صوت العربية عالي!!!

**ibmtop** · 19-03-2009 12:56 PM

السلام عليكم ورحمة الله وبركاتة

انا غيرت فلتر وزيت الموتور امبارح, لاحظت حاجة ان صوت العربية بقة عالي
مش عارف دي تهيؤات ولا لأ ؟؟؟

وشكرا

**khater87** · 19-03-2009 02:24 PM

خشونه في صوت الموتور يعني
ولا زي ماتكون دايس بنزين
في زياده في لفات الموتور يعني عند 1500 لفه مثلا يبقي العربيه عاوزه توطي (الموتور)شويه
لو لفات الموتور زي ماهي بس صوتها اخشن شويه او علي شويه ممكن يكون عمود الكامات حصل فيه تأكل
او التاكيهات عاوزه تتظبط

**khater87** · 19-03-2009 02:25 PM

بس اعتقد ان صوتها معلاش ولا حاجه ممكن يكون بيتهيألك علشان عملت ليها صيانه وكمان مكانش فيه اي مسبقات لاي خلل قبل كده

**shaky** · 19-03-2009 11:33 PM

بص ياجميل الصوت دة بسبب حاجة فى العربية اسمها الايدل idil ودة مسؤل عن كمية الهوا اللى داخلة الموتور مع البنزين روح لواحد يكون ثقة وخلية يظبط الهوا بمقدار 1 : 20 ونصيحة عليك والتوكيل عندهن جهاز كمبيوتر بيظبط الموتور كلة من غير فك ولايحزنون

**ibmtop** · 21-03-2009 10:25 AM

الصوت دة بسبب حاجة فى العربية اسمها الايدل idil ودة مسؤل عن كمية الهوا اللى داخلة الموتور مع البنزين روح لواحد يكون ثقة وخلية يظبط الهوا بمقدار 1 : 20

طيب اية الي خلي الصوت يبقي عالي بعد ماغيرت الزيت والفلتر
محدش لعب في حاجة, اية بقة الي اتغير؟؟

**battikh** · 21-03-2009 11:41 AM

مش عارف حاسس إن الأخ شاكي لا يمكن يخلو رد ليه من كلمة روح التوكيل، كلنا جربنا التوكيلات واللعب والاشتغالات اللي فيها، وبعدين عندنا في المنتدى ناس فاهمة وحافظة العربية صح ودايماً بيقدموا نصيحتهم من معرفة أسباب المشكلة وتشخيص المشكلة وبعدين بيقولي أعمل كذا أو روح لميكانيكي أو عفشجي أو سمكري أو اكشف بالكمبيوتر، لكن حكاية الرد السهل بتاع روح التوكيل بيلغي الفايدة العظيمة بتاعة منتدانا

**ibmtop** · 21-03-2009 12:01 PM

مش عارف حاسس إن الأخ شاكي لا يمكن يخلو رد ليه من كلمة روح التوكيل، كلنا جربنا التوكيلات واللعب والاشتغالات اللي فيها، وبعدين عندنا في المنتدى ناس فاهمة وحافظة العربية صح ودايماً بيقدموا نصيحتهم من معرفة أسباب المشكلة وتشخيص المشكلة وبعدين بيقولي أعمل كذا أو روح لميكانيكي أو عفشجي أو سمكري أو اكشف بالكمبيوتر، لكن حكاية الرد السهل بتاع روح التوكيل بيلغي الفايدة العظيمة بتاعة منتدانا

طيب الحل اية؟

**battikh** · 21-03-2009 12:27 PM

انتظر يا أخي الردود من الأخوة أصحاب الخبرة أمثال محمد ممدوح المهندس سمير عياد وغيرهم من الأعضاء.

**Sherif Khalifa** · 21-03-2009 01:26 PM

المشاركة الأصلية كتبت بواسطة shaky

بص ياجميل الصوت دة بسبب حاجة فى العربية اسمها الايدل idil ودة مسؤل عن كمية الهوا اللى داخلة الموتور مع البنزين روح لواحد يكون ثقة وخلية يظبط الهوا بمقدار 1 : 20 ونصيحة عليك والتوكيل عندهن جهاز كمبيوتر بيظبط الموتور كلة من غير فك ولايحزنون

معرفش لية حضرتك موصلنا فكرة ان التوكيل دا فى حاجات فوق الخيال
انا كمان ملاحظ ان كل مشاركات حضرتك بتنصح بالتوكيل

التوكيل الشغال فية صنعية برضو يعنى ممكن يقع حظك فى واحد فاهم و ممكن واحد مش فاهم و يخرب الدنيا و فى الاخر نفس النتيجة تكلفة الضعف

السكانر دا موجود فى كل حتة
و مفيش حاجة ابدا اسمها "جهاز كمبيوتر بيظبط الموتور كلة من غير فك "

يعنى بدخل انسان الى يصالح ما بداخل المتور و يطلع تانى ولا هيعمل اية بظبت !!!

و الايدل كنترول دا حاجة بتفتح و تقفل باشارة من ال ECU ازى هيظبت النسبة الى حضرتك ذكرتها و دى نسبة اية لى اية بظبت ؟!

المنتدى هنا لتشخيص المشاكل و التوجيه فى السكة الصح للتصليح
ولا كنا كتبنا يافطة فى اول الصفح "ننصح اى عضو بالذهاب للتوكيل بدل كتابة المشاركة

**Drift_Lover** · 21-03-2009 01:55 PM

حصل خير يا جماعة ...
ونرجع للموضوع الاساسي.

السلام عليكم ورحمة الله وبركاتة

وعليكم السلام ورحمة الله وبركاته.

انا غيرت فلتر وزيت الموتور امبارح, لاحظت حاجة ان صوت العربية بقة عالي
مش عارف دي تهيؤات ولا لأ ؟؟؟

لازم الاول نحدد:
- صوت العربيه بقي عالي ازاي....:
1- يعني حاسس ان في خشلنه في صوت الموتور (وانا لا اعتقد )
2- ولا حاسس ان ال Rpm اعلي من الاول في السلانسيه. وكأنك دايس سنة بنزين.

ولو الاحتمال الثاني يبقي عندنا كام سؤال....:
1- هل الصوت ده مستديم ولا مع السلانسيه بس. ولما تسخن العربيه الصوت بيتظبط ( لو كان كده يبقي الموضوع طبيعي )
2- هل انت غيرت الزيت بنوع تاني غير اللي انت معود العربيه عليه... ( بعض انواع الزيوت أحادية اللزوجه بتأثر بالسلب علي صوت الموتور)
3- راجع نفسك ممكن تكون عملت حاجه تانيه قبل تغيير الزيت... زي انك تفول العربيه مثلآ. وكان البنزين مخلوط ببنزين 80 (وده بيعلي صوت الموتور )
4- هل قست غيار الزيت تاني يوم او تالت يوم (طبعآ تغيير الزيت بالفلتر 3.75 لتر ) ممكن يكون الفلتر مش متركب كويس وسرب زيت او تكون الطبه مش مربوكه كويس وسربت زيت... (ولا الموضوع ده حصل معاك علي طول بعد تغيير الزيت )
5- ممكن يكون الصنايعي وهو بيركب الزيت وعن دون قصد هز خرطوم حساس ال Map ووقعه وده طبعآ بيعلي صوت الموتور اول يوم لان الكنترولر بيحاول يتكيف مع الوضع.. وبعدين يبدأ في برجلة العربيه (الصوت يعلي ويوطي بمزاجه) لما يفشل الكنترولر في تظبيط ضغط الهوا وفي الحاله دي لمبة التشيك بتنور.

وخللي بيالك ممكن تكون دي كلها تهيؤات... وانك غيرت الزيت بالليل او ماكنش في ضوضاء حواليك (وبالتالي بتحس باقل صوت مشموع للماكينة)... ولما جربت حسيت ان الصوت عالي علي غير الطبيعي...

الموضوع: صوت العربية عالي!!!

LinkBack

أدوات الموضوع

عرض

صوت العربية عالي!!! - انشر الموضوع فى :

-

-

-

-

-

-

-

-

-

المواضيع المتشابهه

صوت العربية بقي عالي

صوت العربية عالي

العربية صوتها عالي

صوت العربية بقى عالي بعد المطرة

صوت العربية عالي

الكلمات الدلالية لهذا الموضوع

المفضلات

المفضلات

ضوابط المشاركة