إيه المفروض اعمله عشان ارجع الرخص واجدد وانقل ملكية؟

**ahm3d ham>ed** · 19-03-2009 04:21 AM

امبارح الساعة 2بليل فى شارع الهرم امام الشبراوى كنت راكن صف تانى ابص الاقى كتيبة جية علية عشان راكن صف تانى 5 متوسيكلات وعربية اوكتافيا وكلهم ظباط المهم قالى بقى دى ركنة هات الرخص اديتة الرخص لاقيتة خد الرخصتين ومشى وقالى تعالى شارع العريش روحت شارع العريش قالى انت عندك مخالفتين واحدة صف تانى ووحدة انتهاء رخصة السير قولتلة اية مالها رخصة السير قالى منتهية بقالها اسبوع قلتلة دى هتنتهى فى شهر 6 قالى صباح الفل الرخصه منتهية بقالها اسبوع ابص فى الرخصة الاقيها انتهاء 3-3-2009 اتصدمت انا من ساعت ما اشتريت العربية وانا فاكر انها فى شهر 6
لاقيتة سحب الرخصتين وادانى وصل بيهم وقالى روح المرور بعد اسبوع ولو مالقتش الرخص هيمدولك الوصل اسبوعين كمان
انا بقى مش عارف اعمل اية اولا العربية مش باسمى بتوكيل عام بيع وشراء يعنى بتاعتى
فا اناا عايز اعرف اية الى مفروض اعمله عشان ارجع الرخص واجدد وانقل ملكية؟
وكل ما اسئل حد يقولى معاك ربنا عيش ايامك
بس نفسي اعرف ازاى الموضوع بتاع انتهاء الرخصة دة حصل؟

**Terrible_DaRsH** · 19-03-2009 05:04 AM

هو بيبقي فى فترة سماح فى موضوع انتهاء الرخصة ده...

بس عموما عادى جدا .

هتروح المرور وهتدفع المخالفات وتجدد الرخصة وتتكتب باسمك وتروح ..

بس اعمل حسابك انك هتقعد طول اليوم هناك ..

**ahm3d ham>ed** · 19-03-2009 12:44 PM

اعمل اية؟
الحقونى

**ahm3d ham>ed** · 19-03-2009 06:45 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**ابو سيف** · 19-03-2009 06:59 PM

ايه التهريج دا؟!!! في مهله شهر تقريبا من تاريخ انتهاء الرخصه !! على ما اذكر بتكون شهر على الرخصه و اسبوع على التصريح المؤقت

عموما الموضوع بسيط هتاخد الرخص بالوصل بعد دفع المخالفات و بعدين تجدد و تنقل ملكيه