انا بعيد الاستفتاء لان المشرفين نقلو موضوع عمرة الماروتى والاستفتاء للقسم التعليمى وطبعا هناك مش هنلاقى اهتمام للماروتى زى هنا ..... فاياريت كل واحد عندة الماروتى يقول رأية فيها بالنسبة للسفر
عرض للطباعة
انا بعيد الاستفتاء لان المشرفين نقلو موضوع عمرة الماروتى والاستفتاء للقسم التعليمى وطبعا هناك مش هنلاقى اهتمام للماروتى زى هنا ..... فاياريت كل واحد عندة الماروتى يقول رأية فيها بالنسبة للسفر
شوف يا استاذ تامر
انا هاقولك علي الالتو
يمكن هي زي الماروتي كتير
في 6 شهور
عملت بيها 23000 كيلو
سافرت 3 مرات اسكندرية
6 مرات طنطا
غير اني مشواري يوميا 100 كيلو علي الاقل
باختصار مافيش اي مشكلة
المشكلة فين
لو معاك اكتر من 2 او نقول 3 رفيعين بيبقو مزنوقين
الجري بالعربية برضو فوق 100 مش مريح يعني لو انت مش متعود علي العربية ممكن تحس ان الثبات بتاعها مش قد كده، وده طبعا علشان حجمها وقاعدة العجل
فيه واحد صديقنا برضو علي المنتدي اسمه استاذ وسام كان معاه ماروتي، اول مرة قالبته فيها كنا في الريست بتاع الصحراوي كان مسافر مطروح بالعربية، و بيشكر في العربية جدا
العربية ميكانيكا اعتقد انها مش هاتقول حاجه
هي الفكرة من وجهة نظري راحة بقي و بحبحة في الحجم
تحياتي علي الموضوع
شكرا على الرد بس انا بعتقد ان الالتو اقوى من الماروتى وعلى العموم انا هعمل مشوار للمنصورة بالماروتى من الاسماعيلية وهعرفكم اخبارها
في ناس واخده فكرة عن الماروتي إنها عربيه لعبة و مالهاش في السفر و الهري و الكلام ده
أحب أقول لحضرتك الكلام ده مش صح
أنا كان معايا ماروتي و أخويا كان معاه ماروتي و كنا بنسافر بيها عادي جدا و من غير أي مشاكل و الحمد لله
و اعرف ناس تانيه بيسافروا بيها أماكن بعيده زي مطروح مثلا و برضه مفيش أي مشاكل
طالما العربيه حالتها كويسه و الكاوتشات مظبوطه سافر و إنت مطمن إن شاء الله , و ترجع بالسلامه
العربية ممتازة فى السفر وملهاش اى مشاكل
وهذا الكلام عن تجربة
انا معايا ماروتى و بسافر بيها القاهرة "على فكرة انا من اسكندرية " و رة طلعت بيها مشوار تحفة "اسكندرية -القاهرة- الاسماعلية- بورسعيد " بدون توقف و الله العظيم عربية محترمة جدا بس ضيقة شوية و من غير تكييف
Omg
ايه المشوار الخرافى ده يا توتى ,, سيبك من العربيه ,, انت متعبتش ؟؟ :)
بس ده يعمله كام كيلو كده ؟؟
و انا طبعا صوت لأنها بتتحمل السفر لأنى مش بمشى بيها فى البلد اصلا كل مشى بيها سفر و ماشاء الله عليها
يا جدعان اى عربية جديده تتحمل سفر لحد ما انت اللى تتعب.. انا كنت بسافر بالميرا لشرم الشيخ و الغردقة و مفيش مشاكل و طبعا مشاوير اسكندرية و الكلام ده عادى جداااااااا.. اللى معاه ماروتى او التو يسافر و ميهموووووووووووش
السلام عليكم
انا الحقيقة مسفرتش بيها كتير معظم تحركي بيها داخل القاهرة بس الحقيقة الكام مرة اللي سفرت بيها محستش باي فرق بينها وبين اي عربية ولاحظت ان مؤشر الحرارة بتاعها مبيعلاش خالص مبيوصلش اصلا للنص وكمان بيبقي راكب معايا 3 اشخاص متوسطين في الحجم والحمدلله مفيش اي مشاكل
وشكرا..أبو مريم
مفيش قلق من السفر بالماروتي .. انا كنت اعرف واحد لواء جيش سابق كان بيسافر بيها يوميا للعاشر من رمضان و يرجع القاهرة لمدة لا تقل عن سنتين .. و الراجل كان بيشكر فيها جدا .. :,: واخدين بالكو دة كان لواء جيش يعني مش اي عربية ممكن يشكر في ادائها بسهولة كدة
الله يطمن قلبكم
لكن اخبار مساحة الشنط ايه؟
غالبا بيكون معايا شنطتين الواحدة 60*35*20سم ينفع؟
طبعا ينفع !!
الشنطه بتاعت الماروتى مش صغيره اوى كده هههه
بس عموما لمساحه اضافيه هايله للتخزين ,, ممكن تتنى كراسى الكنبه اللى ورا ( احدهما او كلاهما ) و بتدى مساحه هايله الصراحه
يا سلاااااااام كده فل.
بس انا ركبت واحده 2008 او 2007 مش عارف و كان صوتها عالى قوي. صاحبها قاللي غالبا الماروتي بتعوز ضبط كهربا أول ما تستلمها بس هو كسل يعملها. صحيح الكلام ده؟
هو برضه قال ان مودرن موتورز بيركب التكييف بألف جنيه بس لأن السيارة مجهزة تكييف أصلا( له مكان) و ناقصها سربنتينة و حاجة كمان. ايه تعليقك؟
والله يا قمر المفروض انها بتنزل بيه بره ( موجود كأوبشن يعنى ) بس مش عارف هنا ربنا غضبان عليهم ليه ؟؟
حوار ظبط الكهربا ده انا حسيته ووطيتلها الكهربا شويه و العربيه بقت فل ,, لأنى متعاملتش الحقيقه مع التوكيل و بينى وبينك تقريبا مش ناوى :)
ده شىء ممتاز فعلا لأني في بنها و اعرف ميكانيكي كويس و أمين ناوي اتعامل معاه برضه.
لكن حوار التكييف ده صح؟
http://www.nilemotors.net/Nile/showthread.php?t=43134
شوف اللنك ده يا قمر
و ربنا يوفقك فى قرارك ,,, و ما يحوجك اصلا للميكانيكى غير لو وحشك بقى و عاوز تعدى عليه كده للسلام :) :)
و الله أنا كل يوم من 6 أكتوبر إلى مدينة نصر حوالى 100 ك رايح جاى و العربية تمام مشاء الله و الغريب إنى قابلت ناس كتير فى التوكيل بيسفروا بيها عادى بس بصراحة مش عارف بصفة مستمرة و لا لأ.
انا اشتريت ماروتي زيرو 2009 في شهر 8 اللي فات استلمت يوم الاتنين رخصت الاربعاء وسفرت بيها نفس اليوم بالليل علي فكرة كان اول مرة اركب عربية اه والله العظيم اول مرة اسوق عربية انا بعرف اسوق والحمد لله بس مكنتش سوقت عربية قبل كده ولا للمسافات ديه وسافرت بيها من القاهرة راس البر انا والعائلة طبعا خدت كام مطب عجب والدنيا طلمة في طريقة المنصورة وفي طريق دمياط وقلت ان العربية خلاص مش هتوصل بس الحمد لله وصلت هي المشكة في الشنطة مشكلة المشاكل في سؤال ممكن اركب اي حاجة علي سقف العربية علشان لو سافرت وهل هيبقي له تاثر وتاني حاجة بجد بفكر الصيف الجاي اسفر بيها مرسي مطروح بس خايف ينفع؟؟؟؟؟؟؟؟؟؟
هل ممكن اركب للماروتي تربو؟:120105~352:
انا سافرت بيها طنطا و رجعت الهرم و كان معايا اربعة غيرى واحد من مايو و اثنين من الفيوم و واحد من اسيوط زمايل فى الشغل
الطريف فى الامر ان الاثنين اسمهم محمد محسن
و نزلت اثنين فى الادارة فى المظلات و اثنين فى الرماية
و كانت الشبكة مليانه شنط كثيرة ما يقارب دورين و كنت بمشى بسرعة و وصلت فى حدود ساعة و نصف
و اغلب الطريق كنت ماشى بسرعة
فى النهاية الماروتى ملائمة للسفر
و ممكن تسافر بيها بس تكون مظبوطة كويس و مفيهاش عيوب او مشاكل فى اى حاجة فيها
و ربنا يستر طريقكم يا ماروتية
ممكن يركبلها شبكه فوق السقف عادي جدااا
بس المهم تعرف اكتر وزن بيتحط على الشبكه اد ايه ....دا اولا
ثانيا سافر بيها مطروح متخافش ان شاء الله هتروح وهترجع بالسلامه
واحد صاحبي عملها قبل كدا
وممكن يركبلها جناحات وتطير
ومروحه عند الشكمان كدا وتعوم
والحاجات بتاعت الصاروخ وتبقى صاروخ
الماروتي يركبلها اي حاجه (بهزر معاك :star1:)
عربية حلوة وعملية جدا وتستحمل جداااااااااااا
بجد عربيه محترمه و لا ننسي السعر كل الموضوع نسبه و تناسب
بص ياباشا
اولا بالنسبه للثبات لو فى هوا جامد او معدى جنب مقطورة ولا حاجه هتلاقى العربيه بتترحل من مكانها لوحدها
ثانيا المساعدين مشوارها قصير فلما تاخد بيها مطب ةانت على سرعه هتلاقى خبطه المساعد فى البطاحه وده هيبوظ المساعدين بسرعه (وطبعا فى السفر فى مطبات هوا كتير)
ثالثا السرعه المتوسطه للعربيه علشان متحملش ع الموتور نقول مثلا 80 كم/س يعنى بالنسبه لينا بطيئه
بص انا ساعات بسافر بيها جمصه(حوالى 185 كيلو) بس مش ببقى مرتاح بيها زى اى عربيه تانيه انما هى تسافر مش هتقول لا بس هتتأثر بالعوامل اللى قولتلك عليها دى عن تجربه
بص يا باشا
انا سافرت دمياط 280 كم على سرعة 120 تقريبا
تاني يوم رجعت القاهرة 280 كم على سرعة 120 تقريبا
تاني يوم سافرت العين السخنة ورجعت في نفس اليوم حوالي 250 كم على سرعة 130 و 140 و 150 اخر العداد
وشوية مشاوير جوا البلد وقفلت الباكو في 4 ايام تقريبا
مرا تانية روحت من المهندسين للقاطمية
ومن القاطمية للمهندسين
من المهندسين ل 6 اكتوبر
من 6 اكتوبر للمهندسين
من المهندسين لمدينة نصر
من مدينة نصر للمهندسن تاني
وطبعا كل مكان كنت بروحو بعمل شوية مشاوير
كل دا في يوم واحد
يا جماعة إدعولى أنا حنطلق بالماروتى يوم الخميس بعد الفجر مباشرةً إدعولى أوصل الساحل الشمالى بالسلامة
بس أنا واثق فى إمكانيات السواق إلى هو أنا طبعاً ومش حقلل من إمكانيات العربية وربنا يوفق
العربية ف السفر مريحة جدا ١٠٠ و ١٢٠ زي الفل ولا بتسخن ولا بتنخ بجد عربية محترفة ونعم الاختيار
ما شاء الله عليها
سيارة تحترم .. كما دائما اقول
الحمد لله سافرت بيها مطروح 2010 وكان معي في العربية زوجتي وطفلين واخت زوجتي ورجعت محمل من خيرت مطروح لب وزيت زيتون وياميش رمضان وكان معي صديقي مسافر بعربيته هيونداي اكسل وهي اللي ورتنا الويل واحنا راجعين انما الماروتي الحمد لله زي الفل ربنا يدمها نعمة
وان شاء الرحمن مسافربيها تاني مطروح في شهر 7 الجاي بس المرة ديه هخلي الاولاد وزوجتي يسفروا في الباص علشان كبروا باه والشنط وكده
ملاحظاتي عليها هي:
1- اقصي سرعة ممكن تمشي بيها 100 كيلو- ساعة علشان الثبات مش اد كده
2- الشنطة بتاعتها ضيقة مش بتاخد اغراض كتير
3- التكيف
غير كده والله زي الفل وربنا يستر طريقنا يارب
نصيحة بلاش
لسة كان واحد قريبي مسافر إسكندرية بستروين ax
جه واحد معاه بي ام بياخد غرزة خبطه من ورا لفت حوالين نفسها واتقلبت وماتت أمه في الحادثة
مع انه كان واخد يمين وماشي بسرعة 90 ك
من الاخر العربيات الصغيرة غير مهيئة للسفر
وفي الاول طبعا ربك هو الستار
انا سافرت بيها جرجا سوهاج من القاهرة ورجعت تانى يعنى سفر 1200كم وعادى جدا لكن المشكله فى الخبره فى التعامل مع العربيه فى الملفات والمنحنيات الخطيره لانى كنت ماشى بسرعة 110 الى 130 كم
والمشكله التانيه فى المطبات لان العربيه بتتنطط بيك تخيل سفر 600 كم وانت بتنطط طبعا السفر بيها متعب جدا جسمانيا اذا كانت الاسفلت وحشه
لكن لايوجد اعطال طالما الصيانه معموله فى مواعيدها
العربية انا بسميها عربية الشعب اقتصادية جداااااااااااااااا
وممكن نقول عليها النحلة
حلوة في السفر علي فكرة انا لسه كنت مسافر بيها الشهر اللي فات من مدينه العاشر من رمضان للغردقه يعني حوالي 450 كيلو او 500 ورجعت تاني يوم وبعديها بيوم روحت بيها اسكندريه حوالي 600 كيلو صد رد في نفس اليوم وطبعا اول اسكندريه من اول العامريه لحد كارفور اسكندريه كان الطريق متبهدل
بصراحه عربية زي الفل