الموضوع: اوعى حد يمشى يمين نقل تقيل ليحصله اللى حصلى

السلام عليكم ورحمة الله وبركاته
اهلا بكم يا شباب المنتدى الجميل
اعتذر عن عدم مشاركتى من فترة بسبب ظروف الشغل المرهقة
لكن اليوم حصل لى حادثة فاحببت ان احذر الاخوة والاخوات حتى لا يحدث لهم مثل ما حدث معى اليوم.
الساعة الثانية عشر والربع تقريبا
المكان :الشارع المؤدى الى شارع السواح وشارع بورسعيد والذى يقع فيه نقطة شرطة الاميرية وشركة بونبون سيما بشبرا.
الجو هادى جدا مشمس وجميل ومستمتع بالقيادة فى ظل هدوء الشوراع وعدم الازدحام.
المح على بعد 200 متر تريلا بمقطورة تابعة لشركة بترول تحمل اسطونتان كبيركبيرتان افقية ومكتوب عليها مواد ملتهبة.
هذه السيارة كانت تسير فى وسط الطريق وتمر العربات عن يمينها وعن شمالها.
فاختارت ان امر من اليمين لانه اهدى وانا بعد كده سوف ادخل الى يمين الطريق فاليمين افضل.
حقيقة العربة مرعبة جدا والمرور بجوارها مخيف.
لكن لابد من المرور كما مرت السيارات التى امامى وانا اسير فى نفس طريقها بالظبط.وبالفعل اصبحت بجوار السيارة وسمعت اصوات مزعجة جدا من تخبيط ورزع وبالفعل اسرعت وازد من سرعتى لامر سريعا من هذه العربة المخيفة وبالفعل اخذت طريقا مستقيما حتى انتهى من المرور.
وفعلا خرجت من هذه العربة كما اعتقدت انا خطأ.
لكن فى اقل من لحظتين سمعت صوت اصطدام وللاسف كان هذا الاصطدام لسيارتى وللاسف الاشد ان العربية اللى صدمتنى هى سيارة المواد الملتهبة ولا حول ولا قوة الا بالله.
لن اقول الا ان هذه السيارة قد لمستنى فقط باكصدامها الامامى فى مؤخرة الرفرف الايسر.
نتج عن هذا ان سيارتى لفت لفة 180 درجة حول سيارة المواد الملتهبة ليصبح وجه العربية فى عكس اتجاه الشارع تماما.
ولو ستر الله ولطفه لقابلنى سيارة اخرى لتشوطنى من الامام.
لكن الحمد لله الوقت كان هادى والسيارات كانت بعيدة او ان الجميع كان حذر من هذه السيارة وكان يسير بعيدا عنها.
فى الحقيقة عرفت ان الانسان فعلا ممكن ان يفارق الحياة فى لحظة والله وبدون اى مقدمات .
الناس نزلت من عربيتها والصنايعية فى الورش المحيطة جاءت لتتفرج على هذا المشهد من الفيلم الامريكى.
نزلت من العربية اعصابى لا استطيع ان اتمالكها من الصدمة وقف الشارع تماما الا من مرور سيارة سيارة بالعافية.
اتلم عليا الناس وقولى احمد ربنا ده انتا كنت خلاص.
قلت لهم الحمد لله
لكن اريد عمل محضر
ومش عارف بصراحة ليه بعض الناس يريدوا ان يخطئوا راكب الملاكى باى شكل ولازم يكون بتاع الملاكى ده هو اللى غلطان.
وان هذا السائق يعمل فى شركة ومسكين.
والكل حاول ان يقنعنى بان ربنا ستر والحمد لله وجت سليمة
لكن البعض الاخر ولكنهم قلة واعتقد انهم سائقين ملاكى شافوا الوقعة
اصروا ان سائق النقل اللى غلطان.
وبين الجذب والشد قطعت الطريق على الناس وقلت لازم اعمل محضر
اتصلت بالنجدة وحاول البعض من الصنايعية ان يفهمونى انه لن ياتى ابدا احد من النجدة الا اذا كان فيه حوداث.
طنشت كلام هؤلاء واصريت على المحضر.
وحقيقة يجب ان اوضحها بان المسالة ليست مسالة فلوس واصلاح
لكنى اريد ان اعاقب هذا السائق سواء عقاب مادى ام معنوى.
وليس معنى انى نجوت ان اروح وخلاص
لكن تخيلت ان شخص اخر وقع فى براثن استهتار هذا السائق وامثاله.
بعد عشر دقائق اتى امين شرطة محترم جدا من نقطة شرطة الاميرية.
شاف الحادثة وحاول السائق ان ينفى التهمة عنه
لكن قال له الامين هل فيه نقل يمشى فى وسط الشارع؟
هات الرخص
واخد الرخص وذهبنا الى نقطة الشرطة.
ما عرفته بعد ذلك ان هذه النقطة شاهدة على اربعة او خمسة حوادث تصادم يوميا فى هذا المكان.
وكثيرا ما يموت ناس وكثيرا ما تقع تصادمات فى هذه المنطقة.
قال امين الشرطة اه رايكم فى الصلح بدون محضر؟
قلت له انا موافق لا مشكلة فى الصلح وقلت من قبل لحضراتكم اننى لا اريد ان يمر الموقف مرور الكرام ,لكن اريد ايذاء هذا المستهتر ماديا او معنويا حتى يتقى الله فى خلق الله ولا يستكبر سيارته ويطيح فى خلق الله بها.
قال لى الامين عاوز كام؟
قلت له ر اعرف نروح للسمكرى بتاعى وهو اللى يقول.
وبالفعل حجز رخصه واخذته فى عربيتى وذهبنا الى السمكرى .
الخبطة كانت تطبيق فى الرفرف الايسر الخلفى وكسر الفانوس الايسر .
فقال السمكرى انتو الاتنين تتحمولا هذا فالسائق يتعمل الخبطة وانا اتحمل الفانوس.
ولكن عندما طلب السمكرى ثلاث مائة جنيه رفض سائق التريلا وقال نعمل محضر.
وبالفعل عملنا محضر واخذت رقمه.
لكن حينما كان معى السائق فى سيارتى وكلمته واخذ يكلمنى عن هذه السيارة وعن الحادثة فعرفت الاتى.
ان السائق لا يرى يمين سيارته فى الجزء اسفل الكابينة مطلقا.
وانا لما كنت بجواره تحت الكابينة بتاعته لم يرانى وحاول ان يدخل يمين الطريق حتى يدخل الى شارع بورسعيد.
ولما لم يرانى دخل يمين وطيرنى.
فحينما عرفت هذا الامر احببت ان احذر اخوانى هنا فى المنتدى الا يسيروا ابدا يمين هذه السيارات.
ملحوظة امين الشرطة قالى بشكل ودى ان انا سوف ادفع غرامة قدرها خمسين جنيه
لانى عديت من اليمين
قلت له انا عديت من المين فعلا وهو خطا
لكن خطئى ترتب على خطئه
لانه لو مسك هو يمينه لما عديت انا من اليمين ولما خبطنى.
عموما انا لست نادما على فعل المحضر حتى لو دفعت غرامة لن فى المقابل سوف يتاثر هذا السائق بفعلته عن طريق غرامة او لفت نظر من شركته او اى شئ اخر بما فيه عقاب وردع لامثاله وليتنا جميعا نفعل هذا
.
لو احد الشباب يقولى مكان حلو ارش فيه الرفرف بس لان السمكرى قالى لازم الرفرف مع البابين يترشوا علشان اللون
فلو حد يعرف مكان محترم ارش فيه الرفرف فقط بنفس اللون يعنى رش كمبيوتر عن طريق مكن خلط الوان
لان فيه ورش تكتب خلط الوان بالكمبيوتر وبعدين الاقى واحد عمال يعك فى الوان ويطلع لون بعيد خالص عن المطلوب
شكرا ليكم يا شباب وربنا يحفظنا جميعا

الف حمدللع على سلامتك
بس انا قبل كدا كنت على طريق السويس
وكانت بعادى من على شمال تريلا
وخلاص داخل هعدى لقيت التريلا بتفرمل بسيط وعامله تتهز من وراء
طبعا قلبى واقع ومسكت فرامل والحمدلله ربنا ستر
طبعا الاعمار بتاعت ربنا سبحانه وتعالى بس الواحد لازم ياخد برضوا بالاسباب
و كدا بردوا الشمال غلط والليمين برودا غلط يبقا الواحد يعمل ايه ؟