حاسس صوت الموتوراختلف

**beggo** · 19-03-2009 07:52 PM

محدش يا جماعة أخد باله ان صوت موتور السيريون فى فترة أول 1000 كيلو بيبقى ناعم جداً و بعد كده بيخشن تدريجياً؟! خصوصا لو الواحد قرص شوية و بعد كده وقفت فى مكان هادى حتحس ان صوت الموتور على السلنسيه بقى خشن شويه و فى صوت ((تكتكه)) على خفيف كإنها جايبه سبايك فهل سبب الصوت ده عدم ضبط الموتور؟ ولا نوع الزيت (مع العلم انا بستعمل موبيل1)ولا ده حاجة عاديه و مفيش منها مشكلة؟ .. أرجو الإفاد

**Eng_aly** · 20-03-2009 01:09 PM

معلش انا مش هاجواب عليك بس هاسئلك هو انت غيرت الزيت عند ال1000كم

**أبو عبدالله** · 20-03-2009 02:46 PM

اول فتره للعربيه بدون تغيير الزين
بيبقى حاجه اسمها الماتور بيطبع
وبيبقى في شوائب في الزيت لأن الماتور جديد
ومع اول تغيير للزيت هتلاقي الصوت بتاع الماتور ريح
ولكن هو الدايهاتسو والتويوتا بيبقى في صوت زي زنه على خفيف كده علشان سير الكاتينة بتاعهم جنزير وليس جلد

**beggo** · 20-03-2009 03:31 PM

المشاركة الأصلية كتبت بواسطة Eng_aly

معلش انا مش هاجواب عليك بس هاسئلك هو انت غيرت الزيت عند ال1000كم

لأ انا غيرَت الزيت قبل صيانة ال5000 كانت تقريبا عامل بيها 3800كم , بس هل لو غيرت الزيت لنوع تانى حتفرق؟ ولا الموضوع ده ملوش دعوة بصوت الموتور؟

**beggo** · 20-03-2009 04:07 PM

المشاركة الأصلية كتبت بواسطة أبو عبدالله

اول فتره للعربيه بدون تغيير الزين
بيبقى حاجه اسمها الماتور بيطبع
وبيبقى في شوائب في الزيت لأن الماتور جديد
ومع اول تغيير للزيت هتلاقي الصوت بتاع الماتور ريح
ولكن هو الدايهاتسو والتويوتا بيبقى في صوت زي زنه على خفيف كده علشان سير الكاتينة بتاعهم جنزير وليس جلد

كلام حضرتك مظبوط ياأستاذ أبو عبدالله بس اللى انا بتكلم فيه إن حتى بعد تغير الزيت صوت الموتور زى ماهو؟ .. والحاجة التانية إن الصوت اللى سامعه مش صوت زنه, ده صوت تكتكه فى الموتور على خفيف زى المواتير الديزل كده بس طبعا ًمش فى علو صوت الديزل

**أبو عبدالله** · 20-03-2009 04:37 PM

المشاركة الأصلية كتبت بواسطة beggo

كلام حضرتك مظبوط ياأستاذ أبو عبدالله بس اللى انا بتكلم فيه إن حتى بعد تغير الزيت صوت الموتور زى ماهو؟ .. والحاجة التانية إن الصوت اللى سامعه مش صوت زنه, ده صوت تكتكه فى الموتور على خفيف زى المواتير الديزل كده بس طبعا ًمش فى علو صوت الديزل

حاول تسمع صوت عربية سيريون تانيه
وانت ساعتها هتعرف هو الموضوع ده عندك ولا موجود في التانيه
ولو موجود يبقى هو صوت سير الكاتينه الجنزير

**zozza** · 20-03-2009 05:14 PM

الصوت ده موجود عندي زي ما حضرتك وصفتو بالضبط من اول يوم جبت فيه العربية و ده فعلا لأن زي ما اتفضل ابو عبدالله و قال ان سير الكتينة جنزير و لكن انا مش شايف ان الصوت عالي ابدا و مابتسمعش الا و ات في مكان هادي جدا جدا و بالعافية بتسمعو

**beggo** · 20-03-2009 05:57 PM

هو زيادة فى التوضيح الصوت ده فعلا بيكون هادى أوى بس لو أخدت بالك حتلاقى لو انت كنت بتشد بيها و بعد كده وقفت فى مكان هادى شويه حتلاقى الصوت واضح جدا, بس الحمدلله اللى انا فهمته من حضراتكم ان الصوت مالوش تأثيرعلى الموتور و الأهم انو مالوش علاقة بنوع الزيت.

**معاذ الشرباصى** · 20-03-2009 07:39 PM

المشاركة الأصلية كتبت بواسطة beggo

هو زيادة فى التوضيح الصوت ده فعلا بيكون هادى أوى بس لو أخدت بالك حتلاقى لو انت كنت بتشد بيها و بعد كده وقفت فى مكان هادى شويه حتلاقى الصوت واضح جدا, بس الحمدلله اللى انا فهمته من حضراتكم ان الصوت مالوش تأثيرعلى الموتور و الأهم انو مالوش علاقة بنوع الزيت.

+1

هو فعلا احسن وقت الصوت بتاع التكتكة ده يبان فيه لما تكون مشيت كتير بالعربية او شديت بيها و وقفت