هيونداى اتوس !!

**zikoofire** · 18-03-2009 07:34 PM

السلام عليكم
الحقيقة انا عندى عشم تجاوبونى بسرعة وتساعدونى زى عادتكم دايما
انا ناوى اشترى عربية لاول مرة ، ولان المبلغ اللى معايا فى حدود من 40 -42 الف ، انا فكرت فى هيونداى اتوس مستعملة بس حاجة نضيفة، قبلهم كنت فكرت فى الاكسنت بس اللى شوفتها فى الحدود ديه ماشية كتييير اوى وانا مش عاوز كدا
ياريت تقولولى رايكم بخصوص الاتوس القديمة يا جماعة وهيا عملية ولا لا وموفرة فى البنزين ولا لا وقطع الغيااااااااااااار اهم حاجة كمان
منتظر ردكم بفارغ الصبر
السلام عليكم

**zikoofire** · 19-03-2009 01:35 AM

واللهى عيب جدااا بجد
لما ابقى فى اكبر منتدى سيارات ومتعشم ان اخواتى يجاوبونى
والاقى 11 مشاهدة ومافيش حد خااالص فكر يرد
ياجمااعة بليييييز

**mecho_392** · 19-03-2009 03:40 AM

بص انا معايا ال i10 الجديدة و بجد عربية تحفه و كتبت كل حاجه عنها.
بالنسبة لل اتوس انا ركبتها لاول مره من شهر كده فى معرض ابورواش و لقيتها عربية حلوه بس ال i10 من وجهة نظرى احلى لكن اغلى منها.. و الاتوس الجديدة و القديمة سمعتها حلوه جداااااااا و فى الهند دول انجح سيارات هيونداى و الناس بتفضلها جدا.. اما بالنسبة لقطع الغيار دى ممكن تسأل عنها او حد هنا يفيدك..
و نصيحتى انك تحاول تجيب زيرو بجد افضل بكتيير حتى لو هتنزل لالتو 800 تكييف افضل من متاهات المستعمل و مشاكله و دى نصيحتى لكن الالتو قطع غيارها غاليه و اعتقد ده السائد فى السوق حاليا و حاول تبعد عن المستعمل قد استطاعتك علشان اللى هتوفره هتضطر تدفعه فى تجديد العربية المستعملة او الاعطال اللى ممكن تقابلك او امكانبة تغيير اشياء هامة زى الكبالن و تيل فرامل و مساعدين..... و ....و..
ربنا يوفقك فى اختيارك.