الحقوناااا الصنى بقت تاكسى

**ghazy12** · 18-03-2009 05:41 PM

احب اقولك ان كيا باعت اكتر من 35 سيارة سيراتو عشان هيبقو تاكسي العاصمة..

و انا شفت لانسر بومة تاكسي عادي (ابيض و اسود) اكتر من مره..

و اسبيرانزا نزلت موديلات تاكسي جاهزة و في منها بالغاز كمان..

و كل العربيات اللي الزملاء قالو عليهم دول بقو كتيييييييير و ده فيه ميزه و عيب

ميزه: عشان الشارع المصري هبنضف و يرتقي و المستوى هيكون افضل و كمان حاجه مهمة قوي ان عينك مش هتتجرح بعربية موديل سنة 30 و ماشية بالعافية و كل حتة فيها مكسرة (منظر زفت بصراحة في حين ان مصر بلد سياحية و عيب قوي المنظر ده قدام الأجانب و همه ولا فارقة بيصورو و خلاص و طبعا ده بيعكس الشكل الغير حضاري عن بلد الحضارة)

كمان حفاظا على صحة الأجيال القادمة (و اللي باقي من الأجيال الحالية) من الدخان اللي بيعمونا بيه و بنتنفسو كمان

عيب: علشان اللي راكب عربية بقت تاكسي هيزعل و هيحس انه مش طايق العربية (طبعا مش كل الناس كدة) بس احب اقوله معلش ده عشانك و عشان المميزات اللي قلتها فوق

كمان ده ممكن يرفع اسعار السيارات في مصر بسبب طمع و جشع التجار و تخيلهم ان مفيش عندنا ازمة و كله تمام و السوق شغال (مش كل التجار)..

دي وجهة نظري عن الموضوع و يا رب أكون قدرت اوضحها....

**kemo0o** · 18-03-2009 06:12 PM

انا شفت ياريس تاكسي ( ابيض واسود ) وصاحبها قال لي انه معاه مازدا 3 تاكسي كمان بس بيرخصها لسه ( -- الكلام ده عند فرغلي في مدينة نصر -- )

قلت له هو ينفع اي عربية تشتروها وترخص تاكسي
قال لي لأ لأ لأ لازم الوكيل بتاعها يكون موافق

قولت له طيب والهوندا قاللي لا ياعم دي بالذات لأ لأ

**sakrquraish** · 18-03-2009 07:35 PM

ياجدعان مصر زمان ايام افلام الأبيض و الأسود كان فيها التاكسيات شيفروليه و مرسيدس

**crazylambada** · 18-03-2009 07:47 PM

انا شوفت لانسر شارك تاكسي

**kemo0o** · 18-03-2009 07:54 PM

يا سيدي الفاضل العالم كله فيه تاكسيات فاخرة وماركات انما هنا في مصر .... منهم لله بقى مش مخليين الشعب ولا يتمتع بعربية ملاكي حلوة ولا ركوبة تاكسي حلوة :lol :

**PoweRPassioN** · 18-03-2009 08:04 PM

طب خير والله كل الماركات دي بقت تاكسي
طب مانشوف الموضوع دا يا جماعه كمشروع لانه بيعكس ان رأس المال بيرجع بسرعه
ايه رأيكو؟؟

**fady_anis** · 18-03-2009 09:49 PM

عندنا فالمنصوره انا شوفت
اللانسر حوالى 5 عربيات
الاوبترا عربيه واحده
اللانوس حوالى 4 عربيات
الافيو حوالى 4 عربيات
والفيرنا بالهبل بقا

لكن الصـنـى لالالالا لسا بس الدقهلويه نزهه وممكن يعملوها