الموضوع: أحذروا من ترك أشياءكم في السيارة البلد لم يعد فيها أمان

إمبارح حوالي الساعه 8 ونص أخويا نزل مول الكمبيوتر اللي في الخليفه المأمون ركن العربية الللاب توب كان في الكنبه الخلفيه راح حاطط فوقيه الجاكت مغطيه وقفل العربية ونزل دخل المول رجع لقى الزجاج على اليمين بتاع الكنبه مكسور والشنطه مسروقه تخيلوا في شارع الخليفه المأمون الساعه 8 ونص والناس رايحه جايه في الشارع الزجاج يتكسر والشنطه تتاخد إنا لله وإنا إليه راجعون ولا حول ولا قوة إلا بالله ياريت تخلوا بالكم يا شباب وما تسيبوش أي حاجه في العربيه

المشاركة الأصلية كتبت بواسطة Sameh

أصلاً غلط جداً إنك تقف وتغطى شنطة مهمة أو تحطها فى الدواسة أو فى الشنطة وبعدين تسيب العربية ، إنت كدة بتعرف كل اللى واقفين شايفينك إن فى حاجة مهمة فى الشنطة دى ، الصح يقول إنك أى حاجة مهمة لو مش هتاخدها معاك تحطها فى شنطة العربية ، بس قبل ما تتحرك بالعربية مش بعد لما توصل وتركنها !!

أنا بشيل الشنطة ورا وأنا رايح وراجع من الشغل كل يوم ، حتى لو عندك سنتر فى العربية ، ممكن لا قدر الله تحصل خبطة بسيطة وتضطر تنزل بسرعة ، بس المهم الحاجة تتشال قبل ما تتحرك بالعربية مش بعد لما توصل ، عشان اللى سرق اللاب توب ده أكيد كان واقف ساعتها وشافه وهو بيغطيه بالجاكت ، عشان كدة كسر الزجاج وأخده ، إنما ماكسرش عشان الجاكت ولا عشان بيشم على ضهر إيده

تمام ياباشا كلامك صح