أنا ساكن فى المعادى ممكن حد يوصفلى أروح ازاى ملاهى السندباد بالعربية ؟؟؟ :k38:
عرض للطباعة
أنا ساكن فى المعادى ممكن حد يوصفلى أروح ازاى ملاهى السندباد بالعربية ؟؟؟ :k38:
ايه يا جماعة ميش حد قاهرى!!!!
هى فى طريق جسر السويس
يعنى تاخد صلاح سالم على طول توصل كوبرى القبه تدخل جسر السويس لحد ماتوصل السندباد
بس ياترى هى لسه شغاله لدلوقتى
انا اصلى ماروحتهاش من سنين طويله
خد طريق الاتوستراد من المعادى لغاية اخره خالص هاتوصل للكلية الحربية و كمل الطريق هتلاقى المطار على يمينك اوصل لاخر سور المطار هاتلاقى السندباد على شمالك .
هى لسه شغالة بس مواعيدها بدرى شوية
أنا بصراحه متأسف مش عارف الطريق .. بس انا الى أعرفه إنها لسه شغاله و أنا كنت فيها يوم الجمعه الى فات .. و الالعاب هناك مش حلوه أوى .. بس الديسكو جامد .
الطريق الي اعرفه
تطلع الدائري من المعادي وتنزل مدينه نصر
وتاخد الاوتوستراد بتاع شيراتون لاخره (الاوتوستراد ده الشارع الي بيعدي على اول عباس واول مكرم والكلام ده كله)
بعد ما توصل شيراتون تدخل يمين وهتلاقي 3 مداخل
تحت كوبري يمين ومطلع الكوبري وتحت الكوبري شمال
حضرتك تاخد تحت الكوبري شمال
وتمشي شويه هتلاقي السندباد على الشمال
حضرتك هتاخد طريق الأوتوستراد لحد اخره عند المطار
واول ما تخلص الطريق ده هتلاقي بنزينه كالتكس علي يمينك
الطريق هيكون اجباري يمين
هتدخل يمين عادي بس تخليك في الجنب الشمال لأنك هتكمل علي طول مع شريط الترام
هتفضل ماشي حوالي كيلو
وهتلاقي داخله اجباري يمين
هتدخل يمين مع سور المطار هتلاقيها علي ايدك الشمال وهتفضل ماشي كيلو
ومن اول فتحه تلف وترجع تلاقي نفسك قدام السندباد
انا هقول اللى اعرفه بس مش متأكد
حضرتك هتاخد الدائرى المتجه لمدينة السلام لحد اخره
وبعدين خليك يمين عشان هتنزل يمين (اوعه تاخد النفق)
هتفضل ماشى شويه هتلاقى كوبرى ــ مش عارف اسمه ايه بصراحه ـ المهم هتطلعه وتنزل تفضل ماشى شويه هتلاقى الطريق اتقسم يمين وشمال
هتاخد شمال تفضل ماشى شويه كتير بس مش اوى هتلاقيها على يمينك..
هو ده الطريق اللى اعرفه ويا ريت لو فيه حاجه غلط حد يقول احسن الراجل يتوه
انا مش هضيف حاجه ااكتر من اللي قالوها الاعضاء
فعلا صحيح
لو هتيجي من الدائري بتاع السلام يبقى هتلاقي على يمينك بعد كوبري الحرفيين بحوالي كيلو متر واحد تقريبا
ولو كنت هتيجي صلاح سالم عند الكليه الحربيه اطلع الكوبري واول نزله شمال انزلها وخليك مع الطريق هتلاقيها على شمالك وتاخد يو تيرن وترجع ولو من الاتوستراد هتفضل ماشي مع الطريق علطول لحد الكليه الحربيه بردو بس متطلعش كبري ولا تدخل طريق المطار وبعد كدا بردو مع الطريق وهتلاقيه على شمالك وتاخد يوتيرن وترجع
وشكرا