الصراع الذي يدور بين قلبي و عقلي كل ليلة.... (محتاج آرائكم)

**AHMEDCAR** · 18-03-2009 10:58 AM

طالما انت طالب انك تعف نفسك تاكد ان ربنا هايكون معاك

ربك اقسم على نفسه برزق طالب العفه (بس اهم حاجه يكون عندك يقين بكده)

**mohamed_kta** · 18-03-2009 12:09 PM

نصيحة من أخ تزوج مبكراً و صلى أستخارة كتير و أدعى ربنا لو دى الزوجة الصالحة ليك دين ودنيا تكون من نصيبك وتوكل و متنساش تعزمنا على الفرح إن شاء الله.

**waled369** · 18-03-2009 03:25 PM

الأخ الكريم أنا تقريبا قريت المشاركات كلها و الكل متفق على انك طالما لديك المقدرة المعنوية و المادية فتوكل على الله . استخير ربنا و ربنا يوفقك للخير.
أما نصيحتي باعتباري متزوج بالنسبة للزواج المبكر بالرغم أني كنت من أشد معارضيه بس من يوم ما رزقت بطفل و تقريبا تغيرت كل مفاهيمي عن الزواج المبكر و كنت باقول يا ريتني تزوجت من زمان .
ربنا يوفقك

**M.Osman** · 18-03-2009 07:13 PM

اولاً: شكر حار لكل من اعطاني نصيحة او تشجيع
ثانياً: احب اوضح بعض التفاصيل و خاصة رداً على الأخ مختار ...

وبالنسبه للوالد والوالده لو اتكلمت معاهم بجديه وحسوا فيك الجديه دى هيقفوا معاك على طول انا لما كلمتهم فى كده هما عشان حاسين انى دلوقتى انسان راجل وقد المسئوليه وافقوا وباركوا الخطوه دى وانا فى انتظار التخرج ...

ما هو دي اللي حصل فعلاً .. الوالد و الوالدة لم يحبطوني.. هما قالولي ان انت هتكون محتاج مساعدة بس طبعاً مينفعش تروح تتقدم و انت مجرد طالب او لسة متخرج ... يعني تروح تتقدم لما تكون بتشتغل و ساعتها نساعدك .. لأن مينفعش تتقدم و انت مش بتشتغل. و طبعاَ انا حتى لو فاتحتها في الكلام ده حالياً .. هحاول اعرفها ان مش هيحصل و اجي اطلبك من غير ما كون بشتغل ( دي قاعدة يعني )

الواحد اصلاً حامل هم ما بعد التخرج ... و قلقان جداً من اللي ممكن يحصل ... لأني بجد مش ناوي اضيع وقت و عايز انجز و اشتغل.

وبعدين ياراجل انت بزنس مان اد الدنيا وانجلش كمان ما شاء الله يعنى السكه سالكه
فكر فى الكلام اللى قلتهولك كويس .. متقفلهاش فى وشك ..ومتقضيهاش حب وتخيلات فقط

قولى بقى عملت ايه فى النتيجه ... و ايه اخبار القسم عندكم احنا زملاء وجيران عايزين نتواصل

ألف شكر عالتشجيع دا... قوللي انت اخبار إدارة اعمال اية ؟ مش احسن من قسم محاسبة الروتيني ؟؟ ( مع الإحترام لأصدقائنا المحاسبين طبعاً )

بخصوص النتيجة .. لسة منتظرين !
شكراً

**mokhtar** · 19-03-2009 03:31 PM

المشاركة الأصلية كتبت بواسطة SuccessCre8or

اولاً: شكر حار لكل من اعطاني نصيحة او تشجيع
ثانياً: احب اوضح بعض التفاصيل و خاصة رداً على الأخ مختار ...

ما هو دي اللي حصل فعلاً .. الوالد و الوالدة لم يحبطوني.. هما قالولي ان انت هتكون محتاج مساعدة بس طبعاً مينفعش تروح تتقدم و انت مجرد طالب او لسة متخرج ... يعني تروح تتقدم لما تكون بتشتغل و ساعتها نساعدك .. لأن مينفعش تتقدم و انت مش بتشتغل. و طبعاَ انا حتى لو فاتحتها في الكلام ده حالياً .. هحاول اعرفها ان مش هيحصل و اجي اطلبك من غير ما كون بشتغل ( دي قاعدة يعني )

الواحد اصلاً حامل هم ما بعد التخرج ... و قلقان جداً من اللي ممكن يحصل ... لأني بجد مش ناوي اضيع وقت و عايز انجز و اشتغل.

على فكره والله العظيم اللى انت فيه ده نفس حالتى بالزبط مع بعض الفروق الطفيفه اننا فى سنه رابعه وبنحب وعايزين نرتبط
والدك ووالدتك كلامهم صح من حيث ان مينفعش تروح تتقدم وانت لسه مخلصتش او لسه ماشتغلتش على الاقل تكون حاسس شويه بالمسئوليه وواقف على ارض صلبه ومتقلقش من بعد التخرج طول مانت بتعمل اللى عليك وبتطرق كل الابواب صحيح الازمه الماليه مأثره جامد بس برضه الواحد يسعى

ألف شكر عالتشجيع دا... قوللي انت اخبار إدارة اعمال اية ؟ مش احسن من قسم محاسبة الروتيني ؟؟ ( مع الإحترام لأصدقائنا المحاسبين طبعاً )

بخصوص النتيجة .. لسة منتظرين !
شكراً

اداره الاعمال تمام وزى الفل احسن قسم فى الدنيا مع انى كان نفسى ادرسه فى مكان محترف شويه بس الحمد لله هو عامه المجال جامد جدا وانا حبيته كمجال عمل اولا وكدراسه ثانيا وان شاء الله الواحد يقدر يعمل فيه حاجه لانه قسم كل شغله او معظمه متطور ومتجدد بعكس المحاسبه ثوابت مع احترامنا لكل المحاسبين

**Mido80** · 19-03-2009 08:03 PM

كل الردودو اللي قالوها لك الاخوة الاعضاء جميلة وبصراحة الناس ما قصروش في حاجة بس انا هاديلك رأيي ودة رأي شخصي يعني مش لازما حتما يكون هو الحل النهائي..انا بارجح انك تستني شوية وعيش حياتك كشاب عندك اصحابك تخرج معاهم وكمان تبدأ تخطط لحياتك العملية وانت براحتك مش مربوط بسلاسل من ذهب. انا معاك ان الحب دة اجل شئ في الدنيا بس الحرية جميلة بردو. انا باقولك الكلام دة لانك هاتيجي بعد فترة، لو ربنك يسرلك الموضوع واتجوزتها وخلفتوا ولاد، هاتلاقي نفسك في دوامة الحياة الزوجية والمصاريف والخروج لاماكن محددة واصحابك اللي مش هاتشوفهم الا كل سنة مرة وغيرة....عشان كدة فكر شوية وبعدين خد قرار وقبل كل شئ استخير ربنا.

ارجو انك ما تزعلش مني لو كان رأي حاد شوية بس انا بديلك رأي بكل صراحة بدون اخفاء للحقيقة لاننا كلنا اخوات واصدقاء

**M.Osman** · 19-03-2009 11:29 PM

كل الردودو اللي قالوها لك الاخوة الاعضاء جميلة وبصراحة الناس ما قصروش في حاجة بس انا هاديلك رأيي ودة رأي شخصي يعني مش لازما حتما يكون هو الحل النهائي..انا بارجح انك تستني شوية وعيش حياتك كشاب عندك اصحابك تخرج معاهم وكمان تبدأ تخطط لحياتك العملية وانت براحتك مش مربوط بسلاسل من ذهب. انا معاك ان الحب دة اجل شئ في الدنيا بس الحرية جميلة بردو. انا باقولك الكلام دة لانك هاتيجي بعد فترة، لو ربنك يسرلك الموضوع واتجوزتها وخلفتوا ولاد، هاتلاقي نفسك في دوامة الحياة الزوجية والمصاريف والخروج لاماكن محددة واصحابك اللي مش هاتشوفهم الا كل سنة مرة وغيرة....عشان كدة فكر شوية وبعدين خد قرار وقبل كل شئ استخير ربنا.

ارجو انك ما تزعلش مني لو كان رأي حاد شوية بس انا بديلك رأي بكل صراحة بدون اخفاء للحقيقة لاننا كلنا اخوات واصدقاء

شكراً على نصيحتك اخي العزيز ... و نصيحتك في قلب الموضوع .. ( الإختيار الصعب بين تخطيط مستقبلي بدون إرتبطات ..ام الإرتباط بها )

لأ طبعا مش زعلان ... احنا اخوات ...شكرا جزيلاً

**mrghost** · 20-03-2009 11:06 AM

المشاركة الأصلية كتبت بواسطة emadkamel

انا لو
1- عندى المقدرة المادية على "فتح بيت"

2- عندى شقة او المقدرة على شراء مسكن مناسب

3- عندى النضج الاجتماعى والنفسى الكافى (وده من خلال حكم ناس كبار زى شيخ بترتاحلة او صديق لوالدك او دكتور فى الجامعة او ماشابه مش من كلام زملاء ليك او احساسك انت الداخلى)

4- اخترت البنت "من ضمن" إختيارات عدة مطروحة امامى وبعد دراسة متأنية لسلوكياتها وتدينها ومدى توافق طباعها معايا ومع اهلى ومعرفة ولو بسيطة باوضاعها الاجتماعية ورؤية حيادية لتفاعلها مع الزملاء وهل فى تكلف ولا لأ .....

5- عدى على اختيارى ليها او تعلقى بها فترة طويلة او كافية لانى أتأكد ان شعورى ناحيتها مش شعور عابر

6- معرفة تامة وبالتحديد لعيوبها - ودى مهمة قوى انك تبقى اولا عارف انها بنى ادمة طبيعية فيها عيوب زى كل الناس والمشاعر ماتبقاش مغمية عينيك، وثانيا اتك تبقى عارف العيوب دى ودارس مدى تقبلك ليها .... واعرف قاعدة هامة جدا جدا جدا جدا .... مافيش حد بيتغير ولا بعد الجواز ولا قبله .... مافيش حد بيتغير .... مافيش حد بيتغير.... عايوك تقولها 10 مرات كل يوم ..... وماتتخيلش ان اللى كل البشر فى العالم كله اتفقوا عليه ممكن انت تغيره ... كان غيرك اشطر

لو كل ده موجود .... بس لو موجود فعلا مش اخلقه انا

ولازم تكون امين مع نفسك اوى فى الحته دى .... لو كل ده موجود ممكن افاتح اهلى (زى ما انت عملت) وبعدين افاتحها وبعدين لو فى قبول ازور البيت او افاتح اهلها ... وبعدين لو حصل خطوبة (سواء دلوقتى لو اهلها موافقين او بعد تخرجك)

1- هاستغل اكبر وقت ممكن فى فترة الخطوبة فى دراسة كل سلوكياتها على قد ماقدر

2- دراسة طبايعها وطبايع الاهل ومدى قربها و"تأثرها" بأراء اهلها وهل ده فى اطارة الطبيعى ام فى اطار الطاعة العمياء

3- دراسة طبيعة علاقة والدتها بوالدها - ودى مهمة وعلاقتها باخواتها

4- محاولة معرفة رأيها "الحقيقى" فى مفاهيم الاسرة، وتكوين البيت، تربية الاطفال، النظرة لدور الزوج فى الاسرة، دور الزوجة فى الاسرة، عمل المرأة، مصروف البيت، الواجبات الاجتماعية ......

ده اللى قدرت افكر فيه دلوقت ...... لو كل ده تمام - وخللى بالك تمام هنا يعنى نسبة 70-80% مثلا لانك استحالة هاتلاقى حد 100% فى كل حاجة بس المهم تكون العيوب فى اطار مقبول

وربنا يوفقكوا

كلام مفيش بعد كده والله