انا شوفت النهاره و انا رايح الشغل عربية نيسان Ex الشكل الجديد لسه جديده بمرقا منغير النمر و لاقيت في الاكصدام النقط بتاعت السنسور
هي النيسان بقي فيها سينسور ؟؟
عرض للطباعة
انا شوفت النهاره و انا رايح الشغل عربية نيسان Ex الشكل الجديد لسه جديده بمرقا منغير النمر و لاقيت في الاكصدام النقط بتاعت السنسور
هي النيسان بقي فيها سينسور ؟؟
لا هيا مافيهاش سنسور بس فى الاكصدام اللى ورا مكانين علشان يتركب فيهم ال سنسور
على فكرة انا معايا عربية الشكل الجديد و مركب فيها سنسور
انت اشتريت السنسور منيين و هما اللى راكبوه برضوا, ولو الشكل القديم يركب برضوا ولا لأ
موجود عند أي حد بتاع كماليات وبيكون في حدود 200 جنيه
هل بيكون صوت بس ولا صوت و شاشه
اصلي بصراحه مستغلس وجود شاشه السنسور و اساسا معرفش مكانها بيركب فين
و سؤال كمان هل تؤيد تركيب الباركنج سنسور في الاكصدام الامامي برضو؟ علي اساس الواحد يقلل من فرص خدش الاكصدام في الرصيف لما تركن عمودي عليه بوشك
انا الصراحه عايز اركبه عندي في التيدا علشان انا مش بشوف ادام او ورا
هما عملوا مكان السينسور عشان يهربوا من تغيير الشكل من الخلف
يعني من الاخر غيروا الفوانيس الخلفيه + 4 خرام لتركيب الباركينج سينسور
علي فكره انا ركبته وهو مكون من4 حساسات خلفيه بتتوصل بلمبة المارشيدير +جهاز صغير بيركب فيه الحساسات + الشاشه الاماميه وهي مزوده بموتور صغير يفتح الشاشه ويقفلها لما تجيب المارشيدير
والسينسور بيوضحلك المسافه الجانبيه والخلفيه ومكان وجود الحاجه اللي انت قريب ليها عن طريق 4 اشارات بتزيد وتقل حسب البعد +صوت (بيب متقطع) بيزيد كل ما تقرب لغاية مايبقي صوت متصل(بيييييييييييييب)
الشاشه ليها 3 الوان
اخضر معناها ان مفيش حاجه وراك لغاية2.5 متر
اصفر معناها ان الحاجه اللي وراك اقرب من 1 متر
احمر معناها ان الحاجه اللي وراك اقرب من 30 سم
الجهاز ثمنه 300 جنيه بالمصنعيه
التركيب حوالي ساعه
في نوعين منه
الاول الشاشه بتتوصل للجهاز الخلفي عن طريق مد سلك من الشاشه الي الجهاز الصغير اللي ورا(انا مركبه)
التاني بيقوله عليه بلوتوث الشاشه بتاخد كهربه من اي مكان وتستقبل الاشاره من الجهاز الخلفي عن طريق البلوتوث