اوعى حد يمشى يمين نقل تقيل ليحصله اللى حصلى

**pro_samir** · 19-03-2009 04:51 AM

انا لسة من ساعة شايف موقف على الطريق الزراعى زى بتاعك دة بس على أنيل

طبعا السرعة أعلى يعنى على الأقل ماشيين 100

قدامى فى الحارة الشمال خالص تريلا والحارة اليمين نص نقل

وفى النص واحد بعربية فيرنا بيعدى ما بينهم والطريق واسع والدنيا عادى

الباشا بتاع الفيرنا هوا اللى قفل على التريلا وهوا جنبة وبتاع التريلا عمال يديلة سرينة ودة مفيش ريح علية ترييحة سودا زى ميكون كان بيغير الحارة بتاعتة ومش شايفة !!! مع ان الجرار نفسة بتاع التريلا جنبة مباشرة المسافة بينهم متر تقريبا

طبعا قفل على التريلا مرة واحدة اكصدام التريلا بالجزء اللى قدام العجلة دة دخل فى باب السواق بتاع الفيرنا بالمراية

انا اصلا شايف الموقف من بدايتة وهوا بيحصل وقلت انا هشوف حادثة بشعة وفرملت خالص وشغلت الفليشر ومستنى

انا قلت اقل واجب بتاع التريلة هيشوطة من نصف العربية الخلفى والفيرنا هتلف حوالين نفسها وتتقلب قدامة ويشوطها و و

بس الحمد لله ربنا ستر و الراجل اتطوح مرة واحدة يمين وبعدين لم نفسة قبل ما يخبط فى النص نقل وجنب العربية اتشلفط طبعا

من ستر ربنا انة قفل علية بدرى والخبطة جت فى نص العربية الأمامى لأن لو الخلفى طبعا كانت لفت حوالين نفسها زى ما حصل مع حضرتك مع فارق السرعة كمان كانت هتبقى مصيبة

والحمد لله ربنا سترها على كدة

**pro_samir** · 19-03-2009 04:57 AM

بس على فكرة مينفعش اصلا متعديش من يمين اى عربية لأنهم زى ما قلت كدة مثلا كان ماشى شمال خالص فمستحيل متعديش من اليمين

أهم حاجة تنبهة من قبل ما تدخل جنبة اصلا كلاكسات أو نور بالليل يبقى احسن سواء بتعدى من يمينة ولا من شمالة

ومفتكرش يعنى انة مش بيكون شايف فعلا زى ما حضرتك بتقول لأن بقولك دة كان جنبة مباشرة مش بارز قدامة ولا حاجة ومع ذلك كان شايفة وهوا بيريح علية وعمال يديلة سرينة وبتاع الفيرنا هوا اللى كان مضيع

خصوصا موقف حضرتك انت كنت عديت و بقيت قدامة اصلا مش جنبة بس

**pro_samir** · 19-03-2009 05:52 AM

دة اساسى طبعا ولازم تبقى شايف هوا فى قدامة او فى يمينة حاجة مثلا ولا لأ لأن لو فى هيضطر يقفل عليك
يعنى لما يديلك اشارة انة هيقفل عليك دى مفيهاش هزار لأنة لو فرمل مستحيل هيقف وبالتالى أول اختيار عندة انة يضحى بحضرتك