انا لسة شاري العربية امبريزا2006 سوداء,ومش عارف ممكن اعمل اية اظبط بية العربية ؟ انا مش عارف حتي اروح اتفرج فين؟ محتاج مساعدتكم. :U_thin1[1]:
عرض للطباعة
انا لسة شاري العربية امبريزا2006 سوداء,ومش عارف ممكن اعمل اية اظبط بية العربية ؟ انا مش عارف حتي اروح اتفرج فين؟ محتاج مساعدتكم. :U_thin1[1]:
الف مبروك على العربيه
العربيه ممتازه واختيار موفق :)
انت عاوز تضبطها كشكل ولا اداء؟
العربيه مع صديق لى بس موديل 2007 مش 2006
العربيه ناقصها حبه حاجات يعنى زى سماعات اقوى من اللى فيها
جنوط لو مش متجنطه و زينون كمان
ركب فلتر هواء رياضى لان العربيه ماتورها رياضى وبلفلتر هتفرق جامد ان شاء الله
2006 يعتي معندكش السي دي تشانجير. شوفلك بقه دي في دي double din كويس.
ممكن كمان سبويلر و زينون (في النور الواطي بس). و ممكن تدخل على الجنوط الـ 17 بتفرق جامد في الشكل. انا كمان مركب بوجيهات سبليت فاير و سلوك بوجيهات رياضيه و فلتر.
اولاً الف مبروك ياباشا واحسنت الاختيار
ربنا يديك خيرها ويكفيك شرها
وبعدين ياباشا حرام عليك بجد هيا السوبارو محتاجة تظبيط
مبروك يا باشا وربنا يباركلك فيها ويكفييك شرها .... عندي سؤال للاسناذ احمد حسن البوجيهات والفلتر ملهمش تأثير سيء على الموتور .... يقلل من عمره الإفتراضي مثلا .... انا فكرت أعملهم كتير بس متردد وكملن مش عارف ألانواع ومين يركبهم كويس ....أكون شاكر مقدما .....
اولا الف مبروك على العربيه وربنا يباركلك فيها بس كنت عايز اعرف جبتها بكام وحالتها وكام كيلو وكده ؟؟
ثانيا عايز تظبط سوبارو
بالنسبه للشكل والكماليات
* هاتلك 4 سماعات للابواب وغير البورده ببورده خشب وركب فيها سماعتين بيضاوي كبير
* ركب اهم حاجه وحدة رفع (اللي هما وحدتين بيرفعو مره واحده ) دي كويسه وعندي وبجد لازمه للعربيه عشان الازاز الفريمليسس وممكن تركب سنسور بارك
* ممكن تركب ابواب لامبورجيني بتبقي لايقه عليها برضه
* تركب الاسبويلر بتاعها بيفرق في الشكل كتير وطبعا لو اصلي حيزود الثبات
* ممكن تحيبلك كاسيت دي في دي دوبل داش
* عندك تركب زينون في الواطي والفوجات ( لانهم عدسات ومش بيعمو العين خالص )
* طبعا لو جنط 17 حتحس انها بتقولك كمان بس ال 15 تمام برضه ماهو رياضي وشكله حلو
معلش حكمل الكلام بعدين عشان لازم اقوم دلوقي
- الفلتر انا مركب simota بماسوره ستاينلس. ممكن تركبه عند اي حد بتاع اكسسوارات كويس.. بس المهم يكون التركيب محكم.. و تركب الحساس اللي في العمه باحكام في الماسوره الجديده.
- البوجيهات السبليت فاير انا جايبهم من عند صديق لي في بورسعيد (platenium)... بس هما موجودين في شارع دمشق بس مش فاكر اسم المحل.
- الاسلاك انا عملتلها اوردر من امريكا.. و نوعها magnecor و بتتكلف بالشحن حوالي 1000 جنيه و ممكن تركبهم هما و البوجيهات عند اي ميكانيكي (بيفهم).
كل الحاجات دي متركبهاش في التوكيل طبعا... و متسألش بتطلع ن الضمان و لا لأ. لو لا قدر الله حصل اي مشكله تركب القطع الأصليه.. و تروح تحل مشكلتك.