الموضوع: السعر المناسب ل bmw 320i موديل 2008

لو العربيه مفيهاش اى حاجه غير الحكه دى
ال 14 الف كيلو ميعتبروش حاجه فى عمر عربيه bmw
سعر العربيه دى زيرو 360 الف جنيه على contact cars
فاعتقد دا سعر كويس للعربيه

شكرا ليكم على الرد
العربيه ان شاء الله هاكشف عليها فى التوكيل ولكن باين انها زيرو بالظبط
لان صاحبها كان محافظ عليها قوى والحكه اللى فى العربيه هرشها ان شاء الله علشان العربيه تبان انه زيرو فعلا ولكن مش عارف اعملها فى التوكيل ولا بره التوكيل هى عموما حكه بسيطه ومش باينه قوى
والعربيه جربتها على الطريق وبسم الله ما شاء الله على الثبات بتاعها انا بعد ما ركبتها عرفت ان الكورولا اللى معايا بتعوم بعد 40 ومش واخد بالى ههههههههههه بهزر اصل بجد العربيه بتديك احساس انها لازقه فى الارض بلزقه ويا سلام على الملفات ولا كانك بتاخد ملف اصلا انا جربتها وجبت بيها 170 كم
بس اللى لاحظته ان العفشه ناشفه شويه بكن اعتقد متعة القياده والاحساس بالثبات ينسيك العفشه وده طبعا لانى راكب تويوتا ودى قمة النعومه فحسيت بالفرق
تانى حاجه القاعده فيها واطيه قوى ولكن ده عادى لان العربيات الرياضيه كدا
ثالث حاجه الموتور مش زى ما كنت متخيل فى السحب يعنى المفروض انها 2000 سى سى ولكن حسيت ان مش هتفرق جامد عن ال 1600 واعتقد السبب الوزن اللى هو 1470 كجم ومكتوب فى البورشور انها سرعتها القصوى 218 وتسارع من صفر الى 100 9.8 ثانيه

i drive بصراحه لسه مش فاهم اى حاجه فيه بس بيعمل منظر واوو بليل فى العربيه وياريت حد من خبراء البى ام يقولى ايه وظايفه بالظبط
دى الفئه التالته امال الفئه الخامسه عامله ازاى بقا فى الثبات اصل الفئه الخامسه دى بقا امنيه حياتى من سنين
وملحوظه انا حسيت ان الفئه التالته اثبت من الاولى واعتقد السبب الوزن لان التالته اثقل ب 200 كجم
انا مستنى بجد اللحظه اللى هاركب فيها العربيه دى قوى
ادعولى يا جماعه
وتقبلوا تحياتى يا احلى ناس فى الدنيا

المشاركة الأصلية كتبت بواسطة blazer

لو العربيه مفيهاش اى حاجه غير الحكه دى
ال 14 الف كيلو ميعتبروش حاجه فى عمر عربيه bmw
سعر العربيه دى زيرو 360 الف جنيه على contact cars
فاعتقد دا سعر كويس للعربيه

على فكره ده سعر الفيس ليفت
انما دى سعرها جديد 320 الف وحنا وصلنا بالسعر الى 280 الف

اسأل كويس على سعرها عند كام واحد قبل ما تخلّص فيها وبالتوفيق

المشاركة الأصلية كتبت بواسطة smartmate

اسأل كويس على سعرها عند كام واحد قبل ما تخلّص فيها وبالتوفيق

انا فعلا هنزل المنيب علشان اطمن على الاسعار ان شاء الله

اخرها ٢٦٠ لو مش فيس لفت

المشاركة الأصلية كتبت بواسطة Amr_Moh

اخرها ٢٦٠ لو مش فيس لفت

شكرا يا باشا على ردك وانا هنزل بكره عند المنيب اطمن على الاسعار ولو 260 يبقى حلو قوى بس اهم حاجه الحاله طبعا