لو قدامك باسات 1.6 Fsi و 1.4 Tsi أيهما تختار مع العلم أنهما بنفس السعر تماما؟!!

**شاهين - بنز** · 19-03-2009 08:02 PM

وأنا بتصفح موقع كوناكت كارز لقيت إن المتورين بنفس السعر بالضبط 220 ألف أنا مش حشتريها بس قلت ندردش سوية لإني حطيت نفسي مكان إللي بيشتري ولقيت الموضوع محير جدا
-كلاهما إجباري بنزين 95
- 1.4 تسارع أفضل لكن ال 1.6 إستجابة أفضل على الآر بي إم المنخفض لعدم وجود تربو
- ال 1.4 أفضل في إستهلاك البنزين لكن تقنية معقدة وغير مضمونة

**eng/muhamad** · 19-03-2009 10:16 PM

-كلاهما إجباري بنزين 95

ليس اجبارى فى 1600
و لكنه افضل
و لكنه اجبارى فى 1400
و انا من راى لو هتقدر توفر بنزين 95
يبقى تجيب 1400

**blazer** · 20-03-2009 01:11 AM

ال fsi لازم بنزين 95 حسب كلام الملاك بتوع العربيه
فبلتالى تختار الماتور الاقوى ال 1.4

**KHALED AYMAN** · 20-03-2009 01:21 AM

لو ال 2 بنزين 95 يبقى هجيب 1.4 لانى ميلزمنيش استجابه على ار بى ام واطى لانه معايا هيبقى عالى على طول .........
بس فى شرط كمان ....
الوكيل يكون بينزلها ....
مش شرط اشترى منه لكن لمجرد انى اطمن انه عنده قطع غيار و بيعمل صيانته !!!!

**ahmedsadek82** · 20-03-2009 05:13 PM

يا جماعة مفيش مقارنة ، 1,4 TSI أفضل في كل حاجة عزم(200 ن.م) أعلى ب-30 ٪ من ال-1600 ، horsepower 122 أعلى من 1600 ب-7 حصان ،زائد 14٪ أوفر فالبنزين . دة غير إنو كفاية إنك تبئة راكب إختراع واخد جوايز عالمية :) . دة كمان في مفاجئة معرفش عندك فكرة عنها ولا لأ، العربيات ال-TSI بتنزل بجيربكس DSG ودة إختراع تاني يتكتب في شعر.
----------------------------------------------
رسل أصلا بواسطة ahmedsadek82
DSG Gearbox
يا جماعة ال-DSG جيربوكس نزل خلص مصر بأالو شوية ،نزل فال-JETTA 1.4 TSI الخليجي وpassat ال-TSI الخليجي بردو ،لكن التوكيل التعبان بتاعVW لسة بيبيع في الفتس العادي، أما عن ال-DSG كإختراع فدة يتكتب في مقالات، باختصار الجيربوكس ده في اتنين ديسك و اتنين عامود يعني اتنين جيربوكس جوا بعض ،عامود عليه الترس 1 و 3 و 5 والعامود التاني عليه الترس 2وي 4 و 6 ،لما تبئة ماشي الترس الأول يروح العامود التاني مجهز الترس التاني فلما تيجي تنقل تروح نطت على العامود التاني ،يروح العامود ال أول يجهزلك ال ترس الثالث و هكذا لحد ال سادس، ف طبعاً بينقل بكل نعومة و سرعة زمان النائلة المثالي 8 ملي ثانية و ده رقم فؤ ال خيال،د غير إن بيوفر في إستهلاك ال بنزين بنسبة 14% عن ال أوتوماتيك. ده بإختصار فكرة ال DSG. طبعاً ده إختراع متسجل بإسم عباقرة VW.

**ahmedsadek82** · 20-03-2009 05:18 PM

أعزائي عشاق VW ال-link دة بروشور رسمي من vw عن TSI technology ،أنا شخصياً عجبني جداً ،يا رب يعجبكم.

http://www.volkswagen.com.au/etc/med...05_2007%20.pdf