لكل اساتذة الابيزا ارجو المساعدة

**hanysaeid** · 19-03-2009 06:19 PM

السلام عليكم احلى منتدى فى مصر واحلى اعضاء نفسى اجيب ايبيزا بس عايز اعرف عيوبها قبل مميزاتها اسعار قطع الغيار وعفشتها حلوة والا لا وهل موديل 94 احلى موديل والا اية ارجو الافادة اللة يباركلكم والف شكر للمنتدى ومشرفية واعضاءة المحترمين

**hanysaeid** · 19-03-2009 07:07 PM

معلش يا جماعة هتقل عليكو تانى انا قدامى واحدة مو 98 رشة برة بس موتور 1400 بتاع بلادها ماشية 110 الف محتاجة سير تكييف وبلية عجلة ياترى اية راييكو فيها وسعرها كام وقطع غيار وميكانيكا ال 1400 كويسة والا اصرف نظر انا اسف تانى لاطالتى عليكم وشكرا

**Mohamed_Ibiza** · 19-03-2009 08:12 PM

ياباشا الابيزا مش محتاجة كلام ومعروفة في السوق المصري والناس كلها عارفة قيمتها بس لولا خوف التميز والتجربة ....

بس بالنسبة لابيزا 1998 هي كويسة بس اللي مستغربه الموتور ال 1400 اللي حضرتك بتقول بتاع بلادها .... على حد معلوماتي ان الابيزا في الموديل ده منزلش منها غير ال 1000 سي سي وتعتبر ممتازة جدا في استهلاك البنزين .. فمتهيالي ان الموتور ده مش موتورها ,,, ياريت تسال في النقطة دي

اما بالنسبة لقطع الغيار .. فانا من ملاك الابيزا وبعترف ان قطع غيار هذه السيارة تعتبر غالية ولكن والحمد لله قطع غيار مهمرة جدا بعكس قطع غيار السيارات الكوري وخلافه

وفي الاخر يارب اكون قدرت افيدك وانا معاك في اي حاجة وتحت امرك

**MOON5** · 19-03-2009 11:22 PM

الابيزا عربيه دهب وتوكل على الله

**hanysaeid** · 21-03-2009 01:04 AM

متشكر يا جماعة جدا على الرد السؤيع دة بس يارب بس تقولولى اعرف ازاى انة مش ماتورها والبلى بتاع العجل دة يساوى كام وقطع الغيار غالية قد اية وهل فية حاجة اعملها بالنسبة لمشكلة العفشة الواطية اللى فيها دى اسف انى بطول عليكو بس لخوكو لسة مبتدىء

**Mohamed_Ibiza** · 22-03-2009 12:36 AM

ياباشا مهو اكيد ان الموتور مش بتاعها لاني عمري مسمعت عن ابيزا 98 موتور 1400 .. طول عمرها 1000

اما بالنسبة لقطع الغيار ياباشا فزي مقولتلك في ردي الاول انها غالية لكن معمرة بالنسبة لعمرها الافتراضي مقارنة بقطع غيار السيارات الاخرى
يعني لو حسبتها حسبة بسيطة هتلاقي ان الفرق في سعر قطع غيار الابيزا بيتعوض بطول عمرها وبعدين ياباشا في قطع الغيار هتلاقي كل اللي انت عايزه ابتداء من المصري للصيني للالماني للايطالي والفرنساوي والجديد والاستيراد وهكذا .. وطبعا في تفاوت في السعر حسب الصناعة والبلد المنشأ ...

وبالنسبة للبلي بتاع العجل ولو تقصد الرومان بلي فده مش غالي تقريبا كانت عاملة 35 جنيه ... حاجة زي كده يعني مش غالية يعني

وبالنسبة للعفشة ياباشا العفشة مش واطية ولا حاجة بالنسبة لانها سيارة هاتشباك وتعتبر الي حد ما رياضية .. وعن تجربة بجد العفشة مش واطية زي مالناس بتفتكر .. وطبعا العلو والوطي بيرجع انك معاك كام واحد في العربية ..

يارب اكون قدرت افيدك

واي حاجة انا معاك ياباشا

**SaNisSro** · 23-03-2009 02:09 AM

غريب فعلا موضوع ال 1400 اتأكد انو مش مغير موتور!!

**hanysaeid** · 23-03-2009 10:29 AM

طيب يا جماعة بالنسبة للابيزا 1000 سىسى تبقى حلوة وتستحمل والا لا لانى روحت اشوف ال1400 لقيتة راجل نصاب والعربية زى الزفت فهشوف واحدة 1000ماشية 120000 كم دواخل وسقف فابريقة فاضية مفيهاش الا تكييف وعايز يتشحن فعايز اعرف تبقة كويسة وتعمل كام فى السوق لان الراجل طالب 36000 ارجو المساعدة واتاكد من اية وانا بشوفها

**Mohamed_Ibiza** · 24-03-2009 12:20 AM

بص ياباشا بالنسبة للابيزا ال 1000 سي سي فهي ممتازة وبشهادة ملاكها ان الموتور الصغير ده عامل اللي عليه وزيادة كمان وطبعا كله بيرجع لاستعمالك ... يعني الافضل حضرتك تشوف اذا كنت تقدر تتعامل مع الموتور ده ولا لا ... مثلا من ناحية الوزن او الاستهلاك الغير طبيعي مع استخدام التكييف المستمر وهكذا ......

اما بالنسبة للاستخدام الطبيعي فزي مقولتلك ياباشا ان الموتور عامل اللي عليه وزيادة واصحاب السيارة بيشكرو فيها جدا لدرجة انهم مش حاسين انه موتور 1000 سي سي .. وتقدر تقول ان الموتور ده اي نعم 1000 سي سي ولكن ادائه يقترب جدا من ال 1300

**Mohamed_Ibiza** · 24-03-2009 12:22 AM

نصيحة بس ياباشا : اهم حاجة حالة السيارة وياريت تكشف عليها كويس وتشوف كبس الموتور والاساسيات والدواخل والحالة العامة للسيارة واذا كانت مهانة ام لا ..... كل ده ضروري جدا

واي حاجة كلنا هنا معاك وان شاء الله ربنا يكرمك بسيارة تعيش معاك العمر كله

الموضوع: لكل اساتذة الابيزا ارجو المساعدة

LinkBack

أدوات الموضوع

عرض

-

-

-

-

-

المواضيع المتشابهه

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

ارجو مساعدة حضراتكم يا اساتذة الكيا

اساتذة الكوردوبا ارجو المساعدة

ارجو المساعدة :فتيس الابيزا 2000 فيه بوش كبير

دركسيون الابيزا ؟؟؟؟؟؟؟؟؟؟؟؟؟ ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة