تقييم مبدئى لللهيونداى الانترا

**HISHAM80** · 07-09-2007 11:53 AM

انا هكتب تقييم مبدئى عن الانترا لسه واحد صاحبى جايبها من يومين اول الاوتوماتيك 100002 الف جنيه استلام فورى المهم العربيه من جوه واسعه وشنطتها كويسة جدا والتابلوه شكلوا شيك والخامات المستعملة كويسه وفى اماكن تخزين كتير بس فرش الابواب مش كويس اوى يعنى كله بلاستيك مش مطعم بقطيفة مثلا بيقلل من فخامة العربية
وزن الباب والصاج خفيف جدا يعنى تقريبا نص وزن باب العربية الاوبل فكترا ودى اكتر حاجة خت بالى منها بسرعة وضايقتنى
التصميم الخارجى شيك جدا وانسيابى بس مستعملين فيبر كتير عند الشنب ولاكصدام ضعيف شوية
بالنسبة لتجربة القيادة والوضعية فهيه كويسة جدا جدا يعنى كنت قاعد براحتى مع ان ده صعب شويه لان طولى 183 سم يعنى هى نفس وضعية قيادة الاوبل
بالنسبة للقيادة فالعربية ناعمة جدا والباور بتعها جامد جدا زى بتاع الكورولا والموتور والفتيس كويسين جدا جدا لسه العربيه بتلين بس جبت بيها 80كم و RPM 2000 وكان اختراقها للهوا جيد جدا ومفيش اى صوت من العفشة يعنى فى النهاية العربية كويسة جدا ومتقلش عن اليبانى ذى الكورولا الى مبالغ فى سعرها جدا مع فرق الموتور 1600 بتاع الانترا

**Salah_sr** · 09-09-2007 05:09 PM

سيدي الفاضل مع أحترامي لتقيمك العربية و لكن لي ملحوظتين بالنسبة للصاج فأن صاج الألنترا أصلب و أغلظ من الكورولا مرة و نصف تقريبا أما بالنسبة للباور فهناك إختلاف كامل للباور حيث إن الباور للكورولا هو باور هيدرولك (يوجد له زيت ) أما باور الألنترا فهو كهرباء إلكتروني يخف وو يتقل حسب سرهة العربية و لا يوجد سرعة للتلين سوي السير مع RPM من 2000 إلي 4000 مع عدم السير بسرعة ثابتة لمدة طويلة و لك أن تراجع الكتالوج