-
تركيب جنوط 14 لبولو 98
يا أسامة سألت على الجنوط الحديد الأصلى نفس الرسمة التاجر عايز 450 للأربعة!! بس لسة مافاصلتش عشان كنت رايح أسأل!!
ياترى ممكن أخلصهم على كام؟؟
وبعدين هوا موضوع عكس البيضات ده ضرورى وإيه فكرته إذا كنت هحافظ على نفس القطر النهائى للفردة!! حتى لو كنت هركب جنوط 15 ؟؟
-
حتعمل التالي:
1. خد طقم الجنط قبل ماتدفع ولا مليم واطلع على واحد بتاع ترصيص بيفهم وركب الطقم فاضي على ماكينة الترصيص وشوف فيه أي جنط فيهم بيلب أو في رفة أو واخد خبطة في العصب ولا لأ
2. لو طلع الجنط نضيف ارميله جنوطك وخلص معاه على 400 جنيه
3. ركب كاوتش نضيف حسب المقاس بتاع العربية
موضوع خلف البيض دا علشان ظبط زاوية الكاستر بتاع العربية.
ودا علشان المحافظة على الكاوتش أولاً وثانياً علشان اتزان العربية وكمان لاحظ إن أي خلل في زاوية الكاستر بيسمع في المساعدين والقنطرة والبطاحات.
في الرسالة الي جاية حبعتلك ملفين Pdf يشرحوا الفكرة ودول طبعاً من فولكس مش أنا الي مألفهم
وسلام مؤقت
-
شوف يا سيدي دي تعليمات فولكس بخصوص بيض المقصات
لو جنطك مقاس 13 اضغط هنا
لو جنطك مقاس 14 اضغط هنا
وبعدين ياسيدي انت بتصدقش كلامي، ولا تزعل تحب اقطعلك الشك باليقين؟؟؟؟؟؟؟؟؟؟
ماشي بس علشان تصدقني بعد كدا
افتح الإيتكا يا سيدي وادخل على عربيتك
شوف الرقمين دول
6n0 407 365
6n0 407 365 A
أولاً حتلاقي كل الرقم موجود مرتين
الرقم الأول حتلاقيه بيضة شمال والكاوتش 13 وحتلاقيه يمين لو الكاوتش 14
وبالمثل الرقم الثاني
وبعدين حديلك معلومة كمان عن قطع الغيار، بلا انهاردة اوكازيون
لما يكون في قطعة غيار فيها يمين وشمال
رقم القطعة الشمال بينتهي برقم فردي واليمين برقم زوجي
شايف بقى الرقمين الي فوق؟
الرقمين فردي يعيني 2 شمال، صح؟؟
وبما إن القطعتين ينفعوا يركبوا شمال، يبقى اليمين بالمثل..
وصلت ولسه في حته كمان ناقصة؟
لسة في حتة ناقصة علشان فعلا ندمر الشق باليقين
الرسالة الي جاية
وسلام مؤقت
-
تدمير الشك باليقين
شوف يا سيدي أبعاد الزوايا بتتغير ازاي مع تغيير الجنوط
لاحظ إن إكبر تغيير في زاوية الكاستر ثم الكامبر
شوف المربع الأحمر الموجود في الملف
ملف مواصفات الزوايا
متنساش تدعيلي بقى
-
الله ينور عليك وربنا يوفأك وتفتح مركز صيانة كبير..
دى معلومات خطيرة
بيتهيألى إن ممكن حد يكون ملخبطهم أو مركب 2 شمال أو 2 يمين لو مغيرهم ومش عارف حاجة طبعا ويحاول يظبط العربية ومفيش فايدة..
-
ممكن جداً
العلمو نورون :36_1_35[2]:
-
إنتا هتخللينى أنزل أفور البيضة بتاعة المقص عشان أتأكد إنهم مظبوطين!!
المشكلة إن ممكن أى واحد يشترى مقصين إستعمال ويركبهم من غير مايعرف الكاوتش اللى كان راكب فى العربية وممكن يكون 14 أو 15
وأكيد كانو معكوسين!!
أو يشترى مقص لوحده أصلا راكب فيه بيضة معكوسة!!
الله يباركلك يا أسامة ماتحاولش تستخسر معلومة..
بارك الله فيك..
-
دا كمان المقص يركب يمين وشمال
بص لو انت مجيتش جنب العفشة حتلاقيها مظبوطة
لا تقلق
أما لو فيه لعب، فنصيحة بص عليها
العمر مش بعزئة يا سيدي
-
معلومات مهمة ومفيدة جدا وياريتك تعلم الناس فى المنتدى على أد ماتقدر عشان تبأا عملت حاجة مفيدة فى حياتك...
-
أنا تحت أمر الناس في أي وقت
حبعتلك بقى الرسالة الجاية مفجأة جديدة
Content Relevant URLs by
vBSEO 3.6.0 PL2