الموضوع: دعوة للتعايش مع عربيتك

المشاركة الأصلية كتبت بواسطة battikh

الأخ القطان (أتمنى أكون قريت الاسم صح) والله كأنك كتبت ما في نفسي، فأنا أمتلك لانوس 99 عاملة 94 ألف معايا من سنة ونص تقريباً استيراد كوري، كل المشاكل اللي عندك هي نفس المشاكل اللي عندي وعملت نفس الحلول تقريباً، والحالة يبقى الحال على ما هو عليه، وبالفعل في الوقت الحالي بتعايش مع العربية زي ما هي والحمد لله العيشة رضا، بس الشيء المؤرقني غير الفرامل اللي عبارة عن صوت بس بدون فعل، مؤرقني العفشة، لإن بالفعل العفشة دي عاملة فضيحة كل اللي يركب معاك العربية يقول فيه إيه؟ إيه الأصوات الغريبة دي؟ وكأنه راكب عربية مشروع رمسيس، وبعد التردد على عدة متخصصين في هذا المجال وتخصصهم الدقيق (عفشة) أجمعوا على ضرورة تغيير طقم المساعدين اللي قدام، وبالمرة اللي ورا عشان الاتزان، ويواكب تغيير المساعدين تغيير البطاحات والكوبايات وجلب المقص وخلافه، طبعاً بحسبة بسيطة الموضوع حيدخل في 1500 جنيه مرتاح فقررت إني أعمل جمعية تعاونية استهلاكية لتوفير هذا المبلغ لمعدومي الدخل أمثالي، وتغيير ما قرره علماء (العفشة).
والله المستعان.

أسهل حاجة عند الصنايعي انه يقول لك العفشة كلها عايزة تتغير حتى ولو اللى بايظ قطعة أو قطعتين بالكتيرفهو يقول فى نفسه نغير الجنب كله واكيد المشكلة هاتتحل
وعلى فكرة هما مش دايما بيقولو كده عشان يعملو شغل انما ممكن يكون قلة خبرة وقلة حيلة برضه
اليومين دول لما تلاقى صنايعي جامد كأنك لاقيت جوهرة وخاصة العفشجية وبتوع التكييف نادر جدا جدا جدا انك تلاقى واحد خلاصة من الاخر

المشاركة الأصلية كتبت بواسطة MMamdouh

رجرجة الفرامل من الطنابير... هات من الاخر و اعمل التعديل

MMamdouh

شكرا يا جوهرة على الرد السريع
مشكلة التعديل معايا ده هيخش فى الغويط ( جنوط وكاويتش وكاليبرات ودنيا كبيرة)
أنا يا محمد نفسي تدلني بس على واحد بتاع تكييف من بعد الاخر بشوية يفلى العربية لحد مايعرف المشكلة فين

المشاركة الأصلية كتبت بواسطة MMamdouh

ربنا يبارك لك فيها

بالنسبة لمشاكل المية فا انت محتاج تكبس دورة التبريد عشان تعرف التسريب منين بالضبط و تمنعة... وواضح من كلامك ان كان فيه تسريبات كتير و انت حليت معظمها

MMamdouh

تقصد بكبس الدورة ده اللى بيعملوه فى محطات موبيل غسيل دورة التبريد عن طريق مزيلات الصدا اللى بيحطوها فى الماكينة وكدا ولا تقصد حاجة تانية؟