اوعى حد يمشى يمين نقل تقيل ليحصله اللى حصلى

**Karim_Monir** · 19-03-2009 01:41 PM

كنت كتبت عن حادثة ليا هنا من اكتر من سنتين وشبيهة جدا بحادثتك دي
نفس الحوار جيت في يمين تريلا وبحاول اطلع منه رمى عليا عند الباب الخلفى للاكسيل وعدل العربية قدامة وبقت بتتزق بالاربع عجلات بالعرض
والعجل بيكت في الاسفلت وعمل دخنة جامدة والبابان بتتعجن عليا جوة العربية
الحمد لله ربنا ستر وكانت التلفيات فب العربية بس
ولما طلعت ابهدل اللي جابوة قاللي اقعد مكاني
قعدت مكانة لقيت ان المنطقة دي عندة عامية
عشان كدة في التريلات الحديثة تلاقي مرايتين صغيرين
واحدة في اتجاة الاكصدام
وواحدة مايلة لتحت في اتجاة الباب اللي جنبة
لان المراية اللي على الجنب اليمين مش بتجيب غير من بعد راس التريلا لحد اخر العربية
وكانت زمان دي مهمة التباع انه يقولوة خد بالك من الل يجنبك
نام التباع يريح على اللي جنبة وش

قدر الله وما شاء فعل وحمدا لله على سلامتك

**zeyad1810** · 19-03-2009 02:52 PM

حمدا للة على السلامة
وطالما انك مش غلطان يبقى ماتسيبش حقك

**أشرف فتحى** · 19-03-2009 02:58 PM

على فكره موضوع المحضر ده زى قلته
استعوض ربنا والحمد لله على سلامتك
السواق عارف كويس انك مش هاتقدر تأخد من المحضر ولا حق ولا باطل
كان الافضل تتفاهم معاه ودى

**د.محمد** · 19-03-2009 05:18 PM

حمدا لله علي سلامتك

**A_A_ELAZIZ** · 19-03-2009 05:53 PM

الف سلامة عليك والحمد لله انها جت على كده بس في اعتقادي انت عملت الى اي حد ممكن يعمله لو في مكانك .
واحب اضيف حاجة للسادة الأعضاء لو عربيتك لاقدر الله اتخبطت متحركهاش ان لو حتى الشارع كله واقف علشان لو في محضر يشوفوا منين الى غلطان ومحدش يقعد يفتى ويقلك اصى انت وانت والملاكي دول محدش بيفهم وكده يعنى واعتقد ان السيد العضو شاف ده بنفسة واسف على الإطاله

**himatros** · 19-03-2009 06:17 PM

احمد ربنا اوي وصلي ركعتين شكر لسلامتك

**zalpany2000** · 19-03-2009 08:17 PM

طبعا أولا حمد الله علي سلامتك و جت سليمة
انا بس هاخد من كلام حضرتك اقتباس

لكن حينما كان معى السائق فى سيارتى وكلمته واخذ يكلمنى عن هذه السيارة وعن الحادثة فعرفت الاتى.
ان السائق لا يرى يمين سيارته فى الجزء اسفل الكابينة مطلقا.
وانا لما كنت بجواره تحت الكابينة بتاعته لم يرانى وحاول ان يدخل يمين الطريق حتى يدخل الى شارع بورسعيد.
ولما لم يرانى دخل يمين وطيرنى.
فحينما عرفت هذا الامر احببت ان احذر اخوانى هنا فى المنتدى الا يسيروا ابدا يمين هذه السيارات.

خدوا بالكم يا جماعة فعلا و احسبو لسواقين النقل التقيل دي ان العربية اللي تحت الكابينة بتاعته مش بيشوفها و ده منطقي جدا
خصوصا لو كانت العربية ببوز زي السكانيا و الماجروس، يمكن العيب ده قليل في المرسيدس

و ربنا يسلم طريق الجميع
تحياتي

**zalpany2000** · 19-03-2009 08:19 PM

ان ما اخدتش بالي ان استاذ كريم منير سبقني لنفس النقطة
اسف للتكرار
تحياتي

**khaledazizeg** · 19-03-2009 08:47 PM

حمدالله على سلامتك المهم انك بخير
انا حصلى من يومين موقف مشابه تقريبا
انا كنت راجع من الكلية تعبان جدا وهيا فى طريق مصر الاسماعيلية الصحراوى وكنت ماشى على اليمين خالص ومشغل الانتظار وماشى على سرعة 40 كم\س
المهم لاقيت عربية تريلة بمقطورة جاية من ورا بسرعة جامدة جدا وأنا على اليمين خالص
بعد كدة البية طلع من شمالى وزنق عليا والكوتش بتاعه تقريبا كان قرب يفرمنى بس الحمد لله شديت بالعربية جامد ودخلت فى الصحراء وهربت منه والحمدلله العربية ساعدتنى وربنا ستر

ربنا يستر طريقنا كلنا

الموضوع: اوعى حد يمشى يمين نقل تقيل ليحصله اللى حصلى

LinkBack

أدوات الموضوع

عرض

-

-

-

-

-

المواضيع المتشابهه

المرايا اليمين اتكسرت........اللى يمشى ورا العيال...!!

انا هاتجنن من اللى حصلى النهاردة

عايز رأيكو يا اخوانى فى اللى حصلى النهارده !

ارجوكم حد يفهمنى ايه اللى حصلى دة؟

انا زهقت اللى يمشى ورا كبلم الناس مش هيعمل حاجة

الكلمات الدلالية لهذا الموضوع

المفضلات

المفضلات

ضوابط المشاركة