ديفندرات التريوس

**mada6680** · 17-03-2009 02:26 AM

يا جماعة انا عايز اركب دفيندرات للتريوس بتعتى ممكن حد يفدنى وممكن حد يقولى اشكال الدفندرات بتاعت التوكيل شكلها ايه واسعرها ايه؟
ولكم جزيل الشكر

**medo_sirion** · 17-03-2009 02:36 AM

الاشكال طبعا لازم تروح تشوفة بنفسك بس المشكلة انها ممنوعة وممكن تشلها تانى على طول بس ممكن تركب الجوانب والخلفى فقط
والاسعار ممكن تتصل باتوكيل وهما يفيدوك

**وائل عطية** · 17-03-2009 10:44 AM

المشاركة الأصلية كتبت بواسطة mada6680

يا جماعة انا عايز اركب دفيندرات للتريوس بتعتى ممكن حد يفدنى وممكن حد يقولى اشكال الدفندرات بتاعت التوكيل شكلها ايه واسعرها ايه؟
ولكم جزيل الشكر

هي بتدي شكل حلو للعربية بس أعتقد إنها مسموحة فقط للعربيات الـ 4*4 ..عربيتك 4*4 ولا 4*2 ؟
من ناحية إنسانية تانية..لا قدر الله عند صدم إنسان بتخلي احتمال الوفاة عالية جداً بخلاف الصدمة بجسم السيارة اللي بيكون مصمم أساساً ليحافظ على حياة المارة أيضاً

**mada6680** · 17-03-2009 08:23 PM

انا عربيتى لسة شريها وهيا تريوس بلاتنيوم كلاس 1 pluse يعنى كاملة 4*4

**mada6680** · 17-03-2009 08:23 PM

انا عربيتى لسة شريها وهيا تريوس بلاتنيوم كلاس 1 pluse يعنى كاملة 4*4 ومتشكر اوى يا جماعة على الردود وياريت تفدونى اكتر

**Demirell** · 17-03-2009 11:23 PM

ألف مبروك يا باشا عالعربية الجميلة

ويا ريت لو تعمل لنا تقرير بالصور عنها

بس أنا من رأيي العربية شكلها من غير الديفيندرات دي بيبقى أحسن بكتير.....أصلي بصراحة بحس إنها مش بتليق عليها وبتغطي على شكل العربية كده

**shreif16672** · 18-03-2009 10:16 AM

ألف مبروك يا باشا على التريوس بلاتنيوم كلاس .. ربنا يباركلك فيها
وعقبالي على ما اجيب الجراند تيريوس .. بس لما تخلص المقاطعة للسيارات الجديده .

**tsalah** · 18-03-2009 11:44 AM

يا جماعة انا عايز اركب دفيندرات للتريوس بتعتى ممكن حد يفدنى وممكن حد يقولى اشكال الدفندرات بتاعت التوكيل شكلها ايه واسعرها ايه؟

مبدئيا دي ممنوعة بكل أشكالها (أمامي - خلفي - جانبي) في المرورلازم العربية تكون نازلة بيها من بلدها و على الرغم من أن معايا جواب من التوكيل يفيد بتركيبها لديهم إلا إني فشلت في إثباتها على الرخصة و قيل لي أنه مستحيل إثباتها.
أنابسافر كتير على الطرق و مفيش نقطة مرور إلا و دايما توقفني بسبه و دفعت عليه مخالفة مرتين و حاليا شيلت الأمامي و حتى الآن محدش وقفني و ربنا يستر

**sho2el3ion** · 18-03-2009 02:57 PM

الف مبروك عليك يا باااشا ..
بس ممكن تقولنا اخبار العربيه معاك ايه .
انا بصراحه نفسي اجيبها وعجباني بس فيه ناس كتير قوي بقتولي غاليه علي الاوبشن اللي فيها بالاضافه الي موضوع انها عاليه علي الارض وده فيه خطوره لي في الملفات الصعبه او لا قدر الله في سرعه عاليه ممكن تعملي مشكله فيا ريت يا جماعه لو حد معاه فعلا العربيه وبقالها فتره يقولي رايه في العربيه من موضوع الثبات وارتفاعها عن الارض بالاضافه الي قطع الغيار خصوصا ان سعرها البلاتينيوم الجديده ممن يجيب حجات سيدان كويسه كتير فالافضل ايه بالنسبه لي ...
ويا ريت لو حضرتك تقولنا رايك برضه في البلاتينيوم الجديده وسعرها هل هو 136 ولا 146 الف
وشكرا