المشكلة فين!!!! ليه الأسعار غالية !!! منقول

**ابو فرح** · 16-03-2009 10:22 PM

المشكلة يا جماعة ان صاحب التوكيل دفع اصلا دم قلبه علشان يأخذ التوكيل (على طريقة فيلم عمارة يعقوبيان!!) ....وده على فكره مش فى السيارات بس!!... وطبعا لازم يستمر فى الدفع (مش زى حسام ابو الفتوح).....وبالتالى لازم يسترد فلوسه (إستثماره) وده مش حيتم الا من خلال دم الغلابة (المستهلكين) ....وفى نفس الوقت صاحب التوكيل ما يقدرش يقول السبب الحقيقيى وراء اصراره على رفع الأسعار!!!!..... مش عارف الحل يبقى منين من فوق ولا من تحت!!! بس عموما لازم نضغط على اصحاب التوكيلات وبالتالى ممكن نمنع هذه الظاهرة من الاصل (لو قدرنا) وانا اشك فى ذلك لان الموضوع كبير وفيه تعقيدات مصالح......وبالفعل ابتدى الحل للتخلص من المخزون الراكد بالسعر العالى برده عن طريق مشروع تحويل سيارات التاكسى القديمة (بالتقسيط والفائدة لعدم الخسارة) لحد ما ربنا يسهلها اخر عام 2009 ويرجع الناس يشتروا بالغالى تانى..... ده من ناحية ومن ناحية أخرى ابتدت التوكيلات فى زيادة أسعار الخدمة الدورية على السيارات بشكل كبير عشان يعوضوا النقص فى البيع .......عموما مش عارف الحل ايه!!! بس لازم يبقى فيه وعى.... وعلى الاقل هى دى الرسالة....

**ابو فرح** · 16-03-2009 10:24 PM

اجمل حاجه فى الحكومه المصريه بتعرف تصرف نفسها بسرعه
زى مشروع التاكسى ده فى مخزون عربيات كتير يلا يطلع قانون الاحلال بسرعه
وهيا دى مصر

**eslam_wega** · 16-03-2009 10:36 PM

متنساش بردوا ان البلد هتنضف من التاكسى القديم المهكع
وغير كدا حكاية الاسعار دى الله اعلم هل هتنزل حقيقى مش الفين اوتلاتة ولا صعب
بس اضعف الايمان ان الاسعار مش هتغلى لفترة تتروح من سنه ونص الى سنتين
تكون ساعتها الازمة العالمية على وشك الانتهاء
بس بردة الكويس ان كل سنة هينزل 10 % من الجمارك
لغايت ما توصل للصفر على 2019
بس الله اعلم الحكومة هتعوض الجمارك فى اية ربنا يستر علينا

**ahmed_zamalek7** · 05-05-2012 05:15 PM

المشكله كبيره يعنى نفسى افهم ليه الغلو ده فى التصليح فى التوكيل يعنى مثلا شحن الفيريون الانجليزى للتكييف بيكلف بره مثلا 220 وكله تمام فى التوكيل يشحن بى 450 والله حرام بجد طب ميرخصو الاسعار مكله هيروح التوكيل يعنى اغلب العربيات مش بتصلح فى التوكيل حتى لو هيقربو الاسعار هنقول ماشى مش هتفرق كتير يبقى نروح التوكيل احسن فكر بجد غبى جدا
يعنى مثلا لو هو بيصلح فى الشهر مثلا الف عربيه بالاسعار الغاليه ديه لو رخص الاسعار هيصلح الفين عربيه وهكذا وممكن يكسب اكتر ساعتها

**Sehsss** · 05-05-2012 09:12 PM

المشاركة الأصلية كتبت بواسطة ابو فرح

اجمل حاجه فى الحكومه المصريه بتعرف تصرف نفسها بسرعه
زى مشروع التاكسى ده فى مخزون عربيات كتير يلا يطلع قانون الاحلال بسرعه
وهيا دى مصر

+1111111

**tutankhamoun** · 06-05-2012 06:02 AM

المشاركة الأصلية كتبت بواسطة abdelrhmanadel

لازم نعرف ليه الجمرك بياخود كل ده و ليه كل الناس ساكته ومسلمه بالواقع؟؟؟؟

الجمارك هي نوع من أنواع الضرائب
و دي مصدر دخل من مصادر الدخل للحكومة و أي حكومة في العالم .
و مصر من أقل دول العالم تحصيلا للضرائب أصلا .

و محدش يقارن مصر أو أي دولة تانية بدول الخليج علشان دول الخليج معندهومش ضرائب تقريبا لسببيين
الدخل من البترول عالي جدا - عدد سكان قليل جدا مقارنة بدخل البترول -

و فيه سبب مخفي .......... لكسب رضاء الناس على العائلات الحاكمة .

إنما أوروبا أسعار العربيات فيها زي مصر ..........
و الجمارك المفروض تزيد كمان مش تقل
الحال في مصر سئ (حال المرور و التركز السكاني و الزيادة السكانية - أزمات البنزين بسبب الزيادة في الأستهلاك و قلة الأنتاج )

بس لازم يكون فيه حل لينا و هو القطارات لربط كافة مدن الجمهورية ببعضها
و المترو لربط أحياء المدن الكبيرة ببعضها .

و كدا مش هانحتاج أصلا عربيات إلا في السفر أو الضررورات .

نفسي يلموا العربيات من كل مصري ....... و يدونا عربيات كاروا بدلها .....
مش هانعرف نعمل غرز بالكارو .......... و و لكن هيهات المصريين برضه هاتلاقيهم بيسابقوا بعض بالعربيات الكارو و بيعملوا غرز و الحمار يا عيني هو اللي هايطلع عينه معانا .