يا جماعه ممكن اعرف سعر المرايه الشمال فالسويفت موديل 93 عشان انا دلوقتي وانا ماشي فالشارع واحد شالي المرايه كلها وبعد كل ده طلعت روحي عشان اطلع منو 50 جنيه يا ترى انا هدفع كام زيااده بقا عشان اجيب مرايه تانيه
عرض للطباعة
يا جماعه ممكن اعرف سعر المرايه الشمال فالسويفت موديل 93 عشان انا دلوقتي وانا ماشي فالشارع واحد شالي المرايه كلها وبعد كل ده طلعت روحي عشان اطلع منو 50 جنيه يا ترى انا هدفع كام زيااده بقا عشان اجيب مرايه تانيه
تعملها فى حدود 90 جديدة،واستعمال نظيفه فى نفس الحدود او 100 بس نصيحة فافيش احسن من الاصلى علشان كدة هتها استعمال من عزبه شلبى او الوكاله او بعد نفق احمد حلمى خش اول شارع يمين واسأل على تجار المشتعمل بتوع السوزوكى.
واى خدمه.
ليه هوا لو انا جبتها مستعمله او جديده مش هتكون اصلي ولا ايه ؟ وبعدين هيا هتفرق لو كانت بتاعت العربيه او غيرتها ولا هيا هياز
الجديدة بتبقى مش يابانى وصعب جداا تلاقيها اليابانى علشان كدة خليك فى الاستعمال احسن علشان الاصلى وهتلاقيها حالتها حلوة بس شوف عند كذا واحد الاول.
انا سالت قالولي مفيس ياباني قالولي في تايواني و هندي الهندي ب70 والتايواني ب75 طيب الاقي فين مستعمل ؟
اليابانى استعمال فقط يعنى استيراد وديه افضل بس لو مش عاوز يبقى التايوانى ده الاختيار الثانى.
اها طيب فين لدور عشان انا عايز اشوف فين المستعمل او المستورد ده؟ وشكرررااااا
عزبه شلبى او الوكاله او بعد نفق احمد حلمى )فيين دول معلش ؟؟ انا مش عارف
طيب حضرتك اصلا ساكن فين علشان اوصفلك اقرب مكان ليك.
انا فالهرم عند ومبي الهرم بالزبط وشكرا ليك تعبتك معايه
ولا يهمك ياباشا احنا أخوات.
أقرب حاجه ليك هى أحمد حلمى.
اولا توصل لشارع الجلاء فى رمسيس وتخش يمين من عند قسم الازبكيه هتلاقى على اليمين موقف القللى بتاع الاتوبيسات بعد كده تنزل النفق يمين واول لما تتطلع منه تكسر شمال فى اول يمين هتلاقى على شمالك موقف احمد حلمى تمشى شويه صغيرين هتلاقى محلات قطع غيار السوزوكى كتيييييرر.
ولو عاوز اى استفسار انا فى الخدمه وكلمنى على رقمى الخاص الموجود فى البروفيل.
شكرا ليك يا انور انا شم عارف اقلك ايه وانشالله هنزل اليومين دول عشان اخلص الموضوع ده وعندي حبت حاجات اجبها برضو انتا شكلك عندك سوفت انا شبه متاكد طيب قلي انا عندي صوت كده و كنت من فتره لما جبت العربيه تقريبا 7 شهور كنت عايز اغير جلب المقصات بس لما جبتهم مركبوش والله اعلم مع العلم اني جبت الياباني الأصلي المهم العفشجب خرطهملي وركبهم وبعدين من شهر تقريبا في صوت وخربطه تحت جامد مع العلم اني مغير الكبالن والمساعدين من شهرين تقريبا رحت عند واحد هنا فالهرم عشان اكشف عليه بعتني عليه الميكانيكي الي لسا انا بقيت اصلح عندو قريب قالي العفشجي انه المقصات لازم تتغير بس عشان مكدبش خبر لأني الصراحه حسيت انه الراجل مش قد كده فالموضوع رجعت للعفشجي الي بعمل عندو قالي بص يا حبيبي دي الجلب باظت تاني ولازم يا تجيب الأصلي ونركبهم قلتلو احنا مش جربنا ومنفعش قالي لازم ينفع المرادي وانلاقي الي يركب او تغير المقصين وخلاص هوا انا لو جيب المقصين هيكون معاهم جلب ولا لأ؟ وبعدين انا شفت اسعار فموضوع كده الواحد ب150 يعني لتنين 300 انتا ايه رايك اغير وخلاص ولا اكشف عند واحد بيفهم وياريت لو تعرف انتا واحد بيفهم قولي هوا وميكانيكي عشان انا عايز ناس بتفهم وانضيفه ومش غاليه عشان العفشجي ده شبب من الأسباب عايز اغيره عشان هوا طمعان وغالي
أنا تحت أمرك،وعلى العموم مش مشكله اوى ان يكون العفشجى طماع ماديا بس اهم حاجه يكون بيفهممممممممممممممممممممم ممم،وده نادر دلوقتى فى الزمن ده.
انا عندى ميكانيكى ماشاء الله عليه بيفهم جداااااا واسعارة حلوة جداااا وانا عرفته من قريب علشان الميكانيكى القديم الى كنت بتعامل معاة والاسرة كلها بيتعملوة معاة كان غالى ومابيفهمش اى حاجه.
فربنا كرمنى بالشخص ده والله.
وهو كمان بيفهم فى العفشه كويس،وكمان فى واحد جمبيه بتاع عفشه بس غالى شويه بس بيفهم جدا جربته مرة واحده قبل ما اتعرف على الميكانيكى الجديد.
ان شاء الله خير ممكن نضبط الموضوع ده يوم الجمعه الجايه،وبالفعل انا معايا سويفت على قد الحال.
وياريت أتشرف بمكلمتك علشان نتفق لو فى خير.
طيب ممكن تديني عنوان الناس دي عشاناعدي عليهم عشان عايز يكشفولي على شوية عشان اعرف هروح اشتريها ولا لأو انا الصراحه معرفش ممكن اعدي عليهم ايمتا عشان انا الصراحه عندي جامعه وشغل و فترات كتير بروح انام او ممكن انزل اقدي حاجه فموضوع الوقت متلغبط عندي والحاجه التانيه انا شبب تغيري من الميكانيكي الأولاني لواحد دجلوقتي فالهرم عشان الأولاني كان فسيده زينب هوا جمب العفشجي وهوا مشالله عليه مش بيهم حاجه او ممكن انا لاحظت كده والله اعلم فبدور على ميكانيكي فؤقت انا مع ده الي فالهرم بس انا دلوقتي داخل على حاجات زي سير الدينامو بيصفر بقا كتير والصوت ده بيقتلني فانا عايز اشفلو حل او اغيرو احسن وبرضو بتاع الكتينه وعايز اشوف التيل لو عايز يتغير عشان الديركسيو بيرعش لما بفرمل انا عارف ممكن يكون طمبوره ده لو اسمها كده بس انا كانت عندي المشكله دي قبل مغير التيل الاولاني وراحت ورجعت تاني اهو وبالمره اكشف على الطنابير برضو والعفشجي هيغيرلي المقصات ويكشفلي عالكبالن مالها عشان حاس انها مش مزبوطه فانا هعدي عليهم اخد منهم موعد عشان لما اجي مقعدش استنا وكده عشان عايز لما اجي يبدا على طول
الحمدلله خلاص غيرتهم الميكانيكي خد 60 مصنعيه عشان غير سير الكتينه والسير الدينامو والتكييف وغيرلي الدنابير وركب تيل جديد
بس هل ده حلو ؟