كل يوم نكتة ,نكت متجددة !!!

**fahd_628** · 08-09-2007 05:17 AM

تغريد الطيور ههههههههههههه :D :D او تنين

امن دولة برضة

**Powert** · 08-09-2007 01:13 PM

وانا برضة بطالب بمترجم علشان مش فاهم حاجة في الخليجي ده ؟ :D

طائر بيبدأ بحرف التاء هو "تعلب" :roll:

**Powert** · 08-09-2007 01:21 PM

نكت اليوم :mrgreen:

واحد راح جنينة الحيوانات حط دماغه جوة قفص الأسد..
الحارس قاله ايه ده يا مجنون
قاله خلاص ياعم احنا حناكله :shock:

واحد بيقول لمراته عاوز النهاردة حاجة رومانسية
قالتله يعني ايه رومانسية
قاللها مش عارف بس احتياطي انقعي الرز :mrgreen:

واحد ماشي في الشارع بيقول الله يخربيتك يا سمير
أمين شرطة ضربه على قفاه و قاله و كمان مش عارف اسم الريس يا ابن الكلب :mrgreen:

كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟ :mrgreen:

كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة (صلي ع النبي) و قال
هيلا هيلا بص ع الحيطة :mrgreen:

واحد داست عليه عربية سيات مات م الضحك :mrgreen:

**Nader** · 08-09-2007 11:49 PM

قول يا نادر عاوز تترجم ايه

كتيـر

1 صدق ان أمي ميب

صاحية .. مقومه أخوي .. تحسبه أنا !

الهيئة يتهاوشون مع سكران .. هم يقولون أركب ورى ..

وهو يقول : لا أنا أبسوق !

2 أعمى يسكر مع شباب ، يوم داخ قام يبي يسري

3- نسبة السعودة

4 وخروا وخروا يبي يرجع ريوس

:shock: :shock: :shock: :shock:

والحساب عند باورت يوم الحساب.

**Nader** · 09-09-2007 12:17 AM

ياااااااااااااااااااااااا اااااة، افادكم الله يا تربو :) ، انا هبقى اتفرج على برامج خليجي كتير علشان اتثقف واتعلم لغة :) علشان افهم الكلام دة. يبي يبي .... انا يبي اشكرك يا تربو :mrgreen:

**Powert** · 09-09-2007 10:03 AM

مرة واحد بخيل نايم على سريره و بيموت
و بيقول "كريم..إنت فين يا كريم؟" إبنه قال له "أنا هنا يا بابا"، فقال "و هاني فين؟" إبنه التاني

قال له و هو بيعيط "أنا هنا يا بابا" فقال لهم "إنتو الاتنين هنا و سايبين نور الصالة قايد؟!"

مرة واحد صعيدي عالم بيعمل تجربة علي ضفدعة، قام قطع الرجل الأولى و قال لها "نطي"

فنطت، فكتب ملاحظة "عند قطع الرجل الأولى للضفدعة فإنها تنط". قطع الرجل التانية

و قال لها "نطي" فنطت، كتب ملاحظة "عند قطع الرجل الثانية للضفدعة فإنها تنط". قطع الرجل التالتة

و قال لها "نطي" ما نطتش فكتب ملاحظة "عند قطع الرجل الرابعة للضفدعة فإنها تفقد حاسة السمع".

مرة اتنين بلدياتنا في الجيش فالصول بيسأل الأول: "إيه ده؟" قال له: "البندجية يا افندم"،

قال له: "لأ دي وطنك دي أمك"، فراح للعسكري التاني قال له: "ايه دي؟" قال له: "دي أم هريدي يا افندم"

بخيل سألوه "لو كنت بردان تعمل إيه؟" قال "أقرب من الدفاية"، قالوا له "و لو زاد البرد؟"

قال "أقرب أكتر"، قالوا له "و لو زاد البرد أكتر و أكتر؟"، قال "أقرب أكتر و أكتر"،

قالوا "و إذا البرد زاد أكتر و أكتر و أكتر؟" فقعد يفكر شوية و قال لهم "أشغل الدفاية"

واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور

قال له "المشكلة دي عندك من إمتى؟" قال له "مشكلة إيه؟"

مرة واحد صاحب مزرعة دخل ف يوم عشة الفراخ لقى ولا فرخة بايضة الرجال اتجنن،

قام ماسك فرخة و مديها بالبونيات و ناتف ريشها و بعدين دبحها، و قال للفراخ "شايفين؟

اللي مش هتبيض بكرة هيحصل لها كده" الراجل جه تاني يوم يشيل كل فرخة يلاقي تحتيها

قفص بيض، "خمس بيضات..ست بيضات..عشر بيضات..بيضة..إيه؟ بيضة واحدة!"

مد إيده يخنق الفرخة لقاها بتقول له "إرحمني..أنا دييييييييك!"

واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30

عشان عندي شغل" و حط الورقة على السرير و نام صحي الساعة 10:00 فلقى ورقة

مكتوب عليها "الساعة 6:30 يلا اصحى"

واحد نزل الصبح مستعجل وبعد ما نزل افتكر انه نسى نضارة الشمس والمنديل،

فنادى علي مراته وقالها: ارمي النضارة والمنديل، فرمت مراته النضارة فانكسرت،

فقال لها: خلي المنديل انا طالع اخذه.

قابلت مذيعة اتنين مساطيل سالت الأول : مصر بالنسبة لك ايه؟ فقال: مصر دى امى،

بعدين قألت للتاني: :وانت مصر بالنسبة لك ايه؟ قال:ما قدرش اتكلم عن أم واحد صاحبي.

واحد محشش قاعد مع صحابه و بيحكي لهم: انا مره طلع لى اسد و كان فى ايدى كباية ميه رميته

بيها،الأسد طلع يجرى رد عليه واحد من اللى قاعدين قاله صح انا قابلت نفس الأسد ضربته بالقلم ايدى اتبلت. :mrgreen:

**Powert** · 09-09-2007 10:30 AM

لا.. دا واحد خليجى بيكح

كل دي كحة

امال لما يموت هيعمل اية :D

تامر مذكر وطائر مؤنث شوف حد تاني ممكن نمشيها ابراهيم :mrgreen:

-

-

-

الموضوع: كل يوم نكتة ,نكت متجددة !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

ابحــث في الصورة ....... فوازير وببلاش هههههههه (متجددة)

لهذا أحببت البرادعي...خواطر شخصية متجددة

خد نكتة وهات نكتة

مكتبة الفيديو ـ روائع البيتل ... متجددة دائما

مكتبة صور VW Beetles ( متجددة )

الكلمات الدلالية لهذا الموضوع

المفضلات

المفضلات

ضوابط المشاركة