عرض للطباعة
عايز اروح اسوان بالعربية وعايز اسهل واحسن طريق على العلم انى ساكن في اكتوبر وسالت ناس اصحابي قالولي ده فيه طريق اسمه اسيوط الغربي جنب طريق الواحات .
انا مش عارف هو الكلام ده صح ولا؟
والطريق هل هيبقى عليه خدمات ؟
واخبارالنقل التقيل ايه على الطريق ؟
واسف علشان طولت عليكم
بص يا باشا
هو اولا بادئ ذي بدأ
ربنا معاك في المشوار
اسوان تقريبا 1000 كيلو
ثانيا
انت ممكن ما تمسكش طريق بعينه من اوله لأخره
يعني مثلا ممكن تطلع طريق الكريمات وده لحد المنيا
و بعدين تعدي البر التاني وتكمل لاسيوط
و منها لقنا و بعدين لاسوان
بس اللي انا جربته في البري و مش طبعا انا اللي سايق
الطريق الشرقي ده
صعب جدا
و كله لجان ونقل ومافيهوش اي خدمات
فيه خيار تاني مش عارف برضو اذا كان صح ولا للأ
طريق الغردقة ده ممكن يوصلك لحد الاقصر
و كويس جدا وسريعو اعتقد ان عليه خدمات بس مش متأكد
و ممكن من الاقصر تكمل لأسوان
طبعا ده غير طريق الصعيد الغربي اللي حضرتك بتسأل عليه ده فعلا موجود علي حد علمي لحد أسيوط فعلا
بس بعد كده مش عارف
حظ موفق ان شاء الله
تحياتي
ربنا يخليك ليا وانا شاكر جدا لحضرتك
بس انا الى سمعت ان طريق الغردقة ده طريق كله جبال ومنحنيات ؟
ارجو من جميع الأعضاء مساعدتى وياريت محدش يبخل عليا برايه لانكم اكيد عارفين طول المسافة وانا خايف اغلط في الطريق
وربنا يكرمكم ويحفظ طريقكم
طريق الغردقه كويس في المجمل، بس الحته اللي عند العين السخنه هي اللي خطره عشان هي مش مزدوجه وكمان مليانه منحنيات زي ما حضرتك قلت، بس هي حته مش كبيره خالص.اقتباس:
المشاركة الأصلية كتبت بواسطة sahin_1996_133
أنا شفت طريق قرب سفاجا بيودي على قنا أعتقد هو ده اللي هاتسلكه بعد أما تعدي الغردقه.
شكراً
انا طلعت قنا بالعربيه ياباشا
احسن طريق عن تجربه يعني اللي هو من القطاميه العين السخنه ثم الي الغردقه مش حتخش الغردقه عملوا طريق جديد قبل الغردقه بكام كيلوا كده زي الدائري (انا مشيت عليه و كنش ليه خلص ولا عليه اي علامات ولا حتي كانوا حططوا الارض اكيد دلوقتي اتظبط) يعني علشان تطلع علي طريق سفاجا علطول و بعدين تنزل علي فنا و منها الي اسوان الطريق كويس اوي بس طبعا محتاج عربيه كويسه و تستحمل المشوار
الخدمات علي الطريق مش اوي حتلاقي في العين السخنه ثم مدخل الزعفرانه ثم الغردقه و بعدين سفاجا يعني علي مشارف كل بلد تقريبا
الوصله من الغردقه الي سفاجا وحشه و ضيقه اوي و كلها منحنيات جامده لذلك هما عاملين بوابات علي الوصله دي منعين فيها النقل انه يمشي بليل و كانوا عاملين زي ماتقول كده خندق صغير كده بيفصل الحارتين عن بعض علشان متعرفش تتجاوز اللي امامك منعا لوقوع الحوادث لاقدر الله
بتطلع من الوصله دي تلاقي نفسك في سفاجا و بعدين تاخد طريق قنا ثم اسوان
انا اخر مره طلعت قنا كانت من سنه و نص تقريبا فاكيد حتلاقي تغير عن اللي انا بقوله دا في الوصله مابين الغردقه و سفاجا ممكن يكونوا ظبطوها يعني
الطريق تقريبا ياخدلوا حوالي 7-8 ساعات دا لو ماشي براحتك يعني انما انا اخد مني حوالي 6-7 ساعات طالع الساعه 2 الفجر كنت علي اول طريق القطاميه و صلت قنا الساعه حوالي الساعه 9
تقريبا كنت طالع بلانوس 2004
انا معرفش الطريق تقريبا كام كيلوا لاني مش بحسب الصراحه لاني اصلا حتي لو حسبت كام كيلوا حنسي الرقم بعد يومين ولا حاجه :Copy of majd(4):
الطريق بتاع اسيوط دا كويس صحراوي بس لازم عند اسيوط بقي تخش الزراعي و تمشي فيه لحد اسوان و بصراحه لو حضرتك سواق جامد يعني اوي و تقدر تتعامل مع سواقين الميكروباص و النقل و البيجو او مثلا لاقدر الله مستغني عن عمرك ممكن تمشي فيه عادي يعني
حتبقي ماشي بطئ نسبيا لانهم عاملين كل عشره كليوا مطب و مش بطب طبيعي دا هضبه كده حلوه انا مشيت عليه قبل كده بس لحد بني سويف كنت باخد الطريق في ساعتين و نص بس فطبعا علشان تروح اسوان منه معاك من 12-15 ساعه كده
اي استفسارات اخري انا في الخدمه
انا هكلم عن تجارب حصلت فى 2006
من اسيوط لمصر بعربية الشركة - شيفرولية دبابة
خدنا الطريق الشرقى وكان واسع وكويس
الطريق من سفاجا لقنا
برده مشيت عليه فى 2005
بس مليان منحنيات وجبال
برده بالدبابة
ربنا يكرمكم جميعا وبجد بجد معلماتكم مفيده خالص وربنا يجازيكم كل الخير
واتمنى من كل الأعضاء محدش فيهم يبخل عليا باى معلومة ولو حد عنده اقتراح
ياريت يقوله
انصحك لو مش هتقعد هناك كتير و مش هتحتاج العربية ضرورى انك ماتسافرش المشوار ده كله بالعربية
فعلا انت ممكن تاخد طريق القوات المسلحة بتاع العين السخنه وتكمل على طريق الغردقة وفيه من هناك طريق اتعمل جديد بينزلك لغاية اسوان
او ممكن تاخد طريق الكريمات وده من اخر الاوتوستراد وتنزل منه على طريق الغردقة برضه بس نصيحه بلاش الصحراوى الشرقى بلااااااااااااااااااااااا اش
ياباشا الف شكر بسانا منت عايز اعرف من حضرتك هو فيه طريق فعلا من الغردقة لحد اسوان ؟
وياترى ايه حاله الططريق من حيث الخدمات
طاب ياجماعة حد يعرف شحن العربية في الطيارة بكام
لأسوان...؟؟؟اقتباس:
المشاركة الأصلية كتبت بواسطة sahin_1996_133
ايوة للأسوان :whtauwant:اقتباس:
المشاركة الأصلية كتبت بواسطة karimone
طب ممكن اسأل حضرتك ليه...؟؟؟
يعني قصدي حضرتك هاتوديها اسوان و تسبها هناك ولا هاتقعد بيها كام يوم و ترجعها تاني...
اصل لو حضرتك مش ناوي ترجع العربيه قريب و هاتسبها هناك و مش عايز تسافر بيها من القاهره لأسوان... يبقي ساعتها في رأي احسن حل انك توديها علي ونش... ده في رأي
اما لو هاتقعد بيها كام يوم بس و ترجع... يبقي الحل الاوفر انك تأجر عربيه من اسوان اوفر و اريح...
ده رأي الشخصي...
لو حضرتك عايز تعرف تكلفة شحن العربيه بالطياره لأسوان ممكن تكلم شركة الشحن ديه و هما يقدروا يفيدوك...
أ/ محمد إبراهيم
24156578
ياباشا الف شكر
بس انا ناوي اقعد في اسوان
خلاص يا باشا... خدها علي ونش
انا شايف ده احسن حل...
اسمحوا لي اضيف طريقين للصعيد. الأول من طريق الفيوم..هاتمشي من الرماية تجاه الفيوم لحد ما تلاقي يفط طريق الصعيد على ايدك الشمال (الاتجاه المعاكس) وبعدين تلف يوترن وتخش طريق الصعيد. والطريق الثاني طريق الصعيد الزراعي (لا يفضل) من المنيب-جيزة. وربنا معاك
على فكرة انا من اسوان اصلا
طب ما حضرتك حط في خياراتك اللي بتناقشها تكلفة ايجار عربية في أسوان بدل ما تشحن عربيتك
وبدل ما تسافر بيها
أظن هاتكون أوفر وأريح كتير
عندى ليك اقتراحيناقتباس:
المشاركة الأصلية كتبت بواسطة sahin_1996_133
1 - روح بالعربية، بس اعملها رحلة، يعنى تبيت ليلة فى الغردقة و ليلة فى الأقصر علشان يبقى المشوار اسهل.
2 - اخطف رجلك لغاية محطة الجيزة و اسأل لو ممكن تشحن العربية فى القطار و غالبا هينفع ان شاء الله.
ياباشا ربنا يخليك بس للأسف مفيش شحن عربية في السكة الحديداقتباس:
المشاركة الأصلية كتبت بواسطة Hossam_Hassan
اقتباس:
المشاركة الأصلية كتبت بواسطة Hossam_Hassan
ياباشا انا كمان من اسوان وزي ماقلت انا ساكن في 6 اكتوبر وياريت يتباشا لو تعرف تفاصيل اكتر عن طريق الصعيد الصحراوي الى من على طريق الفيوم تقولياقتباس:
المشاركة الأصلية كتبت بواسطة ecybrarian
مع ان زميلنا الأعضاء كانوا بيقولو انه عليه نقل تقيل وحارة واحد وعلهوش خدمات وحاجات كتير
نصحيتى بلاش طريق اسيوط الغربى لان انا بسافر علية كل يوم ودة زبالة والحوادث فية بسم الله ماشاء الله عندك الطريق مش مزدوج مش عارف علية خدمات ولا لا تانى جاجة سافرى من طريق الصعيد من الجيزة احسن لانك محتاجة تمونى العربية 3 مرات
اقترح عليك الاستعانة بسائق خبير بالطريق ده....يطلع معاك يسوق العربية وانت معاه....وياخده مبلغ مناسب اكيد ارخص من شحن السيارة او الونش بالاضافة لثمن تذكرة العودة بالقطار المكيف..........يبقى انت كسبت : - رفيق فى السفر - خبير يعينك على الطريق - سائق يتحمل متاعب القبادة - اكيد ارخص من الشحن
وربنا يسهل لك سفرك ويهونه عليك.. ....هو ولى ذلك والقادر عليه
بص يا باشا
انا من العاشر من رمضان ورايح مشوار الاقصر دة خلال ايام
لو عايز تروح من عن طريق العين السخنة هو اطول حوالى 100 كيلو
بس طريق باشا
من على القطامية للعين السخنة طريق 10/10 ومواصفات دولية
ولو مشيت علية 180 مش حتحس بحاجة
وبعد كدة الوصلة من الزعفرانة للعين السخنة هى اللى رخمى شوية وعايزة سواق بجد
لان الجبل على يمينك والبحر على شمالك وطولها 40 كيلو بس
يعنى ممكن تمشى ورا اة اتوبيس سياحى او سوبر جيت الوصلة دى وتريح نفسك
وبعد كدة الطريق من الزعفرانة للغردقة زى الفل
بس معليهوش خدمات
نصيحة بسيطة جدا
لو انت عارف ان عربيتك مش هتقل معاك سافر عادى جدا
انا اخذتها من العاشر من رمضان لحد الغردقة فى 6 ساعات
والمسافة 550 كيلو
على فكرة عربيتى ((( فيات 132 ) موديل 76
وعملت رست مرة واحدة بس فى الزعفرانة
بس زى ما قلتلك لو واثق من العربية
ومن قبل الغردقة فية طريق فعلا يوديك على القنا او الاقصر
اة فية كويس بس الخدمات موجودة ولكن قليل جدا علية محطات البنزين
طاب معلش هو انا اطلع ازاي على طريق العين السخنة ده من اكتوبر وهل الطريق فيه علامات ارشادية ولااقتباس:
المشاركة الأصلية كتبت بواسطة ZARIF
اصلي هبقى اول مرة على الطريق
من على الدائرى يا باشا
المدخل بعد كارفور اللى فى المعادى على يمينك
وهتلاقى يفط ارشادية طبعا
اسمة طريق القطامية العين السخنة
الدائرى المعادى مش الدائرى بتاع اسكندرية الصحرواى
وانت جاى من الجيزة
خلى بالك الطريق دة زى ما قلتلك اطول ب حوالى 100 كيلو
من الطريق الغربى بتاع الصعيد
بس مواصفات دولية
ومفهوش زحمة خالص
ونصيحة تانية
اطلع الفجر وسافر فى النهار طالما اول مرة على الطريق
وتمم على العربية
جزالك الله كل خير والف شكر لسعتكاقتباس:
المشاركة الأصلية كتبت بواسطة ZARIF
العفو يا اخى
بس قولى انت مسافر امتى
اصل انا رايح الاقصر خميس وجمعة
فسحة وراجع تانى
والله ميعاد السفر لسه متحدتش بس ربنا يسهل
وربنا يكرمك وتوصل بالف سلامة ان شاء الله وفسحة سعيدة