سؤال بخصوص سيارات المعاقين؟

**eng.octooo** · 18-03-2009 04:24 PM

خليك فى السليم وابعد عن الموضوع دة

**Drift_Lover** · 18-03-2009 07:41 PM

علي حسب ماعرفت من احد الزملاء في المرور.

اول مره : سحب الرخص والمعاق هو اللي يروح يدفع غرامتها 1000 جنيه.
تاني مرة : سحب الرخص وبرده غرامة 5000 جنيه.
ثالت مرة : سحب الرخص وسحب السيارة الي ان يتم تخليص الجمارك.

**galilio_mad** · 18-03-2009 07:52 PM

الرخصة بيكتب فيها بالنص
حظر جمارك / مجهزة طبيا / لا يقودها الا مالكها

لو اتمسكت بتبقى كده مخالف لشروط الترخيص , العربيه بتتصادر و تدفع المبلغ اللى اعفوك منه من الجمارك و تدفع زيه تانى غرامة و تصدر العربيه على حسابك بره مصر

بس اللى بيحصل فى الواقع ان المعاق بيروح يقول اى حجه ان واحد غيره سايق العربيه ,و بيتصالح مع الجمارك و بيدفع 5000-7000 غرامة تصالح و شكرا على كده

لان العربيات دى بتاخد شوية امتيازات و اعفاءات بغرض الاستخدام الشخصى للمعاق فقط

**yssryaae** · 01-10-2009 04:29 AM

للاسف ياحبيب قلبى صدر قرار بمنع نقل ملكية السيارة الا بعد مرور 3 سنوات من تاريخ فك الحظر يعنى ببساطة كده حتى لو فكيت حظرها هتفضل باسم صاحبها المعوق ومش هتقدر تمتلك السيارة الا بعد مرور 3 سنين من تاريخ فك الحظر انا عارف ان الكلام ده هيزعلك بس كان لازم اقولهولك عشان تعرف مع خالص تمنياتى للك بالتوفيق

**Car's Sniper** · 01-10-2009 11:28 AM

المهم فى ال3 سنين اللى بعد فك الحظر بتبقى باسم المعاق ويتشال من الرخصة لا يقودها الا مالكها وللا الجملة دى بتبقى فى الرخصة بردو

**galilio_mad** · 01-10-2009 01:04 PM

المشاركة الأصلية كتبت بواسطة yssryaae

للاسف ياحبيب قلبى صدر قرار بمنع نقل ملكية السيارة الا بعد مرور 3 سنوات من تاريخ فك الحظر يعنى ببساطة كده حتى لو فكيت حظرها هتفضل باسم صاحبها المعوق

فك الحظر نفسه هو اللى بقى بعد 3 سنين من تاريخ الافراج الجمركى مش نقل الملكية

و بعد ال 3 سنين حتروح تدفع ال 9600ج و تفك الحظر و تاخد شهاده من الجمارك تطلع بيها على المرور
و طبعا حيشيلوا ( حظر جمارك - لا يقودها الا مالكها ) و تفضل مجهزة طبيا
لو عايز تشيل الجهاز , العربية بتدخل فحص و برضوا بتتشال عادى

الفرق الوحيد بين دلوقتى و زمان ان الناس الاول كانت بتفك الحظر بعد شهر بالكتير عقبال ما الورق يوصل من الجمرك
انما دلوقتى فك الحظر بعد 3 سنين و مافيهاش وسايط و لا كوسه ( جار واحد صاحبى وكيل نيابة و مش عارف يفك و ماشى بالعربية باسم و رخصة التسيير بتاعة المعاق و طبعا محدش حيقوله تلت التلاته كام )