اجيب بيرسونا؟؟

**oamr** · 18-03-2009 08:24 PM

ومازال البحث جارى حتى الان
السلام عليكم ورحمة الله وبركاتة\ اعضاء المنتدى المحترمين هذة قصتى مع العربيات وارجو الافادة فى البداية انا ماركبتيش عربية قبل كده ولسه مطلع الرخصة 9\2\2009 بدات ابحث عن عربية مستعمله فى البداية سواء عن طريق الاهل او االزملاء او النت او الجرائد مثل جريدة الوسيط وفى هذا الخصوص شوفت عربيات كتيرة مثلا لادا وشاهين .......الخ وكل اللى كان بيعرضها بيقول عليها ممتازة وبيضرب بيها المثل وفى يوم شوفت عربية موجود اعلان لها فى جريدة الوسيط الاسكندرية كانت مركة كيا- ريو موديل 2003 وكان مكتوب فى الاعلان انها استخدام طبيبة وبعدين رحت شوفتها وفى المعاينة ظاهريا وجد ممتازة بالنسبة ليا وفى اليوم التانى اخد مكا نيكى معرفى ورحت اعينها وكشف عليها وبعدين لقها الجير بوكس كله زيت والعربية بالحله ديه قالى ابعد عنها اه نسيت اقولكم ان سعر العربية كان37الف وبسبب الموقف ده فى صديق ليه نصحنى بحكم خبرتة فى السيارات المستعملة قالى احسن اشترى عربية جديدة اوفر و احسن وبعد الاقتناع
بدات اشوف العربيات الجديدة ورحت المعارض وتوكيلا ت السيارت المهم لقيت البرسونا الفول ابوشن فيهاجميع الكماليات ممتا زه كمان فيها كماليات كتيرة اوى كانت معروضه فى معرض التوكيل الخاص بعز العرب وبالفحص الظاهرى للعربية من الخارج والداخل لقيتها ماية ماية وعند فتح الابواب وغلقها مفيش اى تزيق مثل ماسمعت الاخوة بيقوله والعربية زى الفول وكان سعرها 91.900الف
وده كمان قلب ما يعملو االخصم زى ماقوللى لو انا هدفع نقدى وعلى فكرة العربيات اللى فى نفس الفئة 1600سى سى وفيها نفس الكماليات سعرها فى السماء مرتفع جدا زى اليابانى والاروبى والاروبى تقفيل اسبانى ولا تتناسب مع اصحاب الدخل المعقول بلاش المتوسط اما العربيات الكورى فهيا لحد ما قريبة شوية مع اختلاف فى الكماليات طبعا
اما الصينى "حدث ولا حرج"
ولما قريت المكتوب النهاردة فى المنتدى بصراحه جبلى احباط انتو ايه رايكم فى العربيه بس راىء صريح بالنسبة ليه هل اشترى البرسونا وانا مطمن ولا اشوف حاجة تانية واسف على الاطاله ديه بس بجد يهمنى رايكم وارجو التواصل

**eng_mh1980** · 19-03-2009 01:51 PM

بس يا بشمهندس
انا معايا بيرسونا 2009 مانيوال والله زي الفل مفهاش اي حاجة ولو رجع بيه الزمن برضو حاشتريها
حتى الناس اللي عندها حبة مشاكل بسيطة برضو مبسوطة بالعربية جدا بدليل ان محدش فكر بيعها.

**MuhammedSoliman** · 19-03-2009 02:32 PM

ولا إحباط ولا حاجه ياباشا اتوكل على الله بس أنا معايا بصراح جين تو وانا عن نفسي يعنى بحب شكلها عن البرسونا بس فى الاخير همه تقريبا نسخه وحده اتوكل على الله وبص اي عربية هتشتريه هتلاقي اللى مع واللى ضد وبرضوا فى العربيات ده هتلاقي عيوب صغيره ممكن تتداوي بسهوله
تحياتى

**Ayman_52** · 19-03-2009 02:51 PM

حضرتك هتلاقى مواضيع كتيره هنا لاصحاب الجين2 والبيرسونا ..وهتلاقى فيها سواء العيوب اللى قابلوها او مميزاتها..

بس احب الفت انتباهك لحاجه.... حضرتك لازم تنزل تشوفها بعينك وتجربها....وبعد كده بتشوف

هل مميزات العربيه دى اللى فعلا كنت عاوزها؟؟؟

وهل عيوبها مش فارقه معاك؟؟؟

لو لقيت كفة مميزاتها اكبر...توكل على الله

وربنا يوفقك للخير ان شاء الله

**M.almaghraby** · 19-03-2009 03:43 PM

عربية جميلة جدا ماشاء الله يعني

**oamr** · 20-03-2009 09:36 PM

السلام عليكم ورحمة الله وبركاتة

اشكرا جميعا عن المشركات اللى طمنيتنى ديه وارجو ان تقبلونى كصديق وانا ان شاء الله فى طريقى ل شراء البرسونا بصراحه انا معجب بيها جدا بس فى حاجة تانية معجبتنيش فى شركة المصرية للسيا رات فى جرين بلازا انا والله روحت النهارده عشان اشوف العربية وديه مش اول زيارة وبسال واحد من المندوبين

راح قيلى بس هى عربية يعنى كويسة بس فيها مشاكل زى قطع الغيارمش متوفرة وغاليه جدا جدا ولو بتفكر تبعها هتخسر فيها اوى اوى زى النص او اكتر
يعنى يا جماعة بالذمه ده كلام بعكس عربيات تانية اعدوا يشكروا فيها وديه عربية زى الف ومش عارف ايه

بس انا الحمد لله نويت اشترى البرسونا الهاى لين

ولو حد يعرف حد شغال فى عز العرب يا ريت يبلغوا بالكلام ده
اسف على الاطاله

**khpopo** · 20-03-2009 11:07 PM

المشاركة الأصلية كتبت بواسطة oamr

السلام عليكم ورحمة الله وبركاتة

اشكرا جميعا عن المشركات اللى طمنيتنى ديه وارجو ان تقبلونى كصديق وانا ان شاء الله فى طريقى ل شراء البرسونا بصراحه انا معجب بيها جدا بس فى حاجة تانية معجبتنيش فى شركة المصرية للسيا رات فى جرين بلازا انا والله روحت النهارده عشان اشوف العربية وديه مش اول زيارة وبسال واحد من المندوبين

راح قيلى بس هى عربية يعنى كويسة بس فيها مشاكل زى قطع الغيارمش متوفرة وغاليه جدا جدا ولو بتفكر تبعها هتخسر فيها اوى اوى زى النص او اكتر
يعنى يا جماعة بالذمه ده كلام بعكس عربيات تانية اعدوا يشكروا فيها وديه عربية زى الف ومش عارف ايه

بس انا الحمد لله نويت اشترى البرسونا الهاى لين

ولو حد يعرف حد شغال فى عز العرب يا ريت يبلغوا بالكلام ده
اسف على الاطاله

ناس معندهاش زمة ولا ضمير ربنا يرحمنا زمان اول مانزلت مساعدين مونرو وكان عندى هيونداى ومحتاج اغير مساعدينها ولا ميكانيكى او محل قطع غيار يشكر لى فيها مع انها قوية حسب كلام المصنع وهتمسك الهيونداى شوية فى النط لكن مهمنيش وجبتهم ولغاية مابعت العربية كانوا زى الفل وادوالعربية شوية ثبات ودلوقتى الناس بتستعملها عادى :k38: مبرووك مقدما

ربنا يوفق

**M.almaghraby** · 21-03-2009 06:17 PM

المشاركة الأصلية كتبت بواسطة oamr

السلام عليكم ورحمة الله وبركاتة

اشكرا جميعا عن المشركات اللى طمنيتنى ديه وارجو ان تقبلونى كصديق وانا ان شاء الله فى طريقى ل شراء البرسونا بصراحه انا معجب بيها جدا بس فى حاجة تانية معجبتنيش فى شركة المصرية للسيا رات فى جرين بلازا انا والله روحت النهارده عشان اشوف العربية وديه مش اول زيارة وبسال واحد من المندوبين

راح قيلى بس هى عربية يعنى كويسة بس فيها مشاكل زى قطع الغيارمش متوفرة وغاليه جدا جدا ولو بتفكر تبعها هتخسر فيها اوى اوى زى النص او اكتر
يعنى يا جماعة بالذمه ده كلام بعكس عربيات تانية اعدوا يشكروا فيها وديه عربية زى الف ومش عارف ايه

بس انا الحمد لله نويت اشترى البرسونا الهاى لين

ولو حد يعرف حد شغال فى عز العرب يا ريت يبلغوا بالكلام ده
اسف على الاطاله

عارف يا باشا

انتا ممكن تاخد كلام مفيد من اي طفل اهبل هدومه مبهدلة و مقطعة و حاجة بؤس يعني.....
احسن ما تاخد كلان من اي حد شعال في المصرية دي

والله العظيم و عن تجربة ولا عارفين اي حاجة في اي شيء

نصابين جدا

اسعار غير الي مكتوبة في الجرنان

بيفتو فتييييييييييييييييييييييي مش ممكن

فا نصيحة ابعد عن راي دول بالذات............

ممكن يقنعوك ان الجيلي الجديدة مثلا ممتازة و احسن من الجالينا