احذروا من سيارات أوكتافيا استيشن زرقاء فى الهرم وفيصل

**فادى** · 19-03-2009 04:17 PM

سؤال محير بجد لماذا نحن كمصريين نكون شديدي الإلتزام خارج البلد وأسواء ما يكون داخلها ؟؟؟

مفيش دولة فى العالم بتحبس المخالفين لقانون المرور,
و المدينة التى تطبق فيها قوانين المرور كلها دى يوتوبيا لا توجد على وجه الأرض,
فى كل دول العالم تخرق قوانين المرور يوميا و كل بلد فيها اللى بيمشى عكسى و اللى بيكسر اشارة و اللى بيركن فى الممنوع.
احدى المعتقدات الشائعة صعبة التصحيح: "اننا الدولة الوحيدة التى لا يحترم فيها الناس قوانين المرور".
خطأ, كل الدول فيها نسبة كبيرة لا يلتزمون بقوانين المرور.

**د.محمد** · 19-03-2009 05:12 PM

جزاك الله خيرا

**tutankhamoun** · 19-03-2009 05:18 PM

المشاركة الأصلية كتبت بواسطة فادى

مفيش دولة فى العالم بتحبس المخالفين لقانون المرور,
و المدينة التى تطبق فيها قوانين المرور كلها دى يوتوبيا لا توجد على وجه الأرض,
فى كل دول العالم تخرق قوانين المرور يوميا و كل بلد فيها اللى بيمشى عكسى و اللى بيكسر اشارة و اللى بيركن فى الممنوع.
احدى المعتقدات الشائعة صعبة التصحيح: "اننا الدولة الوحيدة التى لا يحترم فيها الناس قوانين المرور".
خطأ, كل الدول فيها نسبة كبيرة لا يلتزمون بقوانين المرور.

في انجلترا فيه حبس و غرامة بتوصل 5000 جنيه استرليني للسير العكسي .
و في دول كثيرة زي كندا تجاوز السرعة بحد معين بيكسروا العربية و يأخدو رخصة السواق و يلغوها و يتحبس كام يوم في السجن .

**tutankhamoun** · 19-03-2009 05:32 PM

بالمناسبة يا باشمهندس فادي .
أنا ما شفتش حد في انجلترا مثلا بيخرق القانون .... مع أن مثلا الشوارع الداخلية كلها مفيهاش أي نوع من الرقابة و لكن الكل ماشي ملتزم علشان عارفين ان الالتزام ده بيعود عليهم فايدة كبيرة جدا و هي انتظام الوقت و تقليل الحوادث .

و مع ذلك .... مش عارف ليه تصرفك سلبي كدا ؟؟؟ ده أنا بحترم معلوماتك الميكانيكية جدا ....ياريت تراجع نفسك في موضوع مخالفة النظم و القواعد خصوصا نكاية في الحكومة
لأن الحكومة قاعدة في مكاتبها و مش هما المضرورين من المخالفات .... و لكن المضرور هو أنا و أنت لما واحد حقير يبقى ماشي عكسي في طريق سريع و يتسبب في حادثة ليك أو لحد قريبك أو حتى لمواطن مصري أخر لا تعرفه و لا يعرفك ...

يبقى النظام ... فايدة لينا أحنا ............ مش للحكومة

**Hosam_Optrawy** · 19-03-2009 05:43 PM

شكرا على التحذير
اصلا المفروض الواحد ياخد باله دايما ويمشى مظبوط عشان ميجيش حد ملوش لازمه يتكلم معاك

**horas3000** · 19-03-2009 06:31 PM

خلاصة الكلام

امشي عدل يحتار عدوك فيك

**RED_OCTOBER_IV** · 19-03-2009 06:40 PM

أولاً شكراً على التحذير

ثانياً .. فى مثل يبانى بيقول " لا تفعل فى الخفاء ما تخشى منه فى العلانيه " .. بس للأسف إحنا بنعمل زى " ولقد أسمعت لو ناديت حياً ولكن لا حياة لمن تنادى " ... يعنى تلاقى الواحد وهو داخل على الكمين يورح .. رابط الحزام .. أو حتى والله فى ناس بتحطه منظر كده بس ولا هى ربطاه ولا شيلاه من على صدرها قال يعنى فهلوى ... و طبق بقى المثال ده على كل قواعد المرور .. تلاقى قبل الكمين ب 100 متر .. كل واحد ..
1- يطفى السجارة
2- يربط الحزام
3- يوطى الكاسيت
4- ينزل الأزاز لو عليه ستيكر فيميه
5-يطفى نور الصالون
6- يطفى الزينون ويشغل النور الاصفر
7- يرمى الموبايل الى منزلوش من على ودنه طول الطريق فى الطابلوه ... طبعاً لحد ما يعدى من اللجنه .. أنت هتهزر ده بيكلم المزه .
8- يفتكر أنه مسلم .. وربنا يفتح عليه ويبتدى " بسم الله الرحمن الرحيم : فأغشيناهم فهم لا يبصرون "صدق الله العظيم .... لحد ما يعدى من اللجنه طبعاً ....

بس ليه كل ده يا جماعه هو ده السؤال ..
هل القانون ده معمول علشان سعادة الباشا الظابط يشوفك بتنفذه فى اللجنه ...

ولا معمول علشان يساعد فى الحفاظ على روحك وأروح كتير حواليك .
كل واحد يسأل نفسه السؤال ده .. وربنا يهدينا ويهدى ويهد أمناء الشرطه الى تقريباً بيتحدوا بعض مين يلم أكتر و مين يتمنظر على المواطنين أكتر .

وتحيه جمهورية مصر العربية