وانا نازل باليل بدور العربية اليارس لقيت صوت غريب حاجة بتزيء لما اجى امشىى وصوت خرفشة وقفت وقلت افتح الكبوت "" الاقى قطة سودا نطت من جوة الماكينة وجريت """
وقفت مزهول من المنظر"":b4_556:
والحمد لله انها طلعت صاحيةمتفرمتش جوة":36_1_35[2]:
عرض للطباعة
وانا نازل باليل بدور العربية اليارس لقيت صوت غريب حاجة بتزيء لما اجى امشىى وصوت خرفشة وقفت وقلت افتح الكبوت "" الاقى قطة سودا نطت من جوة الماكينة وجريت """
وقفت مزهول من المنظر"":b4_556:
والحمد لله انها طلعت صاحيةمتفرمتش جوة":36_1_35[2]:
ربنا بيحبك
الحمد لله
حد حصل معاه حاجة زى دى؟
غريبة !
مع ان الجو مش ساقعة يعنى .
:Copy of majd(4):الموتور بيبقى دافى"
هى اليارس مش مصفحة من تحت ؟:U_thin1[1]:
طب دخلت ازاى؟:N_no[1]:
حصل معايا الموقف ده قبل كده ومن ساعتها قبل ماركب العربيه بهزها شويه واعمل دوشة عشان لو في قطط تطلع
و أنا كمان بس أنا مدورتش كنت العربية كانت دافية فى الأزرق قولت لما أبص على المية و الزيت بفتح الكبيوت ألاقى قطة مربعة :k52: و قاعدة على الموتور من فوق
من يومها كل لما أنزل أهز العربية و أعمل دوشة و كل مرة بيطلع بتاع 3 قطط:N_no[1]: و ما بيجروش بيتنيهم قاعدين جنب الكاوتش من بره
القطط بتحب العربية بتاعتى جدا:lovlie02[1]:
طب الحمد لله انك خت بالك
انا حصلت معايا قبل كده كان معايا 127 بس لقيت عرسه بقى مش قطه ومش فى الماتور كمان كانت على الكرسى الى بقعد عليه:H_angry[1]:
يا د / محمد انا كنت كاتب عن الموضوع ده بس في قسم الاوبل بعنوان ( الموضوع ده جديد ) وكانت القطط مش بس بتنام دي كانت بتسيب بواقي الاكل من عظم سمك وفراخ ... والاخوه اقترحم اني ارش شويه شطه حمره في الاماكن اللي بتنام فيها لان القطط بيطفشوا من ريحتها . جرب الموضوع ده لانهم ممكن يبوظوا الدفيره او يعضوا سير الدينامو لاقدر الله
حصل معايا فى 128 ، الاستبن كان فى الكابوت و القطة نايمة جوه الاستبن
حصلت معايا في الشاهين بس العربية ماريديتش تدور اول لما فتحت الكبوت لقيت القطة جريت وجربت العربية لقيتها دارت
احمد ربنا انك لقيتها قبل ما تدور الماتور.
من سنة تقربيا صاحبي اللي ساكن جنبي بعمارتين عدى عليا بالعربية عشان رايحين مشوار. لما نزلت سمعنا صوت قطة. اعدنا ندور عليها لقيناها يا عيني محشورة في العجلة. كانت قطة صغيرة جدا. اعدنا أكتر من نص ساعة بنحاول نفك العجلة عشان نطلعها وفي الآخر طلعت ونصها وهي بتجر رجليها الورانيين. فضلت تزحف وتمومو وهي بتجر في رجليها. أخويا أخدها للبطري عشان يقتلها قتل رحمة واحنا رحنا مشوارنا.
ومن سنين طويلة قطة دخلت الماتور بتاع عربية والدي واتفرمت والعربية ريحيتها بقت لا تطاق لفترة.
القطط في مصر قطط ناصحة ... بتعرف ازاي تستفاد من العربيات .. دفا و راحة و اوضة سفرة كمان...
اتفرجوا على القطط هنا في السعودية عاملة ازاي ..... قمة الغباااااء و الله.
تلاقي القطه داخلة تجري على العربية و بتاخد الكاوتش في حضنها ... الطريق هنا مليان استيكرات قطط على الاسفلت .. :120105~352:
القطط في كل الدنيا بتبقى شقية .. ماعدا هنا .. غبية .
اعتقد من اكل الكبسة :shyy:
انا بقي القطط بتنام عندي تحت العربية
فى قطة لونها بيج فاتح بتيجى تنام على الكبوت كل يوم فى نفس الميعاد (بجد) والله يسامحها بقا من كتر الخرابيش بتاعت ايديها على الكبوت :d
طب حاولت تتكلم مع القطة تشوف هى عاوزة اية؟؟؟؟؟؟؟؟؟؟
كويس انها متفرمتش وقطعت معاها سير الكاتينة، كانت هتكون الخسائر فادحة ... بخلاف القطة طبعاً!!
انا بقى مرة كنت راكب عربية 128 بتاعة واحد صاحبي ولقيت حاجة بتفلفص تحت رجلي كنت فاكرها ازازة مية وعمال افركها بس لقيتها طرية وبتلعب!! المهم قلت لصاحبي في حاجة بتلعب تحت رجلي وكان هو اللي سايق فضرب فرامل ونط من العربية وقطع بنطلونة .... كل دة في اقل من 10 ثواني! -الحمد الله انة كان شارع جانبي وفاضي- ومرضيش يركب العربية تاني الا بعد ساعة تقريباً فاتح الابواب كلها علشان تخرج،، طلعت عرسة والندل كان عارف لان العربية كا بيلاحظ فيها ريحة مش حلوة من فترة وغالباً دخلت من فتحة التكيف اللي في الكابوت.
هههههههههههههههههههههه
سامحني بس الموقف والتعليقات بتضحك فحت
حصلت معاية ... بس القطة جريت أول لما دورت
وبمناسبة القطط والبوسترات إللي على الأسفلت ... مرة كنت ماشي عادي بسرعة عادية ... لقيت قطة بتعدي الشارع وهيا باصة لفوق ... ( أكيد قطة مصرية ) ... المهم قلت زي أي عادة القطط حتجري ... ولا الهوا ... المهم قربت منها ورجلي على الفرامل ... أبدا ... رحت مدي كالاكس كدة على شان تاخد بالها ... القطة ياعيني أتخضت حتة دين خضة ... فكرتني بتوم إللي في توم أند جيري... والله ما كنت عارف أكمل سواقة من هيسترية الضحك إللي جاتلي
انا كل يوم وانا بشيل غطاء العربيه بلاقى قطه نايمه على الكبوت
وخايف جدا احسن تولد عندى ومعرفش اتخلص من العيله القططيه دى ربنا يستر
نفس الكلام .... مره لقيت قطه قاعده على الموتور و مدفيه قوي
جيت اهشها لقيتها هاتقع وسط السيور ..... اضطريت اني اشيلها بايدي
و قومت راميها
ابن خالتي دائما كل ما يجي يدور العربية ( كورولا 2003 ) يلاقى قطة نزلت من تحت العربية !! حاجة غريبة جدا!!
انا بردة
حصلي موقف
ركبت العرلبية وجيت ادور سمعت صوت نونوة قلت قطة في الشارع
امشي شوية اسمع صوت نونوة بردة ؟؟؟؟؟
وكان راكب معايا ناس اصحاب وبيقلولي ياعم سيبك
المهم ركنت وفتحت الكبوت لقيت المعلمة قاعدة ولا هيا هنا هههههههههه
وكاانت صغيرة
قمت شاايلها
مخلوقات غلبانة جدا و لا حول لها ولا قوة
انا مرة برضه بادور العربية و سمعت صوت نونوة رحت مبطل و فاتح الكابوت هوب تقوم البلية تنزل من بين الفخدة و طرمبة الباور و تقعد على المقص و ساعة الا ربع على ما عرفت امسكها بعد نوم على الارض و بهدلة و حطيتها فى شنطة العربية لغاية ما خلصت مشوارى و نزلتها تحت البيت علشان الشارع هادى و حركة العربيات قليلة
امال انا اعمل اية انا بلاقي بواقي اكل مش بيرتاحو بس دول بياكلو كمان
الحمد لله عمرها ما حصلت معايا بس النهارده وانا خارج بالعربيه سمعت صوت قطه بتصرخ فافتكرت ان كان فى قطه تحت العربيه وانا دست على رجلها مثلا
والله اتخضيت جدا جدا وخفت بس الحمد لله ما لقتش حاجه تحت ولا جوه العربيه
أنا عندى ..لا يوجد فى الشارع اى نوع من الحيوانات الاليفة دى !!ولما فكرت فى موضوع التوازن البيئى !!! نطت فى دماغى فكرة غريبة جدا .. وانا نازل رحت لافف فى الشوارع المحيطة بالبيت ..محطة قبلها ومحطة ترام بعدها !!!!!!! واكتشفت السر اللى كنت شاكك فية ؟؟؟ واحد بعربية كفتة ..بعدنا بكام شارع ..بس بيقولوا عندة كفتة ..اية ؟؟؟؟؟؟ جنان !!!!!!!!!!!:k31::chef: