Citoren C4 ( نعم ام لا ) السوال المحير جدا؟؟؟؟؟اى حد يساعد

انا ناوى ان شاء الله اشترى عربية ولازم تكون (((( مانيوال ))) لانى بحب العادة
على شهر 7 او 8 لما اخلص الكلية ان شاء الله .. الحمد لله انا مستقر على امبريزا 2007 الشكل الحالى
او لانسر 2008 لو نزلت فى الوقت ده بسعر حلو .........
*
لكن بصراحة اكتر عربية عجبتنى فى الفرجة كانت
c4
رغم انى بكره العربيات الهاتشباك .
لكن العربية تحفة وكان سعرها 125000 مانيوال كاملة .....وهى فرنساوى 100% غير الميجان التركى
*والكماليات تحفة من دركسيون متعدد الامكانيات والازرار ومثبت السرعة والتكييف الديجيتال الاوتوماتيك المنفصل جزءين و 6 اكياس هواء وحاجات تانية كتير
زى الزجاج بطبقتين عازلة وكذلك الباب . وشكل وهم خاصة الكشاف الغالى اللى فيه عدسات و زينون ( 1500 جنيه وهو اختيارى )
يعنى كماليات مش موجودة فى اى عربية مانيوال بالسعر ده فى مصر ......بس المشكلة الوحيدة سمعة التوكيل ؟!!!؟!؟!


ياريت الردود حول c4 تكون من ناس مجربة التوكيل او العربية نفسها ....*

نصيحة :) ستروين ماليانه حاجات هــاى تــك أوى و بيكون صعب أوى على الوكيل بإمكانيات أقل من البفارية مثلا إنه يشتغل فيها و أى قطعه فيها سعرها أد كده ... نصيحة إبعد عنها تكسب

الإمبريزا هاتركب ركوبة محترمة بجد :)

الفرنساوي قطع غيار باليورو وبالتالي غاليه جدا مقارنة بالأسيوي
والعربيه فيها الكترونيك كتير وليست من العربيات التي لها سعر اعادة بيع والمشكلة الصغيره مش هن السهل ان التوكيل يعرف يحلها وممكن ساعتها تلاقيه بيقولك هنجيب القطعة دي من فرنسا بـ 5 او 10 الاف جنيه بس

حاول تبعد عن الستروين قطع غيارها غالية موووووووووووووووووووووووو وووت :mrgreen:

يا ساتر ...:( ولا واحد شكر في التوكيل...وده نفس الكلام اللى سمعته كتير عربية تحفة بس توكيل :(!؟ خسارة

امبريزا بقى ان شاء الله

IMPREZA IMPREZA :)

كل صحابى الى جابو ستروين بمختلف انواعها اشتكوا من اسعار قطع الغيار و التوكيل الاحسن انك تبعد عنها