سؤال للجرب سواقه فابيا
هل ماتور الفابيا ناعم؟؟
اقصد هل قريب من الهيونداي كمثال؟؟
وهل الفرامل absعمليه في مصر؟؟
عرض للطباعة
سؤال للجرب سواقه فابيا
هل ماتور الفابيا ناعم؟؟
اقصد هل قريب من الهيونداي كمثال؟؟
وهل الفرامل absعمليه في مصر؟؟
ممكن ارد علي الحته بتاعت الABS...
طبعاً الABS عملي و مهم جداً في اي حته مش مصر بس... انا شايف ان المفروض انه يكون حاجه اساسيه في كل العربيات اللي بتنزل مصر...
يعني مفروض يمنعوا دخول اي عربيه مافهاش ABS علشان بيساعد علي عدم وقوع حوادث كتير ربنا يعافينا...
انا هتكلم عن موتور ال A5 و انا شخصيا شايفه ناعم جدا لكن معتقدش انه انعم من الهيونداى ....
بالنسبه لل ABS فمفيش حاجه اقولها بعد كريم ...
انا بس هذكر مثال ..
لو لا قدر الله ماشى بعربيه بدون ABS و على سرعه مثلا 80 و فجاه واحد وقف ادامك ...
هتعمل ايه ..؟؟
هترزع رجلك على الفرامل صح ؟؟
العربيه هتعمل ايه ؟؟
التيل هيمسك على الطنبوره و العجله هتزحف ....
و لو حبيت تغير اتجاه العربيه اثناء الزحف هتبقى محاوله فااااااشله و العربيه مش هتغير اتجاهها ...
و النهايه بعد الشر ...
شنطه الشخص الى وقف ادامك !!!!!!!
نفس الموقف بعربيه فيها abs ..
لما ترزع رجلك على الفرامل التيل مش هيمسك على الطنبوره و خلاص لالالالالالا
ده بيمسك و يسيب بسرعه كبيره جدا ...
فبالتالى العجله مش بتزحف ..
فبالتالى مسافه التوقف بتقل بدرجه كبيره ..
و كمان لو حبيت تغير اتجاه العربيه العربيه هتستجيب معاك ...
انا مش متخيل نفسى راكب عربيه بدون ABS ....
طبعاً خالد قال مثال ممتاز لاستخدام الABS
انا بس عايز اضيف ان الABS ليه عيب واحد
لو ABS اشتغل و انت علي ارض مبلوله او فيها حصي كتير... هنا الABS مسافة التوقف بتاعته بتكون اطول من الفرامل العاديه...
انما علي الاسفلت الطبيعي بيكون احسن بمراحل زي ما خالد شرح...
فى عيب كمان فى ال ABS و هو انه لما بيشتغل بتحس ان دواسه الفرامل بتتهز تحت رجلك و كمان بيبقى فى صوت دربكه عالى لكن ده فى حاله انه يشتغل فقط و اساسا هو مش بيشتغل غير لما يحس ان العجل بيزحف ...
يعنى ده عيب مؤقت ...
و بالنسبالى مش عيب هههههههه لانى اتعودت على ال Abs و هو شغال ......
شكرا يا جماعه علي الشرح مرسيه بجد
بس موضوع النعومه ده خنقني شويه
يعني انا اجيب عربيه اغلي من الهيونداي و تبقي اخشن؟؟
نعومه السحب تحس انها بتمشي لوحدها كده
لو انت مالكش في الجري و الغرز و الذي منه يبقي الاوكتافيا الاختيار الامثل ليك...
اما لو انت عايز عربيه تشد بيها و جري و كده خليك في الهيونداي...
ولا انت قصدك حاجه تانيه في النعومه... اصل النعومه ديه بتتقال علي الباور بتاع العربيه...