المشاركة الأصلية كتبت بواسطة iceheartedgirl
نتكلم في الموضوع دا بقي
اقلكم الحق
بصراحة بستغرب اوي مالرجال اللي بيطلقوا مسميات علي زوجاتهم
زي الحكومة مثلا او المدير العام وممكن تبقي غلبانة جدا
ودا بيكون غالبا من باب السخرية
وهي كمان لما تطلق عليه في غيابه مصطلحات للسخرية
بصراحة بحسها عدم احترام بين الطرفين
يعني المفروض لما اقول ضحكة..تفتكر نكتة جميلة
لما اقول اخلاص...تفتكر اقرب صديق ليك
لما اقول زوجتك..تفتكر سكنك وأمانك وراحتك
لما اقول زوجك..تفتكري ملكك وشريك عمرك
مش عارفه ليه اختلطت المفاهيم للدرجة دي وبقت موضوع للسخرية
ياريت كل واحد شارك هنا يراجع نفسه
ويفكر انه لو عاوز زوجته تبقي القمر
يبقي لازم هو الاول يكون الشمس اللي هتعكس ضوئها علي القمر