيف** · 18-03-2009 10:49 AM

المشاركة الأصلية كتبت بواسطة A_H_M_A_D

الناس بترتاح نفسيا لما تشتري حاجه بسعر أقل من المعروض
عشان كده في بياعين يقولك على سعر و بعدها علطول يديك خصم من غير ماتتطلب عشان يريح الزبون !!

فعلا هيه دي الفكرة
الانسان المصري بطبيعته بيحب الفهلوة و لازم يحس انه ضحك على اللى اودامه و انه (( ناصح)) و تلاقي الست تقعد تغيظ الست صاحبتها التانيه عشان طلعت انصح منها و اشترت الحاجة اقل منها و تحسرها على خيبتها التقيله
الفصال اصلا عند ناس كتير تحول الى هوايه

الموضوع: هل انته متعود تفاصل دايما؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي

هل اللى متعود على اليابانى ينفع يركب ماليزى ؟

هدية لاعضاء قسم كيا .. مفيش مخالفات بعد كده اعمل اللي انته عايزه

خلى ردك دايما جاهز

انته فين يا جماعه !!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة