مشكلة فى باب تانك البنزين لجولف 2005 ؟؟؟

يا خبراء الجولف عندي سؤال فني ممكن تساعدونني في حل مشكلتي في عربيتي جولف موديل 2005 وهي باب البنزين مش عايز يفتح ايه المشكله فيه مشش عارف عايز امول العربيه :stink[1]:ساعدوني ايه الحل

-----------------------------------------------------------------------------
لقد قمتم باستخدام عنوان (غير مناسب ولا يدل على محتوى الموضوع) وذلك يعتبر مخالفة للقاعدة رقم (16) من قواعد المنتدى .
لذا سيتم تغيير عنوان الموضوع إلى (مشكلة فى باب تانك البنزين لجولف 2005 ؟؟؟ ) (تنبيه)

يرجى مراجعة قواعد المنتدى

مشرف القسم
-----------------------------------------------------------------------------

هو غطاء التانك بيفتح من الداخل

فيوززززززززز

التانك بيفتح من جوه من تحت المخدع
اكيد انت عارف
لو كده بيبقى معلق حاول معاه كزا مره
لو مانفعش
يبقى فيوز

بص هو الموضوع مش موضوع فيوزات خالص

غطاء التانك شغال على موتور

والموتور ده متوصل على Convenience System يعني لازم حد يخش على العربية بالجهاز ويشوف Convenience System مسجل إيه في الذاكرة بتاعته مش مخلي الموتور يستقبل الإشارة بتاعة الفتح.

مش وارد تكون فيشة زرار التانك وقعت، أو حتى فيشة موتور غطاء التان، انت أصلا فكيت أي حاجة في صالون العربية قبل كده؟

لازم تروح عند حد يكشف على العربية بالجهاز ويشوف مسجله إيه

ليه مش فيوزات خالص مع انها حصلت معايا قبل كده وكان فيوز وبرده كانت في جولف

علشان أنا بقول لحضرتك إن الموتور واصل مباشرة على ال Convenience System أنا إدامي صورة الضفيرة بتاعة العربية ودا واضح عليها

ومينفعش يكون فيوز الي مدي كهرباء لل Convenience System علشان لو كان الفيوز ده بايظ كان السنترلوك والإنذار والزجاج والمريات والريموت بتوع العربية كلهم وقفوا ومفيش حاجة اشتغلت

وموضوع الفيش مستبعد لأن كل الفيش ليها لوك جامد مش ممكن يتخلع حتى لو شديتها

لما يروح عند حد عنده جهاز حيخش ويعرف الموتور في إيه باظ ولا ال Convenience System مسجل Fault معين

الله مش هعرف افيدك
مع الاسف