المشاركة الأصلية كتبت بواسطة tamer_a7
الاخوه الاعزاء رواد المنتدي الكرام تحيه طيبه وبعد
لوحظ في الاونه الاخيره ان معظم المشاركات اصبحت الردود عليها قليله للغايه
واعتقد ان سبب ذالك يرجع الي بعض الاسعار الوهميه التي يتم وضعها ولا تتناسب مع سعر السوق ولا توب السيارات الان
يعني المعظم عايز يبيع بسعر زمان ويشتري بسعر دلواقتي
فعلا معادله صعبه ومضحكه في نفس الوقت
نفس فكرت المعارض تماما
يقعد يخفس بتمن عربيتك الارض ويحسسك انها مش ممكن تتباع ابدا ولا بعد مليون سنه ولو حتي فبريكه يطلع فيها القطط الفاطسه
وعلي الناحيه الاخري يعمل من العربيه اللي عنده مرسيدس شبح حتي لو بيبيع 126
علشان يرفع السعر
المهم ما اطولش عليكم عايز تبيع عربيتك اسال علي توب العربيه كام وخلي الناس تتمنها وتكون ناس امينه
علشان ما تكنش مجرد بتبيع لنفسك مش للناس
لان معظم الناس هنا بيعتبرو راجع سعر السوق دي اهانه
ويقول انا اشتريت العربيه دي بقد كده
الاسعااااااااااااار نزلت مش اشاعه للاسف دي حقيقه لازم نتعامل معاها كواقع ونتعايش مش نغمض عنينا ونلبس في الحيطه وربنا يوفق الجميع